2 Timoti 2:10 - Ka Lamana'a Monoꞌi Lu Mu Tifiꞌehina Ka Yabe

¹⁰ Yana'mu nani keke'i luse foya asaga'i Hu'mau enele'mo eto hu'ehina bona'i enali kumu yabe luto baga'a hiti nasana ya'ma kofilata nohube. Ya nohugo enali ya'ma Yesu Kilisitou enubuto bilata nohina to fana talina hiti mino kosaba huse'na ya'ma lilabe luto ya hulata nohube.

2 Timoti 2:10 Referans Kwoze

Kolose 1:24

To nani lenalitoti nagabu foya ko nofunanamu'i nipa'ni sibina mehuse fokehi nolube. Hena'mube? Lali Kilisitohi gufa'a nohuta bona'magi kumu gabu foya kofilina mone'a ni'ina nani he'moto kofinogo su halibe luto nohuna yabe.

1 Pita 5:10

To asaga lehe'malina afo'afihi, Hu'ma ai'i sekele mamu'a hiti Sikalafu'uba amuya moloto minolata nohinamofihi aitoga Kilisito kumu yabe luto aitoga bu henetilabe luto elesa molo lepi'ehina bo ai leniginaga fise kana'a hupamone'isi nokehelito lenele'mo bebe soto tito amuya'auba limito lenele'mo hetofa huto amuya lapusa fi lepalalina'mu yabe.

2 Timoti 2:3

Kai Yesu Kilisitohi lusi gimi mage bo'a bati huto lolo huto nohitogo kai hiti kalana'i mele letalana'mu yabe luto kosele'i mekeheno.

2 Koliti 1:6

Lalitoga keke'i luse'na huto hulata nohina ya'ma lenalitoga fuluna huto hilibe luto to lenele'mo bati hilibe luto huto hu limilata nohibe. To fuluna'a ya'ma lalitoga huto hu limilata nohina ya'ma lenali kumu yabe luto huto hu limilata nohinagihe. To fuluna'auba lenalitoga mino moloto fi hetofa nohu lepelenogo keke'i luse'na lalitoga huto hulata nohina ana suhi huto lenalitoga huto nohinogomo fi siti bite minete lilabe luto ni'ibe.

2 Koliti 4:17

Metoga kalana'i mele letalana nesi'a yamofihi su halina yanauba sekele mamu'amofihi laga hina'a su mehose minoba minoba hilina'a li huto hu limilibe. Ana sekele mamu'a limilina'a yanauba lali kumu kalana'i nemalana li'ohutana be ligilina'mu yabe.

1 Pita 2:10

Koyapa'i lenali Hu'mamofihi bona'a memine'ahana. Yatai ya'ma Hu'mamofihi naga'i lolo hite neminabe. Koyapa'i lenali mino bati hite memine'ahana. Yatai ya'ma Hu'mau ginaga fi limise bomofihi komopa'agu nehabe.

1 Tesalonika 5:9

Yamofihi hapa'a ya huto ni'ibe. Hu'mau siko hu letoto osahi limilibe luto lele'mo'ehina meni'ibe. Ai Sipi Boti Yesu Kilisitou lubuto bilata hinogo li bati hilabe luto lele'mo eto hu'ehinamo ni'ibe.

Efeso 3:13

Ya'mu ya'ma luto lepilugi kehelilo. Nani lenali kumu yabe luto kaso'a hiti yanamofihi gupisalo nohutogo kehelilete komopatinigu lenagabu'i megino. Lenali kumu yabe luto lenele'mo fana talube luto ya nohunagi lenofokehi lilo.

2 Koliti 4:15

Lali asaga nasana ya'ma lenali kumu yabe luto lolo huto moloto hulata nohune. Hu'mau lehe'mose'namofihi nasana i tili huto binogo bona'i asaga'magi kehelilete Hu'mamofihi foke ka lite enegelo bi emite Hu'mamofihi fana meha'auba bu baga o baga ito minalibe.

1 Koliti 9:22

To bona'i mone'a komopa'anigu Hu'mamofihi kagagu amuya'ani menina Kilisitotoga enele'mo malalube luto nani amuya'ni menina bo suhi huto lolo huto mino'ohuna. Nani ya huto fato fato bona'i enehe'malube luto bona'i fato fato bona'i enalitoga minoto fato fato suhi lolo hu'ohunamo ni'ibe.

Romu 9:23

To bona'i mone'amagihi fana meha'agu enele'mo moloto keke'i lu epoloto minalina ana huto ai foya'a yabe. Ai ya huto lalimo Yuta bona'magitogati fegutoga bona'magitogati mone'a kehe ito lele'moto fuluna'a limito komopa'a lalitoga fi limi'ehina. To henabe lutobe? Asaga bona'magi ai'a fana meha'a sipina ni'ina'mu enali kehelite fokehi lilabe.

