2 Timoti 1:12 - Ka Lamana'a Monoꞌi Lu Mu Tifiꞌehina Ka Yabe

¹² To nani keke'i luse'na kehelilatana yamofihi nugupisalo tilata nohina yana'mu nubuya'ni menohibe. Nani nokehelugo amuya molo'ohuna bo ya'ma keheli'ohube. To negekesa loegu mekehelise ya'ma luto keheli fe nolube. Hu'mau amuya afo'afu nohinaya komopa'ni emi'ohuna. Ya'mu kaba hu netoto nobibe. To nani emi'ohunana ya'ma kaba huto buto kana'a molo'ehina huto hilina'mu yabe.

2 Timoti 1:12 Referans Kwoze

2 Timoti 1:8

Ya'mu'i Sipi Botimofihi ka lamana'a lu huto hilata'mu kubuya mehino. Ya huto ai kumu yabe luto naga nonugu nohugi yamofihi nani kumu kubuya mehino. Hu'mau ai amuyana'a kimilenogo ka lamana'amu yabe kalana'i mele ketenogo kai hiti ananamofihi gupisa'alo fa'mene minobo.

Yute 1:24

To Hu'mau lenele'mo hetofa hu'ehigo lele'mo laba hi lalabe lite sekele mamu'a hiti fana mehena'alo foipanatini meminenogo ya nehinogo gobisa'alo lenegelo bise'na hiti amuya'a hiti lenele'mo malalibe.

1 Pita 4:19

To ya hu'ehina Hu'mau lu kehelinogo bati hulenogomo keke'i luse'na'animofihi gupisalo tilana bona'i enali komopa'ani'ya le'mo huto hulata bo Hu'mau ai'a ligo amuya mololata bomofihi kaga'amu fifa ite kaba huse'nagu mine lite tite lamana hite minalabe.

2 Timoti 4:8

To ya hugo ya'ma kokulumaguti be ligi'ohutamofihi mina sekele mamu'a hiti kakili'i lamana'a Sipi Bouba ya'ma hetofa nona'a guna malalina bo ai anana nimilibe. Minoto kana'a sipi yupahi Sipi Bouba ai'a le'mo bebe soto guna mololata bouba nani hiti silaga bona'i ai nehetilina kana'amu fifa ito geba hulata nohuta bona'i ya'ma ana kakili'i bi letalina'mu yabe.

Hibulu 7:25

Ya hu'ehina'mu minoba minoba huto nominana bouba ya'ma kana'amu kana'amu lali kumu yabe luto Hu'mamofitoga buka tilata nohinaya ai'a lubuto bise foya Yesuhi foya'amu luto Hu'mamofihi bulo bulata nohuta bo bati huto lamana'agu lele'mo moloto lili'nagu lele'mo hetofa hulata nohibe.

1 Timoti 6:20

Oho, Timotio. Ya'ma amuya nasana Hu'mau ya'ma kimi'ehina'a kaba hu bati huto lito minobo. To fa'mene kaga futu'a ya'ma bona'i luga'amagi lite nehite lali mono ka pelesa ilete ma lite lilata nehabe. Ananamofihi hapa'a akeheli su ho'ohune lite faga hiti enegekesa keheli sibina hilata nehabe. Ya'ma enali kagamofihi li he'mi'ohubo.

Romu 1:16

Hetofa ka lamana'a keheli fe lu'ohunogo nelesa'ni melu'ehibe. Hu'mamofihi kaga'a amuya ka hiti ninauba bona'magi Yesutoga komopa'ani nemalanamagihi asaga'i ya'ma enubuto bilina'mu yabe. Ana kagauba Yuta bonatoga kohe toto buloto yalo fegutoga bonatoga buto enele'mo bati hilina'mu yabe.

Matiu 24:36

Anana huto hilina yupahifi to kana'afi bo moneuba mekeheli'ehibe, kokulumalugu agelouba ana huto mekeheli'ehibe, to nani Hu'mamofihi pana'a nani'ni hiti ana huto mekeheli'ohube. Hu'mau aisigo anasi ana kana'a keheli'ehibe.

1 Pita 1:5

Ya huloto Hu'mau amuya'aloti haka fi lepele'ehinogo keheli amuya melete nehinogo kana'a su halina yana yupahi lenubuto bilina'mu yabe. Yamofihi li nupa huto huto lenele'mo bati hilinamofihi geba hite minalabe.

2 Timoti 1:18

To Efeso hepatoga minona kanagu hiti mehi nimito foya lito mino'ehina yamofihi fa'menena meni'ibe. Yamofihi lama'naka keheli'ahane. Ya hu neto'ehina'mu Sipi Bouba kehelinogo ya'ma napa yupahi Sipi Bouba huto hilina kana'agu keke'i luse'na emilibe luto nolube.

