2 Timoti 1:8 - Ka Lamana'a Monoꞌi Lu Mu Tifiꞌehina Ka Yabe

⁸ Ya'mu'i Sipi Botimofihi ka lamana'a lu huto hilata'mu kubuya mehino. Ya huto ai kumu yabe luto naga nonugu nohugi yamofihi nani kumu kubuya mehino. Hu'mau ai amuyana'a kimilenogo ka lamana'amu yabe kalana'i mele ketenogo kai hiti ananamofihi gupisa'alo fa'mene minobo.

2 Timoti 1:8 Referans Kwoze

Romu 1:16

Hetofa ka lamana'a keheli fe lu'ohunogo nelesa'ni melu'ehibe. Hu'mamofihi kaga'a amuya ka hiti ninauba bona'magi Yesutoga komopa'ani nemalanamagihi asaga'i ya'ma enubuto bilina'mu yabe. Ana kagauba Yuta bonatoga kohe toto buloto yalo fegutoga bonatoga buto enele'mo bati hilina'mu yabe.

Maki 8:38

To bo moneubafi ya'ma ka mekehelise foipa nehana kanagu nani kumu to ka'nimu megesa hu nimilenogo, nani Kokulumaguti limi'ohuna Bomofita, alihi ana huto nemegesa hu emito minalube. Nani alihi afo'nifu nele'mo bati hulenogo to fana meha'ni besa lago nohuto'ni to hetofa agelomagi hiti aluna kanagu nani ana bo'mu nemegesa hu emito minalube. Yesu ya luto lu epi'ehina yabe.

2 Timoti 4:5

Enali ya hilanamoya kai ya'ma kana'amu kana'amu kekesa keheli bebe soto minobo. Keke luse nasana gupisalo notinogomo amuya moloto minobo. Ka lamana'a lu yege hose foya'a ya lito li gu ito ana ka lu epibo. Hu'mamofihi foya'a lilata bo kai ya'ma li su hoto libo.

Huto Hilina Ka 12:11

Ligibo lalalutigihi sipisipi nala'amofihi golaha'amu keheli amuya mele'ahana'amagi ka lamana'a lu yege he'ahana'amu enali Satahi be ligi'ahana. Ya hite, filise'na'animu mekehelise to mino bati hise'na'animu mekeheli'ahanamo ni'ibe.

2 Timoti 2:9

Ka lamana'a yamofi kumu yabe luto amuya'a hiti nasana ligo kalana'i molo nete'ahana'mu keke'i luse'na kehelito kofilata nohube. Ya nohuto kegeiyo bo legi huto seni naga'i nimilago nohunaya Hu'mamofihi ka'a ya'ma naga'i meemi'ahanamo ni'ibe.

2 Timoti 1:12

To nani keke'i luse'na kehelilatana yamofihi nugupisalo tilata nohina yana'mu nubuya'ni menohibe. Nani nokehelugo amuya molo'ohuna bo ya'ma keheli'ohube. To negekesa loegu mekehelise ya'ma luto keheli fe nolube. Hu'mau amuya afo'afu nohinaya komopa'ni emi'ohuna. Ya'mu kaba hu netoto nobibe. To nani emi'ohunana ya'ma kaba huto buto kana'a molo'ehina huto hilina'mu yabe.

Efeso 3:1

To ya huto ni'igo Poluita nani Kilisito kumu yabe luto ya'ma fegutoga bona'i lenalitoga ka lamana'a lu lepi'ohunamu'i naga nonugu nele'mo mele'ahana ni'igo nani lenali kumu afotifihi loka nohobe.

Filipai 3:10

To nani yatai Kilisitohi hapa'a keheliya ilube luto to ai fili'ehinaguti ho tise'namofihi amuy'a nanitoga huto hilibe luto to ai keta hinana gupisalo mele ete'ahanamo molo emito kehelilube luto to ai'a fili'ehina hapa'a mege'i moloto fililube luto nipagu nohibe.

Luku 9:26

To bo moneuba nani kumu to kaga'ni enelepise'namo'mu lesa linogo to megesa hu niminogo aliha'a Kokulumaguti limi'ohuna Bo hiti Hu'ma hiti agelo'amagi hiti ya'ma fana mehenaguti alana yupahi ana bomofihi nemegesa hu noemito minalube.

2 Timoti 1:16

To Sipi Bouba ai Onesifolu ai lalameha'a ginaga fi epino. Hena'mube? Nani ma naga nonugu mino'ohunalo ai lesa meligo kana'amu kana'amu oto nipagu keta hu'ehina li hetofa hu neto'ehinamo ni'ibe.

