2 Timoti 4:10 - Ka Lamana'a Monoꞌi Lu Mu Tifiꞌehina Ka Yabe

¹⁰ Temasiu ai ya'ma melugu nasana'mu laga besigo keheligo tigo he'mi netoto Tesalonika metoga bu'ehinagi kai oletogo bati hu netalibe. Keleseniu ai Galesia metoga bu'ehina. To Taitasiu ai Talamesia metoga bu'ehina yabe.

2 Timoti 4:10 Referans Kwoze

2 Timoti 1:15

Esia metoga bona'i Hu'mamofihi naga'i luga'amagi malo e'ahanamagi enali asaga'i nani kumu enekesa mekehelite aku ahe'mi nete su he'ahabe. Figelasigi hiti to Hemogenegi hiti etali ana hite he'mi nete'aha'inamofihi akeheli'ahane.

Aposolo 16:6

Enali Filigia kegi'a hiti Galesia kegi'a hiti folagaha'atigu bi'ahana. Ya hago Sikalafu'uba Esia kegi'a mono ka lu yege mehalabe luto laga hu epolo'ehina yabe.

Filemoni 1:24

Ya huloto moneko foyalo bo Maki, Alisitaka, Temasi to Luku enali ana suhi hite nehafihe lite keke'i neli lepalabe.

2 Timoti 4:16

To Yuta bona'magi nifisa i'ahana'mu ka foya nolugo yata'a hapi huto nani'i hapa'ni lu noepugo bona'i moneuba nele'mo bati huto nele'mo memolo'ehinamo ni'ibe. Yamofihi sibina'a ya'ma Hu'mau nona'a li epololata mehino.

Filipai 2:21

Bona'i luga'a enali'anigo kehelite Yesu Kilisitohi lili'na'amu mone kehelilana'a mehabe.

2 Koliti 7:6

Ya huto nohutogo megusa yagapana'magihi komopa'ani le'mo bati hulata bo Hu'mau ai ya'ma Taitasi le'mo gelehe hilago oto le'mo amuya molo leto'ehina.

Aposolo 17:11

Enali Yuta bona'i Belia hepalugu enegekesa hokolo nehanamagi hetofana hite koyone hi'ahana. To luga'a Yuta bona'i Tesalonika nehanamagi suhi lite memine'ahana. Enali Belia bona'magi ka'atiti keheli bati hite laga'ani epesigo asaga yupahi mono buku'ani hiti lite e'ehite Polugo Silasiugo faga lila'ifi ma'naka lila'ifi lite leka so bati hite bu golata hi'ahana.

Aposolo 17:1

Etali kapo melete bite Afipolisi kegi'a henetilete yaloti he'mite bite Apolonia kegi'a henetilete ana hite ya'ma hepa'i be ligite bite Tesalonika hepato heneti'aha'ina. Ya'mana hepato Yuta bona'magi mono noha'ani mone ni'igo bu ge'aha'ina.

2 Pita 2:15

Enali kapo fotogo hina'alo ya'ma enemegesa hi emite leke he melete ya'ma Bosolohi pana'a Balamu ai koyapa bu'ehina kapogu mege'i melete nehabe. Ai foipanamofihi mina'a lilube'mu topa ho'ehinamo Hu'mau ana foipana'mu ka emeki'ehina. Yamofihi toki yaga'auba kaga menolinauba bona'magihi nogo huto luloto ya'ma Balamu kaga leli'ali bo faga faganamofihi negi nasana hilube'mu nohina kapo'a hekini lo eto'ehina yabe.

Taitasi 1:4

Taitasio, lusi pana'ni kai hiti nani hiti moneko mono'i keheli emito mino'ohu'inamo ni'ibe. Kai ya'ma fayahiya koyoto nokumuna kehelibo. Afotifu, Hu'mau to Yesu Kilisitou lubuto bilata bomofitogati lehe'mose'na fuluna'a hiti kaitoga mineno.

1 Timoti 6:17

Kai bona'i mone'amagi ma metoga nasana yogo fe'nohi babu luto silaga'i li nupa nupa nehana ya luto lu moloto lu epibo. Enugufa'ani lelite tite enemeha'ani sipalo memalalabe. Guna melelata nasana'mu kehelinogo lamana'a lolo mehino. Ya nasanaga bite i mekeleno. Hu'mau ai'a ya'ma lenumu hinogo nete melete laga'amu kehelilabe luto fitu fo limilata nohina bo aitoga ya'ma buto i ke'malune, luto lu epibo.

