2 Timoti 3:16 - Ka Lamana'a Monoꞌi Lu Mu Tifiꞌehina Ka Yabe

¹⁶ Mono'i lataha'a buku silaga'i ya'ma Hu'mau enele'mo bati huto komopa'ani enele'mo babahi higo li huto hi'ahanamo ni'ibe. Yanaguti leka soto nokehelugo mono kamofihi hapa'a lelepi bebe solata nohibe. Ya nohuto legekesa lito minoba minoba huto nohibe. To faga nolutogo lele'mo kapo lamana'alo mololata nohibe. To sibina nohutogo ai ka lemekilata nohibe. To legekesa lito lele'mo bebe solata nohibe. To bebe soto minoto lito hilutamofihi kapo nolelepito lele'mo bebe senogo,

2 Timoti 3:16 Referans Kwoze

Romu 15:4

Ya'ma koyapa'i mono bukugu fayahi ge'ahanamofihi asaga kagauba Hu'mamofihi biluta kapo'mu lelepito bu megose'namofihi geba huto mino lito buto lele'mo amuya malalina'mu yabe.

Hibulu 4:12

To Hu'mamofihi ka'a ya'ma amuya moloto mino kosaba'na huto minalina'mu yabe. To emita'i mone baga'a megesa'aga to okaba'aga heta pita huto ya'ma be ligito ni'ibe. Anatu laga humo limito lemehi komopati to felisati apilifati hiti i loko hulata nohibe. Ya huloto komopatitu kehelilatana to keheli laga hulatana yanamofihi hapa'a li huto hulata nohibe.

Maki 12:24

Ya lago, Yesu ka'anilo ma luto lu epi'ehina: Ya. Lenali ya hite keheli fetaga nehabe. Lenali Hu'mamofihi ka'a hiti hapa'a hiti mekeheli'ahabe. To Hu'mau amuya'a hiti bo nohigo, lenali menekehelibe.

2 Timoti 4:2

Kai ya'ma mono ka lu yege hoto lu epilata ya'ma bona'i enali kumu kebesilina'a mekebesilina'a asaga kanagu sibigopa lu epibo. Enegekesa lito, sibina hilana'mu ka epekito enele'mo bati huto komopa'ani enele'mo babahi huto mono ka lu epiba epiba huto kosele'i mekehenogo enele'mo lehe talane.

2 Timoti 2:25

Enali mono kamu'i kenasabo bi'ahana'amagihi ya'ma fulu huto enele'mo bebe salabe. Hu'mau ai'a enele'mo lito limilenogo komopa'ani li gelehe hite ka lamana'a keheli bebe salafihe lite ya hi epalalune'mu habe.

Aposolo 20:20

To kaga lu yege hoto mono nasana'mu lenelepito mone lenehe'malina ka fala mekise lu lepi'ohuna. Ya'ma asaga bona'ni li gehesa nehanogo lu lepilata huto to lenali nohatinigu moneko'na moneko'na nehago lu lepila huto mino'ohuna yabe.

Yoni 3:20

To bo moneuba foipa faipana lito minoto fana mehenamofihi ipakafa halina fana tose kapogu mebilina'mu yabe. Hena'mugope foipa faipa suha'a asaga bona enubugu hu yege mefilube'mu yabe.

Matiu 13:52

Ya lago Yesu lu epi'ehina: Ya hu'ehigo asaga keya kaga enelepise bona'i enali kokulumamofihi kapo'alo kaga'mu enelepise lite akeheli su he'ahabe. Enali sipi nohi mone'mofihi afo'a legi hite nehabe. Ai situa noha'agu tiloto yuhufana hiti tafana hiti li munu munu huto lito fegutoga limilata nohina suhi lite nehabe.

Aposolo 18:25

Enali ya'ma bomofihi Sipi Bomofihi Kapo'alo le'mo melete kaga lepi'ahago ana kagauba komopa'a amuya molo'ehigo nohuto Yesu li huto hu'ehinamofihi kaga'a boana'i enelepito to lu epi'ehina. Ya hu'ehina to ai Yoniu nagami'i folo epololata hu'ehinanago ai keheli'ehina yabe.

Romu 2:20

To kai babafi bo, keheli sibina hu'ehina bona'mu kaga lu enelepito enehe'malapihe? To mone yagapanauba kaga mekehelise nominana'a suhi huto nohigo kai mono kaga lepilata nohapihe? Hu'mamofihi keya kaluguti lama'naka kaga hiti to keheli bati huse'na kaga hiti ya'ma bai tago ni'ibe luto lulata nohane.

