2 Timoti 1:5 - Ka Lamana'a Monoꞌi Lu Mu Tifiꞌehina Ka Yabe

⁵ Kilisitotoga keheli amuya mololatanamofihi legeya'a ya'ma kaitoga kehelito nominobe. To kakalikafugo Loisi to itokafugo Yunisi etali kohe tete keheli ule'ale neha'igo kai ana huto keheli ule'ale nohane luto nani hiti keheliya i'ohube.

2 Timoti 1:5 Referans Kwoze

1 Timoti 1:5

To nani ya'ma henabe luto nolube? Enali kehelilete komopa'ani mone keheli sibina mehise komopa'ani fulu hinogo minete to Hu'mamofihi agoya hu emite minalabe. To ya hite minete, Hu'mamofitoga enemehi emilana'mu yabe luto nolube.

Aposolo 16:1

Polu Tebe hepato hiti Lisitala hepato hiti heneti'ehina. Ya'mana hepato Hu'mamofitoga komopa'a emito nominana bo gi'a Timoti yabe. Ai ito'afu Yuta a'uba ana huto Hu'mamofitoga komopa'a emito nominana yabe. To ai afo'afu Giliki melugu boya.

1 Timoti 4:6

Keheli amuya mololata nohuta kaga'a to mono kaga lamana'a ya'mu luto buto i hepi'ohuta yanauba komopakamofihi legeya'a lolo huto ni'inogo kai ya'ma Yesuhu naga'a minanamagihi ya'ma lu nokumuna kaga lu epilane. Ya'ma lu epito enele'mo lamana hilata ya'ma Yesu Kilisitohi hetofa lili'nalo bona'a minalane.

2 Timoti 3:15

Kai pana'i lagaso'a minoto guna molose mono bukugu lataha'agu leka solito buto mino'ahata ni'ibe. To ana kagauba kegekesa le'mo hokolo huloto Yesu Kilisito kumu keheli amuya malalane, luto Hu'mau kubuto bilina'amofihi kapogu kelepito kele'mo hetofa higo ka'a akeheli'ahane.

Romu 15:14

Nalalu'nigitabe, lenali lamana bona'i nehite to mono ka keheli fe lite to mono kaga ai lu emigo ai lu emigo hilana bati hite ya nehago yamofihi keheli ule'ale nohube.

Hibulu 6:9

Nalalu'nigitabe, nani ka noluna ya'ma lenali le'mo tiligi salabe luto keheli'ohuto menolube. Lenubuto bise nasana yamofihi legeya'a lenalitoga huto holito buto minalibe luto keheli'ohuta nolube.

2 Timoti 1:12

To nani keke'i luse'na kehelilatana yamofihi nugupisalo tilata nohina yana'mu nubuya'ni menohibe. Nani nokehelugo amuya molo'ohuna bo ya'ma keheli'ohube. To negekesa loegu mekehelise ya'ma luto keheli fe nolube. Hu'mau amuya afo'afu nohinaya komopa'ni emi'ohuna. Ya'mu kaba hu netoto nobibe. To nani emi'ohunana ya'ma kaba huto buto kana'a molo'ehina huto hilina'mu yabe.

2 Koliti 6:6

Ya huto nominotaya komopati besa lago nohuto kehelise'na minoto komopati fulu higo minoto lalalutigihi noenehe'motogo Sikalafu'i hiti minoto komopati bati huto epilata nohune.

Romu 8:38

Nani mana keheli ule'ale nohube. Mone filise'nafi to ma melugu minose'nafi, foipa agelomagifi to kokulumagu felemagifi anagu kaba huse kene'magifi to mone yatai ni'ina nasanauba huto huse'nafi to aliha'auba huto hilinafi, asaga'magi Yesutogati lele'mo loko mehilana'mu yabe.

Romu 4:21

Ai Hu'mau kaga molo'ehinanamu komopa'agu keheli ule'ale huto alihi hu netalibe luto keheli fe luto mino'ehina.

Hibulu 11:13

Bona'i ya hana'amagi keheli ule'ale hite minete filite bi'ahana'a enali Hu'mau lu molo'ehinamofihi ana'ina enele'mo keta mehuse'namofihi legeya'a ya'ma mele'isi meli'ahana, fa'mene foto'i ni'igo be gelete ka'a lite kehelite li pili kete mine'ahana. Ya hite minete, hapa'ani ma lite keheli'ahana: Lali fa'mene metoga minoto bonoho bona to ka'i logo lili bona tegi huto nohune lite keheli'ahana.

Romu 14:14

To nani Sipi Boti, Yesu aitoga hepi'ohugo nipa'nigu ya'ma keheliya i'ohuna ma ni'ibe. Asaga nose'na ai'a keya'i hu'ehina'a meni'ina'mu asaga'i gulu gulu hu'ehina'a nalutagi mo sise'na meni'inaya. Aku bo moneuba ekesa kehelito mone nose'na keya'i hu'ehina'mu yabe luto ai'a komopa'agu kehelito gulu gulu mehu'ehina nose'na huto hinogo menalibe.

Romu 14:5

To bo moneuba mone yupahi hofa talina kana ni'ibe luto to ya'ma yupahi lulata nohibe. To mone bouba asaga yupahi moneko babeyafa ni'ibe luto lulata nohibe. Etegekesa kehelise'na ule'ale hite etali foya'atiti yabe. Lenali ana hite ya kehelilo.

Aposolo 26:26

To kibina bo, Agilipao. Kai ya'manana asaga'i keheliya i'ahata'mu luto nani koli mehuse amuya moloto kaga lu nokumube. To ya'manana fala kito sugunaluga huto mehu'ehinagi kai asaga'i yege yege'i huto hu su ho'ehinana akeheli bati hu'ahane.

Yoni 1:47

Natanieliu Yesu nohinalo nobigo bu goloto ai kumu ma luto lu'ehina: Bu galo. Ma bo lusi Isilaeli meto bo faga faga menina bo nohinagihe.

1 Pita 1:22

Lenali kaga lamanamofihi kehelilata hite mege'i malalana ni'igo lenalitoga hapa'a lana'mu luto lenalalutinigihi komopatinigu faga melise lenemehatini lusiga lite epilata nehabe. Ya'mu yabe lite komopatini ai eminogo ai eminogo mu tifite minalo.