2 Timoti 1:7 - Ka Lamana'a Monoꞌi Lu Mu Tifiꞌehina Ka Yabe

⁷ Ya nohitogo yanamofi kumu ma luto kehelibo. Hu'mau Sikalafu'a lalitoga ho lifi limi'ehina ai lelesati lulata nohina nasana meni'ibe Sikalafu'uba komopatigu limito ai'a amuya'a hiti to ginaga fise'na'a hiti limilata nohinagi to legekesa hokolo hu letalinamofihi limilata nohibe.

2 Timoti 1:7 Referans Kwoze

Romu 8:15

To ya'ma Hu'mau lepi'ehina Sikalafu'uba koko pana'a lenele'mo lolo huto lenelesa melu'ehibe. Lenali Hu'mamofihi lusi pana'amagita li tifito logogose'namagi neminete ai kumu: Apaobe, Apaobe, lite kehe neibe.

1 Yoni 4:18

To hena'mube? Komopati epilata'namofihi legeya'auba ya'ma lelesa luse'na ya'ma fife lu halina'mu yabe. Ya hu'ehina'mu enali enelesa luse'na lite minalana enalitoga komopa'ni emise'na huto hu lamana mehu'ehibe luto kehelilune. Hena'mube? Lahalifi, lite koli nehana yabe. Enali Hu'mau komopa'a limilata'namofihi hapa'a mone mekeheli'ahana yabe.

Galesia 5:22

To Sikalafu'mofihi legeya'a ma suhi huto hulata nohibe. Mehi lepito komopatini lepilata nohina, lenegelo bise'na hulata nehana, mino fulu huse'na, kosele'i melenohose bati huto minose'na, lenele'mo bati hulatana, komopatini lamana hite minolata, foyagu agoya emilata nohuto Hu'mamofihi kaga'a mone kegi'a mehe'milata,

Yoni 14:27

To nani he'mi lepoloto fuluna mone lepinogo'ni ya'ma fuluna'niuba lenalitoga minolata nohibe. Noto noto bona'magi fuluna'a epise'na ya'ma nani melepilube'mu, fato'na lepilube'mu nohube. Lenegekesa yigi yigi mehise to komopatinigu lenelesa linogo koli mehilo.

Luku 10:19

Kehelilo. Osifa gufalo fito kakamuke'magi luba nehana yagakafamagihi ibe lilika ibe hite nebite ana hite fatehatinimagihi asaga amuya'ani li gofa halabe luto nani amuya lepi'ohube. To ana'ina moneuba lenugufa li sibina mehilina'mu yabe.

Aposolo 1:8

Ya hu'ehinaya Sikalafu'uba lenalitoga alina yupahi lenali amuya lilete, Yelusale kegi'afi, to asaga'i Yutia to Samalia kegi'a buto nohe'muna to melugu foto'i nekisa'aga nani kumu'i lu yege halana'mu yabe.

Romu 5:5

Ya'ma geba huto minaluta yanauba kehelise'nati le'mo laba mehilina'mu yabe. Hena'mugope? Hu'mamofihi Sikalafu'i limito lali komopatigu ho lifigo keke'i lu leto'ehinana huto hu baga i'ehina.

Hibulu 2:15

Ya'ma bona'magi fililatanamofihi enelesa lulata nasanauba asaga yupahi naga igo mine lite bite mine'ahanamagihi Yesu gulu ho epalalube luto yamofihi lolo hu'ehinamo ni'ibe.

Aposolo 20:24

Ya luto nolimigo to nani minalufi fililufi luto ya'ma negekesa kehelito nemeha'ni su holenogo bati huto ni'inagi ya'ma Sipi Bo Yesuhi foya'a nimi'ehina Hu'ma lehe'mose'namofihi ka'a hiti ka lamana'a hiti lu yege hoto ya'ma lili'na'nimofihi su holenogo bati hilunagihe.

1 Koliti 2:4

Ya huto nohuto Hu'mamofihi kaga lu'ohuna lenegekesa lilube luto metoga bona'magi kehelise'na'ani ni'ina kagaguti lenimi molose ka lu melepi'ohube. Hu'mamofihi amuya'auba to Sikalafu'uba nani'i kaga'ni le'mo hetofa hu'ehigo legeya'a lolo hulata hu'ehibe.

Luku 24:49

Ya nehinogo Afo'nifu ka molo yofo hu'ehinana nani'ni lenalitoga ho lifinogo'ni limilina'mu. Lenali ya'mana nohi hepalugu geba hite nehinogo kokulumamofihi amuyana'a lenalitoga alina yupahi hapi filina'mu yabe.

Aposolo 10:38

Yesuhi Nasalete bomofitoga Hu'mamofihi Sikalafu'auba amuya emi'ehinamofihi lenali nekehelibe. Ai asaga kapoga bula ola huto hetofa suhi huto Satau naga'i epi'ehina bona'i enele'mo gulu ho'ehina. Hena'mugope Hu'mau ai hiti moneka nohigo yabe.

1 Pita 1:22

Lenali kaga lamanamofihi kehelilata hite mege'i malalana ni'igo lenalitoga hapa'a lana'mu luto lenalalutinigihi komopatinigu faga melise lenemehatini lusiga lite epilata nehabe. Ya'mu yabe lite komopatini ai eminogo ai eminogo mu tifite minalo.

Aposolo 21:13

To Polu ma luto lu limi'ehina: Lenali henabe lite yibi gofa nehite nipa'nigu nagabu'i gito le'mo sibina nehabe? Nani Sipi Bomo Yesu kumu Yelusale hepatoga naga'i nimilafi noho fililafi nani ya'mana bati huto yabe luto nokehelube.

Aposolo 6:8

Sitifenitoga Hu'mau Sikalafu'a emilago amuya sipi liloto boana'magihi folagaha'anigu babeyafana fato fato'i li huto hu'ehina.

Aposolo 9:22

Ya lite lana Soliu lu yege ho epina kagauba amuya molo'ehina. Ya higo Yuta bona'i luga'a Tamasiko hepalugu neminanamagi kaga'a lina kehelilete topa he'ahana. To Yesu bo mana'i Mesiau nohibe luto lu epina kagauba amuya molo'ehina'mu enali Solihi nona'a lu meemi'ahana yabe.

Luku 8:35

Babu boana'i hena suhi hu'ehifi lite bu galune lite bi'ahana. Enali Yesu nohinalo elete ana bo gufaguti foipa fele heleko limi'ahana gufalo gukete li hekololoto ekesa'a hokolo nohigo Yesuhi gigusagu nominana ana boana'i bu gelete enelesa'ani ligo koli hi'ahana yabe.

Aposolo 26:25

Ya ligo Polu kaga'alo nona'a ma luto lu emi'ehina: Sipi bo, Fesitasio. Nani negi nagi meno'ohube. Nani nekesa'ni ni'igo ma'naka luto nolube.

Luku 15:17

To alihi ekesa'a hokolo higo ma luto lu'ehibe: Ke. Afo'nifihi lili'nalo bona'magi henaki'a nose'na nelete mone'a nehe'mibe? Asaga'i ya nehanagi to nani kau'na gofa nonahago mana hepatoga nofulube.

Aposolo 26:11

Nani babu yupahi Yuta bona'magi li nupa hite minelata nehana nonugu posa gito enayato lito naga osatu enibi yigiloto Yesutoga komopa'ani neemina he'milafi luto naga'i epi'ohuna. Enali kumu luto nani nitaluga logo bilata higo fato fato hepato foto'i nehanalo enegene mane ito enoholata hu'ohuna yabe.