2 Timoti 2:8 - Ka Lamana'a Monoꞌi Lu Mu Tifiꞌehina Ka Yabe

⁸ Kai Yesu Kilisito Tebitihi tata'afu yagi ai kumu kehelito beto huto minobo. Ai fili'ehinaguti aku ho ti'ehina bo yabe luto ai ka lamana'a lulatanamofihi ya'ma lu yege holata nohube.

2 Timoti 2:8 Referans Kwoze

Aposolo 2:24

Ya hi'ahana Hu'mau ya'mana bo aku'i le'mo ho ti'ehibe. Ai gabu gigo fili'ehinana asaga'i li he'mi su ho'ehibe. Hena'mugope kene mala malauba ya'mana bomofihi gufa'alo meligo yabe.

Romu 2:16

To mone sipi yupahi Hu'mau ka foya molobo luto Yesuhi lu emilina kanagu ai bona'magihi suguna ka lilatana to enegekesa kehelilatana komopa'anigu lolo hi'ahanamofihi lu hokolo hu epololoto kaga'ani loko hilibe. Yana'mu nani Yesuhi hetofa ka lamana'aluguti lu yege holata nohube.

2 Tesalonika 2:14

To Hu'mau ya'ma Sipi Boti Yesu Kilisitohi kogonalina'amofihi fana meha'a lilabe luto lenali kumu kehe ito lenele'mo eto hu'ehina yabe. Ya'ma ka lamana'a lu yege hoto lepi'ohutana ya luto kehe igo lenali keheli'ahana.

Matiu 1:1

Ma fayahi Yesu Kilisitohi tata'agi enigi'ani mana ni'ibe. Yesuhi tata'afu mone Tebiti yabe. To ana bomofihi tata'afu mone koyapa bo gi'a Abalaha yabe.

1 Timoti 2:7

Ya'ma kaga lu hokolo hilane luto Hu'mau aposolo bo nele'mo malago nohube. Fegutoga bona'i enalitoga buto ka lamana lu epilago enali keheli ule'ale huse ka'amofihi hapa'a giyaka lite minalabe luto ana foya'mu nele'mo eto hu'ehina. Ya'ma ka faga hiti menolube. Lama'naka luto nolube.

1 Koliti 15:4

Filigo keli hete'ahana mono bukugu li mele'ahana kana'a loebe monebe keligu minoto mopo huto ho ti'ehina.

Huto Hilina Ka 5:5

Yibi nohugo olopa kaba bona'i luga'amagihi enalitogati moneuba ma luto lu nimi'ehina: Yibi mehubo. Bu gobo. Yutaha nagaluguti luba kala laeoni tegi huto mino'ehina bo huto hu'ehina ai Tebitihi yagapana'a ya'ma Satahi luba'a be ligiloto pepa naga'a 7 li sala ke'ahana ya'ma aigo li paka soto bu galina'mu yabe.

1 Timoti 1:11

Ana hetofa mono kaga'a Hu'mau ka lamana'a molo neto'ehina yagu nohuto Hu'ma fana meha'a hiti bo, ana bebe sose to hetofa bouba ai lu huto hulata hu'ehinagi yana'mu nani lu yege holata nohube.

1 Koliti 15:1

Nalalu'nigita ka lamana'a alu lepugo keheli'ahabe. Ana kagamo aku'i lu lepilube. Giyaka giyaka fito lu lepugo lite lufusatini alolo hu'ehinamo ni'ibe.

Romu 16:25

Lali Hu'mamofihi gi'a liyafa hilune luto nolube. Ai kehelise'natini le'mo amuya hinogo lenali loe lae mehise aitoga ule'ale hite minalabe. Yesu Kilisito kumu ka lamana'a nani lepi'ohunana ya ni'ibe. To ana huto Hu'mau koyapa kanagu suguna ka mone emasana fala ki'ehinamofihi yatai Sipi Botiuba hepa'i kugumato li huto hu'ehina ka ya'ma lu hokolo hu lepolo'ehina yabe.

Aposolo 13:23

To Hu'mau li huto hilube luto koyapa'i ka molo'ehina suhi li huto huto ya'mana bo Tebitihi nagaluguti bo mone huto hu'ehina Yesu yabe. Ai koyapa'i Hu'mau kaga molo'ehinamo'mu ya'mana bouba asaga Isilaeli bona'i enele'mo enubuto bilina bo nohibe luto epi'ehina.

Aposolo 2:30

Ya hu'ehina ai Tebitiu kaga lu yege hose bo nohibe, ai Hu'mau ma luto lu molo'ehina kaga akeheli yafa hu'ehina yabe. Nani panaka mone kai siakalo nona'a minalina kiminogo'ni kai hepa'i lilina'mu yabe.

Luku 24:46

Ya hago ai lu epi'ehina: Mono kagu ma luto nina yabe. Mesiau gabu gise'na li kofito fililoto loegi monegi yupanugu aku'i kene keliguti ho tilina'mu yabe.

2 Timoti 1:8

Ya'mu'i Sipi Botimofihi ka lamana'a lu huto hilata'mu kubuya mehino. Ya huto ai kumu yabe luto naga nonugu nohugi yamofihi nani kumu kubuya mehino. Hu'mau ai amuyana'a kimilenogo ka lamana'amu yabe kalana'i mele ketenogo kai hiti ananamofihi gupisa'alo fa'mene minobo.

2 Timoti 2:7

Ya'ma kaga lu nokumuna fono ka suhi yamofihi hapa'a kehelito le'mo eto hubo. Sipi Bouba kekesa kehelilatana lu hokolo hulenogo yamofihi asaga'na keheli bebe salane.