2 Timoti 1:15 - Ka Lamana'a Monoꞌi Lu Mu Tifiꞌehina Ka Yabe

¹⁵ Esia metoga bona'i Hu'mamofihi naga'i luga'amagi malo e'ahanamagi enali asaga'i nani kumu enekesa mekehelite aku ahe'mi nete su he'ahabe. Figelasigi hiti to Hemogenegi hiti etali ana hite he'mi nete'aha'inamofihi akeheli'ahane.

2 Timoti 1:15 Referans Kwoze

2 Timoti 4:16

To Yuta bona'magi nifisa i'ahana'mu ka foya nolugo yata'a hapi huto nani'i hapa'ni lu noepugo bona'i moneuba nele'mo bati huto nele'mo memolo'ehinamo ni'ibe. Yamofihi sibina'a ya'ma Hu'mau nona'a li epololata mehino.

Filipai 2:21

Bona'i luga'a enali'anigo kehelite Yesu Kilisitohi lili'na'amu mone kehelilana'a mehabe.

Aposolo 19:10

To ai ya huto minoto kufu loemo li he'mina kana'agu Yuta bona'ifi Giliki bona'ifi to silaga bona'i Esia melugu mine'ahanamagi Sipi Bomofihi ka'a akeheli su he'ahana yabe.

1 Koliti 16:19

Esia metoga Hu'mamofihi bona'amagi enali lenali kumu keke'i neli lepalago nolube. To Akuila to liha'a Pilisila etali nonugu mono kumu li nupa hilata nehana bona'magi enali Sipi Bomofi kumu yabe lite lenali kumu keke'i neli lepalago nolube.

Aposolo 19:27

Poluhi ya'mana ka'auba bisinisi lili'nati li sibina nohuto sipi a'i Atemasihi meha'a lolo hite mele'ahana noha'a boana'magi enubugu fa'menena le'mo lolo hilina'mu yabe. Koyapa'i Esia bona'i hiti to luga'a melugu bona'magi ya'ma a'i meha'amofihi komopa'ani emite minelata hi'ahana yatai Poluhi ka'auba sipi gi'a li sibina hilube'mu nohibe lite li'ahana yabe.

Aposolo 16:6

Enali Filigia kegi'a hiti Galesia kegi'a hiti folagaha'atigu bi'ahana. Ya hago Sikalafu'uba Esia kegi'a mono ka lu yege mehalabe luto laga hu epolo'ehina yabe.

Aposolo 20:16

Polu Yelusale hepatoga mono fuli yupapogu ya'ma gi'a Petikosu yupahi yabe ana yupapogu nehetilube luto to Efeso hepatoga buloto Esia kapogu minaluna kana le'mo yatama hilibe luto ligo lali Efeso hepa'mo bege ligito buto Miletusi hepatoga neheti'ohune.

Aposolo 19:31

To luga'a gamani kaba bona'i ai lalu'agi lolo hite mine'ahanamagi: Kai tutumalugu mebubo lite aitoga ka mele'ahana.

Aposolo 2:9

Maga li gehesa huto nohuta bona'iya Patia to Mitia to Ilama hepato bo yabe, to lali Mesopotamia bona'i yagi, Yutia to Kapatosia hepatoti, to Ponitasi to Esia bona'i yabe.