Galesia 3:8

Fegutoga bona'i enali Hu'mamofihi agoya hu emilenogo yamofihi foipana'ani li he'mi epalalibe. Koyapa'i mono bukugu Hu'mau ai'a Abalahahi ka lamana'a lu emi'ehina ya'ma lite kehelite mono kagu fayahi ma lite keye'ahanamo ni'ibe: Kai agoya hu nimi'ahatalo lusa gi keto'ohuna ya'ma melugu bona'i asagatoga li su halube'mu hibe.

Hibulu 3:7

Ya hu'ehina'mu Sikalafu'uba lu'ehina ka'a ya'ma mono bukugu ma lite keye'ahana: Yatai ya'ma lenali Hu'mamofihi nogo'a keheli'ehilanamo,

1 Koliti 12:7

Sikalafu'i yauba monolugu bati hite minalabe luto mono'mofihi amuya'a silaga'i guna moloto limi su holata nohibe.

Aposolo 20:27

Ya'ma noluto hena'mube? Nani ya'ma Hu'mamofihi lu kehelise nasana asaga'i lu hokolo huto mone'a fala meki'ohuna yabe.

Yoni 10:35

Ya'ma lali mono kaga keye'ahana lamana ka ni'igo mino lito bu'ehina kaga ni'ibe. Hu'mau ka'a lu epi'ehina'a enali kumu nani suhi hite mine'ahabe luto Hu'mau lu'ehina.

Matiu 26:56

Ya hu'ehinaya kaga lu huto huto bomagi mono kagu fayahi ge'ahanalo pa salina'mu yabe. Ya luto ligo Yesuhi koko pana'a tili tele hite koli fele su he'ahana yabe.

Aposolo 1:16

Nogonamu tamu'nimagita lenali kehelilo. Koyapa'i monolugu fayahi mone nina Sikalafu'uba Tebitihi bagalo lu huto hu'ehina yabe. Ai Yutasi kumu lu'ehina, ya'ma bouba ai Yesuhi halana bona'magihi kapo'ani li hokolo hilina'mu yabe. Ya lite fayahi ge'ahana ana suhi ahu'ehibe.

Matiu 21:42

Ya lite lago Yesu ma luto lu epi'ehina: Mono bukugu kaga mone ma luto nina lenali mekeheli'ahafihe? Lili'nalo bomagi ya'ma efahi bati mehina efahi yabe lite li he'mi'ahana. Yatai ya'mana efahuba nohi nekisa'a li tokolo hu'ehibe. Sipi Bouba ai ya'mana suhi li huto higo lali bu gota laga gofa hibe.

Romu 4:23

Yana Hu'mamofihi bulo lamana bo nohibe luto lu'ehina ka keye'ahana ya'ma aisigo ka meni'ibe.

Hibulu 11:1

Keheli ule'ale husemofihi hapa'a ma luto ni'ibe. Ana'ina le'mo bati nohu letana yana'mugopa keheliya ito fifa ito minoto yanamofihi geba hulatana to bu mego'ehilutana'mu komopatitu le'mo pili koto lito nohilune.

Romu 3:2

O'yo, bati hu'ehibe. Hena'mube? Hu'mau yata'a kaga'a Yuta bonatoga molo epolo'ehina. Yuta bona'magi Hu'mamofihi hapa'a akehelite agoya hu emi'ahana yabe.

Aposolo 28:25

Enali'ani fato fato enegekesa yigilete bula ola hilune'mu nehago Polu kaga mone ma luto lu epi'ehina: Tatatifihi Aisaiyahi kaga lu yege holata bomofihi bagalo Sikalafu'uba ma'naka luto ma luto lu emi'ehina yabe:

Maki 12:36

Koyapa'a Tebitiu Hetofa Sikalafu'uba lu emi'ehina ka ya'ma luto ma lu'ehina: Sipi Bo Hu'mau nani Sipi Bo'ni ma lu emi'ehina: Kai lamaga'nilo minotoka, to nani fatehakamagihi enoho su holenogo melugu minelenogo kai kigigusakatu enemegesa'anilo kifita ilane.

Matiu 26:54

Nani ya hilunaya Hu'mau fayanugu go'ehinamofihi mana'a hiya'a huto huto hilinabe? Monolugu ma lite ge'ahana yabe, asaga'na ya'ma suhi luto huto hilina'mu yabe.

Matiu 22:43

Ya luto enoloka hago enali ma lite lu emi'ahana: Tebitihi pana'amo nohibe. Ya lago Yesu lu epi'ehina: Ya lanagi to hena higo Sikalafu'uba Tebitihi le'mo kugu higo ho tito Sipi Bo'nibe lu'ehinabe? Yalo Tebitiu ma lu'ehina: