2 Timoti 1:6 - Ka Lamana'a Monoꞌi Lu Mu Tifiꞌehina Ka Yabe

⁶ Anana'mu keheliloto'ni lu'ohuna ka'a ya'ma aku'i kehelilane Nani koyapa'i nayahi latahakalo molo'ohugo lusa negi ketago Hu'mamofihi mono ka'amofihi amuya fi hele hu keto'ehinamofihi ya'ma kaba hu bati huto amuya moloto minomo tito minetogo logo libi suhi huto lolo hino.

2 Timoti 1:6 Referans Kwoze

1 Timoti 4:14

Kohe toto ya'ma ka lu huto huto bona'i kaga'ani kai kumu li'ahanalo ya'ma mono olopa bona'i luga'a enali enayahi latahakalo melete lusa negi ketago hetofa Sikalafu'uba mono'mofihi amuya'a fi hele hu keto'ehinamofihi lamana'a sibi hu laligi mino hetofa huto kaba huto minobo.

1 Tesalonika 5:19

Hu'mamofihi Sikalafu'amofihi fana meha'a ya'ma ifi metalo. Ai'a ka'a mehe'milo.

2 Pita 3:1

Komopa'ni lepi'ohuna bona'ise. Lenali fayahanatini ya'ma koyo nolepugo ya'ma loe nohibe. Nani le'mo kosaba huto lu lepiloto'ni komopatini le'mo mopo hulenogo'ni kehelise'natini ya'ma keheli lamana hite minalabe luto fayahi ya'ma loemo koyo nolepube.

2 Timoti 4:2

Kai ya'ma mono ka lu yege hoto lu epilata ya'ma bona'i enali kumu kebesilina'a mekebesilina'a asaga kanagu sibigopa lu epibo. Enegekesa lito, sibina hilana'mu ka epekito enele'mo bati huto komopa'ani enele'mo babahi huto mono ka lu epiba epiba huto kosele'i mekehenogo enele'mo lehe talane.

2 Pita 1:12

Ananamofi kumu lenali ana'ina silaga'i alu lepi su ho'ehinamo ni'inagi lenegekesu mehenogo beto hilo. To ka lamana'a yamofihi komopa'agu amuya melete mine'ahana ya'ma kehelite mine'ahanalo bo lenali ana kagagu mino bati hite minete kosaba'i minoto ana ka'ya lu lepiba lu lepiba huto minalube'mu nohube.

Aposolo 19:6

Ya nehago Polu lataha'anilo yahi noligo enalitoga Sikalafu'i limigo fato fato nogo hite Hu'mamofihi ka'a ana nogoguti li'ahana.

2 Timoti 2:14

Kai bonakamagihi ka ya'ma le'mo kosaba huto lu noepito Hu'mamofihi bu'alo ya'ma lipoti nokumunaga ma luto lu laga huto lu epibo. Fa'mene ka gusunupa'a meni'ina kagalo luba mehilo. Ana luba kauba ya'ma enegekesa yigi yigi hite liba liba nehago keheli'ahana bona'i enali enele'mo sibina hulata nohibe.

1 Timoti 4:6

Keheli amuya mololata nohuta kaga'a to mono kaga lamana'a ya'mu luto buto i hepi'ohuta yanauba komopakamofihi legeya'a lolo huto ni'inogo kai ya'ma Yesuhu naga'a minanamagihi ya'ma lu nokumuna kaga lu epilane. Ya'ma lu epito enele'mo lamana hilata ya'ma Yesu Kilisitohi hetofa lili'nalo bona'a minalane.

Luku 19:13

Mebu'ohuto yata'a teni'a lili'nalo bo'a kehe i nupa huto goli efahi epila nohuto ma luto lu epolo'ehina: Lenali ya'mana efahi nolepunaloti bisinisi melete efahi luga'a mone hiti li huto hilafi nani alihi oto bu lenagalube.

Yute 1:5

Lenali ya'ma ka'a keheli su he'ahanamo anamofipo aku'i lu lepilube'mu nohube. Hu'mau ai ya'ma ligiko lagako bona'i Isilaeli bona'i Iyipi metogati gulu ho epoloto to luga'a aliha'a aitoga meminese to agoya hu meemi'ahana'amagihi enoho fili su ho'ehinamo ni'ibe.

Hibulu 6:2

To mono nagami'i fololata nohuta ka'a to lataha'anilo layahi moloto lusa gilata nohuta to filise'naguti ho tise'na to foipana lolo hu epoloto ka foya lilata nohuta buba buba huse'namofihi kaga'a hena'mu aku'i yamofihi lito hapi filune?

Aposolo 6:6

Enali ya'mana bo li nupa hite ete aposolo bona'magi naga'magi enubulo ho tigo enali ana bomagihi enugufalo enayahi li saga hite melelete nunumu hi epelete lusana epi'ahana lusa gi epele'ahana.