Filipai 3:21

Ai silaga'i li nupa huto kafiluga enele'mo malago ai kafopaluga mololata kaba nohina amuya'aloti ya'ma lapa mebina lugufa li gololo tilenogo ai'a fana mehe gufa'a legitana lolo hilune'mu hibe.

2 Timoti 2:9

Ka lamana'a yamofi kumu yabe luto amuya'a hiti nasana ligo kalana'i molo nete'ahana'mu keke'i luse'na kehelito kofilata nohube. Ya nohuto kegeiyo bo legi huto seni naga'i nimilago nohunaya Hu'mamofihi ka'a ya'ma naga'i meemi'ahanamo ni'ibe.

Filipai 3:10

To nani yatai Kilisitohi hapa'a keheliya ilube luto to ai fili'ehinaguti ho tise'namofihi amuy'a nanitoga huto hilibe luto to ai keta hinana gupisalo mele ete'ahanamo molo emito kehelilube luto to ai'a fili'ehina hapa'a mege'i moloto fililube luto nipagu nohibe.

Filipai 3:8

To ananasigo meni'ibe. Nani'ni Sipi Bo'ni Yesu Kilisitohi ai hapa hapa'a bu goto keheli'ohuna yamofihi mina'a tilago ana'ina luga'a silaga'i yamofihi lamana'a kehelugo fa'menena lolo hu'ehibe. Nani Kilisito hiti moneko'na hilu'ibe luto ai kumu yabe luto nigi'ni hiti to nipagu hu'ehinana hiti to nanitoga huto hu'ehinana asaga'i heletuya'a lolo higo he'mi'ohuna yabe.

1 Koliti 3:13

Minoto Kilisitohi Sipi Yupahi alina kanagu hapa'a huto hilina'mu yabe. Ya nehinogo logo sipi i kulu tilube'mu hibe. To ana logouba nohi negite lili'na li'ahanamofihi hapa'a li huto hilina'mu yabe.

Yoni 17:15

Kaika nani bona'ni enele'moto kokulumalugu tilane luto menolube. Melugu minenogo bo foipa'a Satau luba huto enoho lalibe luto ya'ma kaba hu epalalane luto lu nokumube.

Matiu 12:21

To asaga bona'i aitogago komopa'ani molo emite minalana'mu yabe.

Romu 9:33

Hu'mau koyapa'i Yesu kumu suguna ka luto ana efapomu'i lipoti lu epi'ehina'mu mono bukugu fayahi ge'ahana ma ni'ibe: Bu galo. Nani Yuta bona'magihi Yiona hepalugu mone sipi efahi nomolobe. Enali efatoti figana futite, he kete enahalibe. To bona'i luga'amagi aitoga keheli ule'ale hilana, enali lesa'ani melise enofokehi lilabe.

1 Pita 4:16

To mone kegi'a moneuba ai Kilisitohi bona'a nehana'mu yabe luto naga'i emilenogomo ya'ma ya hu'ehina'mu kehelinogo buya'a hiti lolo mehilibe. To Kilisitohi gi'a kehelito minoto Hu'mamofihi foke ka lu emilibe.

Hibulu 12:2

Ya nohutoti keheli ule'ale huse'nati'mu lele'mo kohe tolatana to yanamofihi legeya'a li huto hulata bo, Yesu ya'ma babeyafa'amofihi suhi huto minoto aigo'isi bu go bati huloto hololu luto buto minalune. Ai gelo bise'na ya'ma o nehetibe luto lu'ohunamo yamofihi keheliloto li pigi bise'na fela'amofihi gupisalo ti'ehina'mu keheligo fa'menena lolo higo malipu yafalo sipi keke'i lu'ehina. Ya huloto Hu'mau nohina sekele mamu'a hiti kefa hisalo yahi lamaga'aga tito mino'ehina yabe.

Hibulu 2:18

To lali tegi huto lolo huloto'a keke'i luse'na kehelito fi taga hu etose'nagu buto folo'ehinamo ni'inaya yana'mu bona'i lalitoga fi taga hu epelelata nasana ya'ma huto hu limilenogo lehe'moto lubuto bilina'mu yabe.

1 Tesalonika 2:16

Ya nehite lali fegutoga bona'i ka lamana'a lu yege hoto lu epinogo enubuto bi lalabe lite ya'ma Yuta bona'magi kapo fi hekini lalutagi lite luba ka lu limilata hi'ahana. Enali ya hiba hiba hago enali foipanamofihi gupilo melenogo kolo kolo huto tito minago yatai Hu'mamofihi ita bigo ya nasanamofihi luba'a mone enalitoga neheti'ehina yabe.