Efeso 4:1

To ya higo nani Sipi Bomofi kumu luto naga nonugu nohunamofita lenegekesa lito lu lepilube. Hu'mau lamana hite minalabe luto lenele'mo'ehinamofihi hapa'a mege'i melete lamana hite minete lite hilo.

Huto Hilina Ka 1:9

Lenalalutinifita Yonita nani hiti to lenali hiti Yesu kumu luto keke bake to Hu'mamofihi kapo'agu to keta'a hiti nasana kofito minolata nohuta yamofihi lenali hiti moneka liloto nominonamofita nani fayahi ya'ma koyoto nolepube. Nani Hu'mamofihi kaga'a to Yesuhi gi'a lu huto huto luna'mu luto Patamosi metoga hege nagamilugu ti'ehinalo noho lifigo he'mito nohuna.

Yute 1:24

To Hu'mau lenele'mo hetofa hu'ehigo lele'mo laba hi lalabe lite sekele mamu'a hiti fana mehena'alo foipanatini meminenogo ya nehinogo gobisa'alo lenegelo bise'na hiti amuya'a hiti lenele'mo malalibe.

1 Pita 1:5

Ya huloto Hu'mau amuya'aloti haka fi lepele'ehinogo keheli amuya melete nehinogo kana'a su halina yana yupahi lenubuto bilina'mu yabe. Yamofihi li nupa huto huto lenele'mo bati hilinamofihi geba hite minalabe.

2 Timoti 2:3

Kai Yesu Kilisitohi lusi gimi mage bo'a bati huto lolo huto nohitogo kai hiti kalana'i mele letalana'mu yabe luto kosele'i mekeheno.

1 Tesalonika 3:4

Ya huto ni'igo lali lenali hiti nominoto kalana'i molo letalune'mu nehabe luto kohe toto lu lepi'ohuta ni'ibe. To yatai anana ahuto hu'ehinaya lenali akeheli'ahabe.

Filipai 1:7

Lenali komopa'nigu mine'ahanamo ni'inagihe. Nani lenali asaga'i ma luto keheli lepilata hu'ohunamo bati nohibe. Nani maga naga nonugu nohugo to ka lamana'amu yabe luto ka foya lito li hetofa huto nolugo lenali hiti nani hiti moneko nohuto Hu'mamofihi lehe'mose'na'a guna moloto lito minolata nohune.

Efeso 3:13

Ya'mu ya'ma luto lepilugi kehelilo. Nani lenali kumu yabe luto kaso'a hiti yanamofihi gupisalo nohutogo kehelilete komopatinigu lenagabu'i megino. Lenali kumu yabe luto lenele'mo fana talube luto ya nohunagi lenofokehi lilo.

Romu 16:25

Lali Hu'mamofihi gi'a liyafa hilune luto nolube. Ai kehelise'natini le'mo amuya hinogo lenali loe lae mehise aitoga ule'ale hite minalabe. Yesu Kilisito kumu ka lamana'a nani lepi'ohunana ya ni'ibe. To ana huto Hu'mau koyapa kanagu suguna ka mone emasana fala ki'ehinamofihi yatai Sipi Botiuba hepa'i kugumato li huto hu'ehina ka ya'ma lu hokolo hu lepolo'ehina yabe.

1 Yoni 4:14

Afotifu ya'ma pana'a lali noto noto bona'i lubuto bilibe luto ho lifigo limi'ehina. To lali lubu legeya'aloti bu go'ohutamo ni'inaya ka'a ya'ma luto lu huto hulata nohune.

2 Timoti 4:17

Sipi Bouba mehi nimito nele'mo hetofa hu netoto ka lamana'a lu yege hoto lu epito lu su halane luto to fegutoga bona'magi keheli baga ilabe luto lufusa'ni amuya molo neto'ehina. To lubanamofihi bagaguti Sipi Bouba nubuto bito gulu ho neto'ehina yabe.

Filipai 4:13

Kilisitou nele'mo amuya malago fato fato'na laga mehinanamofihi nanitoga huto hulenogo komopa'nigu keta mehuse bati huto nominobe.

Romu 9:33

Hu'mau koyapa'i Yesu kumu suguna ka luto ana efapomu'i lipoti lu epi'ehina'mu mono bukugu fayahi ge'ahana ma ni'ibe: Bu galo. Nani Yuta bona'magihi Yiona hepalugu mone sipi efahi nomolobe. Enali efatoti figana futite, he kete enahalibe. To bona'i luga'amagi aitoga keheli ule'ale hilana, enali lesa'ani melise enofokehi lilabe.

