2 Timoti 1:9 - Ka Lamana'a Monoꞌi Lu Mu Tifiꞌehina Ka Yabe

⁹ Hu'mau ai'a bona'a lolo huto mino eto huto minalune luto lubuto biloto elesa molo limi'ehina. Ya higo minoto lito hu'ohuta ya'ma lamana foyafi lamana hapatifi ni'igo yana'mu lubuto bi'ehinamo ni'ifihe? O'e, ya huto meni'ibe. Ai'a komopa'atu kehelito lehe'mose'na'atu fi hetofa hu leto'ehina. Ai koyapa'i me'i le'mo huto mehu'ohuto'a Yesu Kilisitohi naga'i lolo hilabe luto lu limi'ehinamo ni'ibe.

2 Timoti 1:9 Referans Kwoze

Romu 16:25

Lali Hu'mamofihi gi'a liyafa hilune luto nolube. Ai kehelise'natini le'mo amuya hinogo lenali loe lae mehise aitoga ule'ale hite minalabe. Yesu Kilisito kumu ka lamana'a nani lepi'ohunana ya ni'ibe. To ana huto Hu'mau koyapa kanagu suguna ka mone emasana fala ki'ehinamofihi yatai Sipi Botiuba hepa'i kugumato li huto hu'ehina ka ya'ma lu hokolo hu lepolo'ehina yabe.

Taitasi 1:2

Nani ka lamana'amofihi hapa'a ma luto ni'ibe. Hu'mau faga meluse bomofihi koyapa'i me'i hiti kokuluma hiti huto mehu'ehina kana'alo ya'ma amuya lemehi fi hetofa hu letalube luto mino kosaba huse'na lelepito lu'ehina fifa ito minolata nohune.

Romu 9:11

Yata'a etali huto mehi'aha'igo to hapa'atiti hetofanafi sibinafi huto mehuse Hu'mau Lepekahi ma luto lu emi'ehina: Yege pana'uba gona'amofihi kele kele'i hu etalibe luto lu'ehina. Ya huto Hu'mau mone pana'amofihi hapa'a bu goto bati huto yabe luto le'mo ho ti'ehifihe? O'e. Ai foya'a ni'igo mone pana'a fuku luto nani bona'ni yabe luto li gehe li'ehina yabe. Hena'mube? Hu'mau ya huloto asaga bona'magihi li gehe li'ehinamu enelepilube'mu nohibe.

Yoni 17:24

Ke, Afo'niga. Nanitoga enele'mo molo'ahata bona'i ya'ma enali nani minalunaga mine malalabe luto lu nokumube. Yalo nehite ya'ma me'i huto mehu'ehigo komopaka nanitoga molo'ahata kokulumagu fana meha'a molo neto'ahatamofihi bu go fe lilabe.

Efeso 1:11

To silaga'i ya'ma Hu'mau komopa'atu keheliloto lu molo'ehinalo lilata nohibe. Ai'a koyapa kana'a ekesa kehelito lu molo'ehinalo Kilisito hiti moneko'na minalabe luto lele'mo'ehibe.

Huto Hilina Ka 13:8

To melugu bona'i asaga'i enali enalapusa fi emi'ahana keke bake li etalabe. To luga'a enigi'ani ya'ma sipisipi nala'a he fili'ahana ai ya'ma enemeha'a minoba minoba nehana bona'magihi enigi'ani koyo'ehina bukugu koyapa'i me'i huto mehu'ehina kanalo fayahi koyoto molo'ehina enali'anigo ya'ma akafu yagakafa ya'ma ya suhi mehi etalana'mu yabe.

1 Pita 1:20

To koyapa'i kokuluma'i me'i huto mehina kanagu Hu'mau le'mo ho tito ho lifigo limito bona'magihi foipana'ani'mu fili'ehina. Yanauba aliha'a kanagu su halube'mu nohinogo lenali kumu yabe luto ligo huto hu'ehina yabe.

Yoni 17:9

Nani enali kumu yabe luto kaitoga koloka nohobe. Melugu bona'i mono ka mekeheli'ahanamagi enali kumu menolube. Nimi'ahata enali'i kai nagaka nehanagihe luto enali kumu koloka nohobe.

1 Pita 2:9

Ya hu'ehinaya lenali ya'ma lenele'mo eto hu'ehina bona'i yagi gihiti bomofihi mamufa gi emilatana bona'i lolo hite hetofa kapolo tite nupa hi'ahana bona'i to Hu'mamofihi naga'a lolo hite nehabe. Lenali kumu kehe ito metepuguti buyu huto lenele'moto hetofa fana tose'namofitoga lenele'mo molo'ehina yabe. Lenali Hu'ma ai hetofa hatofa hapa'a lu huto hinogo i futili hilabe. Ya hilabe luto lenele'mo'ehibe.

Hibulu 3:1

Ya hu'ehina'mu mono bo nalalu'nigita, kokulumagu naga'i lolo hilabe luto Hu'mau elesa molo lepi'ehina. Lenali keheli emilata nohutamofihi mono ka leli'ali bo to mamufa gi emilata bo sipi'a Hu'mau ho lifi'ehina bo, Yesuhi bu go bati hite bu ge'ehilo.

Efeso 2:5

Ya nohuto lali foipanatimomu'i lemehati filito bigo nohutogo Kilisitou fili'ehinagati le'mo ho ti'ahanalo lubuto bito lele'mo'ehina yabe. Ya huto ai ginaga fi lepolo'ehina'amu lenubuto bi'ehinamo ni'ibe, nekehelifiye?