1 Timoti 6:10

Yogo fe'no kumu topa holata nohutamofihi komopa'aguti fato fatomofihi foipana'a huto hilibe. Bona'i luga'amagi yogo fe'no kumu lilune lite yata'a mono kapogu bilatana he'mite fato kapogu i pebisa hete tili tele hi'ahana. Ya nehago enalitoga eniginaga fise'na silaga'i huto hu'ehina yabe.

Galesia 1:2

To nani nalalu'nigihi luga'a maga nehana'a enali hiti moneka nohutoti ya'ma Yesuhi naga'a Galesia metoga minete bi'ahana bona'i lenali fayahi ya'ma koyoto nolepunagihe.

2 Koliti 8:16

Ya'ma Taitasiu lenali kumu luto lenehe'moto fifa ilata nohuna ana legegeto aitoga huto higo Hu'mamofihi fokehi holata nohune.

2 Koliti 8:6

Enali ya suhi hilago Taitasiu ya'ma lenali komopatini keheli bati hilana foya hapi fi'ehina ya'ma li su hoto lilibe luto yamofihi lu eto'ohuta yabe.

Aposolo 18:23

Analo'i nesi kana minoloto ana hepa'i he'miloto Galesia kegi'a hiti Filigia kegi'a hiti bula ola huto boana'i Yesutoga komopa'ani melete neminanamofihi enele'mo amuya molomofa'na hu'ehina yabe.

Aposolo 17:13

Ya hago alihi Tesalonika Yuta bona'magi Polu ya huto Hu'mamofihi ka'a Belia bona'i lu noepibe lana'a keheli'ahana. Ya hilete enali ana hepatoga bite boana'i faga faga lube epibe hite enegekesagu lu pisili bite enele'mo negi nagi ne'ahana.

Aposolo 15:38

Ya ligo Polu: O'e luto, koyapa ya'ma pana'uba Pamifilia kegi'ati he'mi le'etoloto fato kapoga bu'ehina. Le'ali hiti moneka humofa'na huto lili'na li baga mei'ehina pana'i yago le'ali hiti mebilibe luto Polu ya lu'ehina.

Aposolo 13:13

Polu yagi to bona'i luga'a ai hiti kapo malanamagi hiti enali Pefosi hepatogati he'mite sipi botigu tilete Pega hepato Pamifilia kegi'a bi'ahana. Ya nehago Yoni Makiu he'mi etoto to Yelusale hepatoga i behe huto bu'ehina yabe.

Luku 17:32

Lotihi liha'amoga lenekesa yigilo. Ai kapogu i behe huto fulu huto minoto ana'asi fili'ehinana'mu beto hilo.

Luku 16:13

Sipi bo loemale'i lili'na'atiti moneko bouba lilina'a huto meni'ibe. Mone'mofihi ipakafa nohoto mone'mofihi fokehi halina'mu yabe. To mone'mofihi le'mo bati nohuto mone'mofihi le'mo hale hilina'mu yabe. Lenali moneko kumu Hu'mamofihi nasana'a le'mo bati nehite efahi le'mo bati nehite mehilana'mu yabe, luto Yesu lu epi'ehina yabe.

Luku 14:33

Yesu ana kaga'a lu baga i'ehina: Ana suhi huto mone bomaka asaga yogo fe'nohaka kemegesa hu emiloto ya suhi meminalata nani koko pana'ni lolo mehilata'mu yabe lu'ehina yabe.

Matiu 26:56

Ya hu'ehinaya kaga lu huto huto bomagi mono kagu fayahi ge'ahanalo pa salina'mu yabe. Ya luto ligo Yesuhi koko pana'a tili tele hite koli fele su he'ahana yabe.

Matiu 12:32

To mone bouba Hu'mamofihi pana'amofihi kaga foipa lu etalinaya Hu'mau ana foipana'a li he'mi etalina'mu yabe. Ya hilinaya bo moneuba Sikalafu'mofihi kaga foipa'a lu etalinaya ana foipana'a Hu'mau li mehe'mi etalina'mu yabe. Yatai hiti aliha'a yupa hiti ana sunogo hilina'mu yabe, luto Yesu lu epi'ehina yabe.

2 Koliti 8:23

Taitasihi hapa'amu kehelilune lite nelinogomo lenali kumu yabe luto ai hiti nani hiti foya lilata nohu'ina botini loemo ya'ma nohu'ibe. To Taitasigi hiti moneka bila'ina bole'i lalalutigihi hapa'atiti kehelilune lite nelinogomo etali Hu'mamofihi ka nekehelina bona'atitimagi etoho lifigo foiya neba'ibe. To etali Kilisitohi fana meha'a le'mo saga hilata neha'ina bomale'i neha'ibe.