Filipai 1:20

To minoba minoba'namufi to fililatanamufi komopa'ni keta mehuse honogo nugufa komopa'ni hiti Kilisitohi keheli eminogo'ni yanauba ule'alena'a lolo hu netalibe luto buto mino'ohunamo ni'ibe. To ya holito buto minalube luto nubuya hulatana li huto mehuse keheli lamana huloto Yesu Kilisitohi gi'a liyafa huto minalube'mu hube.

Aposolo 21:13

To Polu ma luto lu limi'ehina: Lenali henabe lite yibi gofa nehite nipa'nigu nagabu'i gito le'mo sibina nehabe? Nani Sipi Bomo Yesu kumu Yelusale hepatoga naga'i nimilafi noho fililafi nani ya'mana bati huto yabe luto nokehelube.

Aposolo 13:50

To Yuta bona'magi fegutoga ana'i enikibinamagi Hu'mamofihi ka kehelilata nehana hiti to hepalugu olopa bona'i hiti enekesa li baga ilete Polunogo Banabasinogo enegene mane hite etele'mo hepa'aniguti fegutoga mele'ahana.

Aposolo 13:46

Ya nelago Polugo Banabasiugo ule'ale hilete ma lite kaga li'aha'ina: Ma'naka luto lenali Yuta bona'magita Hu'mamofihi ka'a kohe toto lu nolepu'ibe. Ya hu'ina lenali Hu'mamofihi ka'a keheli he'minana to lenali minoba minoba hepa'mofihi nasana'mu melebesibe lite lago le'ali he'mi lepoloto fegutoga bonatoga nobu'ibe.

Aposolo 9:16

To nani kumu luto asaga gabu gise'na li gufalo molomo bilinamofihi nani'ni lepiluna'mu yabe luto Hu'mau lu'ehina.

Aposolo 7:59

Ya hilete efaha osahi Sitifenihi gufalo ite mine'ahana. To Sitifeniu ma luto nunumu hu'ehina: Sipi Bo Yesu, kai nemeha'ni libo.

Yoni 6:44

Bo moneuba ai'agati nanitoga mealina Afo'nifu noho lifi'ehinauba nanitoga le'mo kefefe higo olenogo alihi kokuluma'i hiti me'i hiti su halina yupahi nani ana bomofihi le'mo ho ti kosaba hilube.

Luku 23:46

To Yesu sipi kehe mone'a hiti iloto ma luto lu'ehina: Afo'niga. Kai kayanugu nemeha'ni nomolobe. Ai ya luto luloto afili'ehina yabe.

1 Tesalonika 5:4

Lalalutigita, lenali Kilisitohi naga'a nehanagi ya'ma metepunagu menehabe. Ya higo ya'mu Sipi Bomofihi kana'a mele'isi guminalo bona'magi nehe netilana suhi huto lenalitoga nehetinogo henabe lite katiya'i hite lenelesa lilibe?

Luku 10:12

To nani lu nolepuna, ya'ma Hu'mau asaga bona'magihi kaga loko hilina yupahi Sotomu hepa'i ginaga fi noepito to hepa'mofihi bona'i lenele'mo bati mehilanamagi kumu ginaga fi meepilina'mu yabe.

Matiu 7:22

Ana kana'a huto hilina yupahi babu boana'magi ma lite lilana'mu yabe: Kibina bo'nio, Kibina bo'nio, kai kigilo Hu'mamofihi mono ka'a lu epi'ohuta yabe, to kai kigilo babeyafana sipi lili'na li huto huloto to foipa fele enoho lifi'ohuta yabe lite lilana'mu yabe.

1 Koliti 1:8

Ai ya'ma Sipi Boti Yesu Kilisito henetilina kanalo foipanatini meminenogo to lufusatini amuya malago minalabe luto kaba hu lepoloba lepoloba nohinogo kanatini su halibe.

2 Timoti 1:14

To hetofa nasana Hu'mau kimi'ehina asaga'i kaba huto lito to ai'a hetofa Sikalafu'i komopatigu nominanauba kele'mo amuya hinogo ya'mana kaba hu bati huto minobo.

2 Timoti 1:16

To Sipi Bouba ai Onesifolu ai lalameha'a ginaga fi epino. Hena'mube? Nani ma naga nonugu mino'ohunalo ai lesa meligo kana'amu kana'amu oto nipagu keta hu'ehina li hetofa hu neto'ehinamo ni'ibe.

Taitasi 3:8

Kaga ya'ma lamana'a lusiga luto ni'ibe. Ka'a ya'ma le'mo hofa toloto lu epilane luto nolube. Ya huletogo Hu'mamofi kumu keheli amuya nemalana bona'magi enali nasana lamana'a lilune lite nelinogo foya babu lite nelite lilabe. Nasana lamana'a ni'ibe lite ye hilenogo bona'i enele'mo bati hilinamo ni'ibe.