1 Tesalonika 4:7

Ya foipanaloti komopatini kolo tenogo minalabe luto meni'ibe. Komopatinigu babahi minalabe luto Hu'mau elesa molo epi'ehina.

1 Koliti 1:18

Kilisitohi kaga'a amuya'a amuya'a hiti ni'igo yana'mu ma kehelilo. Malipu yafalo fili'ehina kaga'a ya'ma kegeiyo bona'magi fililana kapogu melelata nehana nekehelite negi nasana yabe lite nelanaya to lali'i kapo lamana'agu nobuta bona'magita kehelutogo Hu'mamofitogati amuya'a kaga ni'ibe luto keheli'ohune.

Yoni 6:37

Asaga bona'i nani Afo'nifu nimilinamagi nanitoga alana'mu yabe. To nanitoga alana bona'i enubunepa ito enele'mo mehe'miluna'mu yabe.

Huto Hilina Ka 17:8

Kai akafu yagakafamo bu go'ahata ya'ma koyapa'i bu hiti mino'ehina yatai ya'ma menohibe. Alihi ma'isi ya'ma keliguti ho tito tiloto buto minoto ho fililina'mu yabe. Ya'ma metoga bona'i enali bu gelete topa hete minalabe. Enigi'ani melugu huto mehu'ehina'aga ema amuya bame tame hite nehana bona'magihi enigi'ani keye'ahana bukugu keyete memele'ahana bona'magihi ya suhi topa halune'mu habe. Hena'mube? Ya'ma akafu yagakafa koyapa'i mino'ehinamo yatai menohibe. Aku'i minoto ya'ma i gelehe huto alube'mu hibe.

Efeso 3:11

Hu'mau ai koyapa'i ana'ina li huto mehu'ohuto komopa'atu lu moloto buto mino'ehinamofihi legeya'a ya'ma Sipi Boti Yesu Kilisitohi ho lifigo limi'ehinamo ni'ibe.

Romu 3:20

To bona'i moneuba keya kalo mege'i moloba moloba nohigo keya kauba ana bomo Hu'mamofihi bulo le'mo bati mehilina'mu yabe. Ya'ma keya kauba ana bomofihi foipana'a lepilube'mu nohigo kehelilibe.

1 Timoti 1:1

Nani Poluita Hu'mau lubuto bilata bo, ai kaga'alo to Yesu Kilisitohi fifa ilata nohuta bomofihi kaga'alo nani Yesu Kilisitohi aposolo bo'a nohunamofita,

Efeso 1:9

To ai'a keheliya ito ya'mamofihi legekesa lu hokolo hu leto'ehina to ya huto ai'a suguna huto molo'ehina ka alihi Kilisitou le'mo huto hilina'a komopa'aguti ma luto lu hokolo hu leto'ehina.

Luku 10:21

Ana yupahi Sikalafu'uba Yesutoga bai tago gelo biloto ma lu'ehina: Oho. Afo'niga, kokuluma'i hiti me'i hiti sipi kaba bo'a. Kai enegekesa keheli bati hi'ahanamagihi kaika suguna ka lu hokolo mehu epolo'ahata ni'inaya to enali enegekesa keheli bati mehinamagihi alu hokolo hu epolo'ahata ni'igo kofokehi nolube. O'yo Afo'niga, kaika lu'ahatalo ana suhi ana suhi huto bati huto hulata nohibe.

Matiu 1:21

Ai pana'i ketolenogo kai gi'a Yesu yabe luto hobo. Hena'mugope ai boana'amagihi foipana'ani li he'mi epoloto hetofa kapogu enele'mo malalina'mu yabe luto Sikalafu'uba Yosefehi lu emi'ehina yabe.

Aposolo 2:47

Asaga yupahi utehi etehi Hu'mamofihi gi'a li saga hite minelata hago asaga boana'magi enugufagu bati hu'ehina yabe. To asaga yupahi Sipi Bouba boana'i luga'a enubuto bito enali folagaha'anigu molo emilata higo boana'i babu lu'ehina yabe.

Aposolo 15:18

Ya'mana kaga koyapa'i Sipi Bouba ai'a lu hokolo hu'ehina kaga yatai hiti ai'a nolibe.

Romu 11:14

Ya'ma mono ka lili'na nolugo Yuta bona'nimagi kehelite siko hilete ana kagamu'i lagati lebesibe lite nelago Hu'mau mone'amagihi enele'menogo mino kosaba huse'i lilabe.

Romu 11:29

Hu'mau ekesa loe lae mehuse'i nohibe. Ai'a bita hu'ehina bona'magihi fuku luto lusa gi epalalina'mu kehelilo. Ka'a enali kumu lu molo'ehina'a huto hilina'mu yabe.

Filipai 3:14

Yamu'i nani yokolo'na hite hololu lilata nehana bona'i suhi luto mina'a lilube luto amuya moloto nohube. Ana mina'a henana ni'ibe? Hu'mau Yesu Kilisito kumu luto kokuluma kapolo nele'mo malalinamo ni'ibe. Ya'ma lilube luto gili gili huto amuya moloto nobube.

2 Timoti 1:1

Poluita, nani Yesu Kilisitotoga buto i hepito amuya moloto lenemehi emite minalabe luto lu limi'ehina ya'ma kagamo lu huto hilube luto Hu'mamofihi kaga'agu ya'ma Yesu Kilisitohi koko pana'a nele'mo'ehinogo aposolo bo lolo huto nohunamofita.