2 Timoti 2:5 - Ka Lamana'a Monoꞌi Lu Mu Tifiꞌehina Ka Yabe

⁵ To ana huto hololu lilanagu ya'ma bo moneuba ana yokolo'namofihi kaba bouba hololu nelana'mu lu laga hu'ehina ka'a hauta halina yamofihi mina'a huto mehilina'mu yabe.

2 Timoti 2:5 Referans Kwoze

Huto Hilina Ka 3:11

Nani mele'isi henetilube'mu hube. Ya'mu moneuba sekele mamu'a hiti kakilitini suba to lalibe lite lenali ana'ina li'ahanamo ya'ma kaba hu bati hite li pili kete lilete minalo.

Yemesi 1:12

Kalana'i nemele lepelenogomo fili tegi hite meminalana'a yamagi enegelo bite minalana'mu yabe. Fi taga hi epelenogomo su nehenogo yamofihi Hu'mamofitoga komopa'ani emite minalana bona'i epilube luto lu molo'ehina nasana yamofihi babeyafa'a minoba minoba huse'na liluta'mu yabe.

Kolose 1:29

To nani ana lili'nalo amuya moloto liba liba nohube. Komopa'nigu Kilisitohi amuya'auba nehe'mago ana lili'na nolube.

Hibulu 12:4

Lenali foipanauba lenele'mo ho kalube'mu nohinogo amuya melete luba nehago lenugufatini laga hago golahi mele'isi mehu'ehibe. Mineme bite minelata nasana yamofihi mino'ehinamo ni'ibe.

Luku 13:24

Lenali felisatini li amuya melete minalana Hu'mamofihi hepatoga bilana kapogu kitili'a folo hokolo hite bilana'mu yabe. Nani lu nolepube. Asaga bona'i ana hite ana kapogu folo hokolo hite tilune'mu hilanaya folo hokolo hite metilana'mu yabe.

Huto Hilina Ka 2:10

Lenalitoga keta'a huse'na aku'i huto hu lepilube'mu higo lenelesa melino. Keheli'ahafiye? Satau ai enimi'i mololata nasana huto hu lepilibe luto lenalitogati luga'a ya'ma naga nonugu lenele'mo malalina'mu yabe. Ya hulenogo keke'i luse'na keta huse'namofihi kana'a 10 yupapogu huto hu epilina'mu yabe. Lenali ya'ma mono ka li pili kete lite fililafi fa'mene minalafi lite minete kehelilenogo sekele mamu'a hiti kakili tegi huto ule'ale huto minolata nohinamofihi lito bi lepalalube'mu hube.

Hibulu 2:9

Ya huto Yesu bu go fe luto kehelilata nohune. Kana'a hupamone ya'ma agelomagihi enalitogati limito minoto Hu'mau lehe'mose'namu keke'i luse'na kehelito fili'ehina yabe. Asaga bona kumu yabe luto fili'ehina. Ya'ma fili'ehinanamofihi gabu gise'namu Hu'mau le'mo hofa tago fana meha'a hiti gi'amo li saga huse'na hiti aitoga huto hu'ehina bu golata nohune.

Hibulu 2:7

Yamofihi kana'a hupasi hinogo kai bona'i lebato agelomagitoga legege hu epolo'ahane. Kai gihiti bomofihi gi'aloti sekele mamu'a hiti liyafa huse'na'a hiti bona'magihi epi'ahatamo ni'ibe.

Filipai 1:15

Luga'amagi Kilisitohi ka'amu kenasabo bibe ilubu alubu nehabe. To luga'amagi enali komopa'ani lamana higo kehelite ai ka'a kehelite lilata nehabe.

1 Pita 5:4

To minoto kaba bo Sipi Bouba nehetito sekele mamu'a hetofana ni'ilina yanamofihi fana tose'na'a sipi'a amuya moloto minolatamofihi yana'a ifi to lepelenogo minalabe.

Huto Hilina Ka 4:10

To olopa bona'i luga'a 24 sekele mamu'a hiti kefalo minolata nohinaga bite enalapusa fi emite ya'ma minoba minoba nohina aitoga foke ka lu emite sekele mamu'a hiti kakili'ani ya'ma sigitete nemelete ma lite lilata nehabe:

Huto Hilina Ka 4:4

To sekele mamu'a hiti kefa hisa napa'a fi bego hite ya'ma fato kefa hisa mone kegi'a 24 kefa ni'igo bu go'ohuna. Kefamofihi gupisalo olopa kaba bona'i luga'a 24 enali koholi gukete'ani fayaha'a hiti lite hekelete mine lite bite mine'ahana to kakili'mofihi sekele mamu'a golitu lolo hi'ahana ya'ma lataha'aniga ni'igo bu go'ohuna.