Romu 2:7

To bona'i luga'amagi Hu'mamofitoga agoya hu emite hetofana hiba hiba nehana to fana tose hepato bilune'mu nehite Hu'mau lele'mo ho tilibe lite nelana mino kosaba huse'namofihi kapogu bilune'mu nehana enali'i Hu'mau enele'mo kosaba hilibe.

Yoni 17:24

Ke, Afo'niga. Nanitoga enele'mo molo'ahata bona'i ya'ma enali nani minalunaga mine malalabe luto lu nokumube. Yalo nehite ya'ma me'i huto mehu'ehigo komopaka nanitoga molo'ahata kokulumagu fana meha'a molo neto'ahatamofihi bu go fe lilabe.

Yoni 17:9

Nani enali kumu yabe luto kaitoga koloka nohobe. Melugu bona'i mono ka mekeheli'ahanamagi enali kumu menolube. Nimi'ahata enali'i kai nagaka nehanagihe luto enali kumu koloka nohobe.

Matiu 24:31

To ai agelo'a babu lito enoho lifinogo enali ufehi fu linogo sipi nogo nomelenogo analo bona'a enele'mo eto hu'ehina guna ilina'mu yabe. To enali me'i nekisa'a loegi loegi ninalo mine baga ilete anagati bona'i guna ite ete bite me'i mone kegi'a nekisa'aga su halana'mu yabe.

Matiu 24:24

To faga faga Mesiagi to faga faga kaga lu yege hose bo babu lite nehetilete Hu'mau enele'mo eto hu'ehina bona'a enimi'i malalune lite babeyafana lumofihi lumofihi fato fato'i li huto hilana'mu yabe.

Matiu 24:22

To Hu'mau ya'mana kana li hupa mone mehititaya asaga boana'i ma melugu meminatita'mu yabe. Ya hu'ehina Hu'ma ai enele'mo eto hu'ehina bona kumu'i ekesu mehalibe. Ya'mu luto ai ya'mana kana'a li hupa mone hilina'mu yabe.

2 Tesalonika 2:14

To Hu'mau ya'ma Sipi Boti Yesu Kilisitohi kogonalina'amofihi fana meha'a lilabe luto lenali kumu kehe ito lenele'mo eto hu'ehina yabe. Ya'ma ka lamana'a lu yege hoto lepi'ohutana ya luto kehe igo lenali keheli'ahana.

Luku 18:7

Ana suhi huto Hu'mau boana'a enele'mo eto hu'ehina enali asaga utehi etehi aitoga kehe ite lehe'malibe lite lilata nehana meenehe'malina ni'ifihe? Hu'mau tala tele huto enehe'malina ni'ifihe?

1 Koliti 1:21

Ya'mana hapa'a ma ni'ibe. Hu'mau kehelise'na'a amuya huto nohigo bona'i enali'ani kehelilata nehana yanatu Hu'mamofihi hapa'a bu galune lite alune'mu bati mehi'ahana. Ya'mu Hu'mau keheligo bati higo Kilisito fili'ehina ka'a lu epise'na ya'ma bona'magi kehelite negi nasana yabe lite nelana'a ya'ma bona'i luga'a lu epugo kehelite aitoga agoya hu emilune lite fifa neigo Hu'mau enubuto bilata nohibe.

2 Koliti 12:15

Ya suhi huto nani lenali kumu yabe luto yogo fe'noha'ni minoto lito hulata nasana'ni li he'milube luto keta mehuse huto nohube. To nani ya huto komopa'ni lenelepilata nohunogo lenali komopatinitu nani kumu lenemehi melelata nehanamofihi inomo limito minalifihe?

2 Timoti 1:1

Poluita, nani Yesu Kilisitotoga buto i hepito amuya moloto lenemehi emite minalabe luto lu limi'ehina ya'ma kagamo lu huto hilube luto Hu'mamofihi kaga'agu ya'ma Yesu Kilisitohi koko pana'a nele'mo'ehinogo aposolo bo lolo huto nohunamofita.

2 Timoti 2:1

Pana'nimaka. Kai Yesu Kilisitotoga buto i hepi'ohuta'mu yabe luto lehe'mose'na limito lele'mo hetofa hulata nohina yamofihi komopa'agu minoto amuya moloto minobo.

Taitasi 1:1

Poluita nani Hu'mamofihi koko pana'a Yesu Kilisitohi aposolo bo nele'mo ho ti'ehina. Ya hu'ehina Hu'mau enele'mo eto hu'ehina bona'i enali aimo agoya hu emilabe luto enehe'mobo luto to lali mono'mofihi ka lamana'a kapogu enele'mo keheli bati hino luto ya'ma foya'mu nele'mo ho tito noho lifi'ehina yabe.

Luku 22:57

Ya ligo Pitau o'e luto luloto lu'ehina: Apa'niga. Nani ana bo mekeheli'ohuna bomofi kumu nolane.