Aposolo 5:41

Aposolo bona'i enali kanisole bona nohi he'milete fegutoga limilete enegelo bi'ahana. Hena'mugope, Yesuhi gi'a lu yege hananalo Hu'mau enagabu foya kofilabe luto ekesa keheli'ehinalo yabe.

Huto Hilina Ka 19:10

Ya luto lu nimigo nalapusa fito lipi emilube luto nohugo o'e noluto ma luto lu'ehina: Ya melubo. Nani kele kele bo kalalukafita kigiboka Yesu lu hokolo hu'ehina ka'a li pili kete lilata nehana bo enali enalalu'anifita nohube. Kai Hu'mamofihi aigo ya'ma lipi emilane, luto lu'ehina. Yesu lu hokolo hu'ehina kauba mono ka leli'ali bona'i enele'mo babahi higo mono ka lilata hi'ahanamo ni'ibe luto lu'ehina.

Huto Hilina Ka 1:2

To nani'ni ya'ma Hu'mamofihi bagaguti ka'a to Yesu Kilisitou lu huto hu'ehina ka'a ya'ma bu goya ito keheli'ohunamofita yabe luto keheli'ohuto maga lu huto nohube.

1 Koliti 1:6

Kilisitohi kaga'auba komopatinigu ule'ale huto fuluna'a huto hu'ehina.

Yoni 19:35

Ma fayapo nogana bouba yanamofihi nasana abu go'ehina yabe. To lali ma'naka lu'ehinamofihi keheliya i'unogo to ai hiti lusiga lulata nohina akeheli'ehigo yana'mu lenali Yesu kumu keheli ule'ale hite agoya hu emilabe.

Kolose 1:24

To nani lenalitoti nagabu foya ko nofunanamu'i nipa'ni sibina mehuse fokehi nolube. Hena'mube? Lali Kilisitohi gufa'a nohuta bona'magi kumu gabu foya kofilina mone'a ni'ina nani he'moto kofinogo su halibe luto nohuna yabe.

Efeso 4:17

Yamofihi nani Sipi Bomofihi bulo lenegekesa lito lu nolepube. Hu'mamofihi ka'a mekehelilata boana'i enali enegekesa kehelilata nehana bati mehina fa'menena kehelilata nehabe. Enali tegi lolo hite meminalo.

2 Koliti 6:7

Lusiga luto ka legeya'a noluto Hu'mamofihi amuya lito minolata nohune. Lamana'a ni'igo nominoto'a nohutogo yanamofihi gimi mage'a helegu'a lolo huto lito nominone.

Romu 8:36

Yananamu'i koyapa'i mono bukugu keye'ahana: Fatehatimagi kai kumu asaga yupahi loho fililune'mu nehago asaga yupahi yana lahalina kana'amu geba huto minalune. Lali sipisipi yaga keye lilina legi huto geba huto nominone.

Yoni 15:27

Lenali ya'ma foya hapi hu'ohunaguti nani hiti mineme bite mine'ahanamo ni'inagihe, lenali hiti hapa'nimu ana suko hite li huto hilana'mu yabe, luto Yesu ya lu'ehina yabe.

1 Timoti 2:6

Ai'a ya'ma lali bona'i asaga'i foipanati'mu pa salube luto filito gufa'aloti lalimo mina fito lele'mo'ehina yabe. Hu'mau molo'ehina kana huto higo ai ya huto fili'ehina yabe. To hena'mube? Hu'mau yege yege bona'i enubuto bilina ipagu nohina'a kehelilune luto yabe.

Kolose 1:11

To Hu'mamofihi amuya'a lenalitoga huto hinogo yanauba amuya molo lepalalina to lenifi taga huse'na huto nohinogomo kosele'i mehese aitoga ule'ale hite minalabe luto luloto to Hu'mau komopatinigu sabiyana lolo hu lepalalibe luto loka noho'ibe.

2 Timoti 1:10

Legeya'a halinagu yamofihi ya'ma kana'alo lubuto bilatanamofihi afo'afu Yesu Kilisito limilago ana nasana ho filito amuya moloto mino kosaba huse nasana mefilise'na yamofihi ka lamana'atu yatai li huto hu leto'ehina.

2 Timoti 2:8

Kai Yesu Kilisito Tebitihi tata'afu yagi ai kumu kehelito beto huto minobo. Ai fili'ehinaguti aku ho ti'ehina bo yabe luto ai ka lamana'a lulatanamofihi ya'ma lu yege holata nohube.