2 Timoti 4:11 - Ka Lamana'a Monoꞌi Lu Mu Tifiꞌehina Ka Yabe

¹¹ Luku ai'asigo nanitoga minago moneka nohu'ibe. Makihi ya'ma le'moto moneko aliyo. Ai ya'ma foyagu nehe'menogo bati hilina'mu yagi yamofihi le'moto alane.

2 Timoti 4:11 Referans Kwoze

Aposolo 12:12

Ai ya luto ekesa keheliloto Yoni Makihi ito'afu Maliahi nonuga bu'ehina. To enali babu bona'i ya'mana nonuga li nupa hite nunumu hite mine'ahana.

Filemoni 1:24

Ya huloto moneko foyalo bo Maki, Alisitaka, Temasi to Luku enali ana suhi hite nehafihe lite keke'i neli lepalabe.

Aposolo 12:25

To Banabasiugo Soliugo mono foya lili'na Yelusale neli'ina su holago Yoni Makihi le'mete i behe hite e'aha'ina yabe.

2 Timoti 1:15

Esia metoga bona'i Hu'mamofihi naga'i luga'amagi malo e'ahanamagi enali asaga'i nani kumu enekesa mekehelite aku ahe'mi nete su he'ahabe. Figelasigi hiti to Hemogenegi hiti etali ana hite he'mi nete'aha'inamofihi akeheli'ahane.

Kolose 4:14

To laga lebesina bo, Luku, ai lusa bo nohina yagi to Temasi ana hite lenali kumu nehafiye lite nela'igo nogobe.

Kolose 4:10

To mone bouba gi'a Alisataku nani hiti'i naga'i li'ehina bouba lenali kumu nehafihe luto noligo fayahi nokoyobe. To ana huto Makiu, Banabasihi etali'afihi pana'a, ai lenali kumu nolibe. Nani ai kumu alu lepi'ohunagi to lenalitoga nehetilenogomo be tigite le'malo.

Aposolo 15:39

Polugo Banabasiugo ana kaga'mu lite kenasabo bite etogolagagu fibu fibu hilete loko hi'aha'ina. Ya hilete Banabasiu Makihi le'moto Saipalasi ya'ma hege nagamilugu ti'ehina metoga botigu tite bi'aha'ina.

1 Pita 5:13

To Hu'mamofihi yagapana'alobo'a Bebiloni hepatoga neminana'amagi lenali hiti lenele'mo eto hu'ehina enali keke'i neli lepalago nolube. To Hu'mamofihi kagu le'mo moloto mono kumu pana'ni Maki ai hiti moneko kumu keke'i nolu lepolobe.

Aposolo 16:10

Polu ya huto bamu'i abu golago lali mele'isi Masetonia biluta kapo'mu sa sa hu'ohuta. Hena'mugope Masetonia bonatoga ka lamana'a lu yege halo luto Hu'mau lali'i kehe noibe lutoti lu keheli'ohuta.

Luku 13:30

Yatai bona'i alihi neana enali yata'a neenogo to bona'i yata'a yatai neana enali alihi alana'mu yabe, luto Yesu lu epi'ehina.

Matiu 20:16

Ya luloto Yesu ma luto molo emito lu'ehina: Ya'mana suhi luto bona'i enali alihi alanamagi kohe talana'mu yabe, to bona'i enali kohe tete alanamagi enali alihi bilana'mu yabe.

Matiu 19:30

Ya hu'ehina babu bo luga'a yatai yata'a kohe kohe hite nebanamagi aliha'a yupahi alihi alabe. To babu bo luga'a enali alihi nebanamagi alihi yupahi enali kohe tete bilana'mu yabe. Yesu ya'ma luto lu'ehina.

Aposolo 15:37

Ya luto ligo Banabasiu: Yoni Makihi le'mo le'emegetoto ai bilune.

2 Timoti 2:21

To bona'i mone'amagi ya'ma sibi sabana li he'milete ya'ma enali komopa'ani gulu gulu lilinamagi lape'i lamana'a suhi huto lolo hilenogo nohi afo'afu Hu'mau lusa gito enele'mo ho tito fi hetofa hulenogo fato fato foya yamofihi li etalune'mu habe.