1 Timoti 6:5 - Ka Lamana'a Monoꞌi Lu Mu Tifiꞌehina Ka Yabe

⁵ Ya hilete ya'ma kehelite keheli sibi hite minelata nehana bona'i yamofihi enali komopa'ani enegekesa hekini lo'ehigo sibi nehite ka lamana'a he'mite mono kauba yogo fe'nohi li huto hilibe lite kehelilata nehabe.

1 Timoti 6:5 Referans Kwoze

2 Timoti 3:5

Ya hilete ya'ma mono'mofihi bu ganamofihi gufa'a lolo hilinaya aku'i lusi mono'mofihi amuya'a hiti ya'ma hapa'amofihi mekehelise analo enemegesa hi emilabe. Ya hilete minenogo enalitogati he'milotoka kemegesa hu epibo.

2 Pita 2:3

Ya nehinogo faga mono ka lilata bo enali yogo fe'no kumu topa hete komopa'aniguti kaga huto nehinogo lenimi'i melete ana'ina'ani kita hite lilana'mu yabe. Foya ya hite lilanamagi nona'a epilube luto Hu'mau ka foyagu enele'mo malalina bouba yatama kana enegeba huto minana buto su mehabe. To Hu'mau osahi epilina bouba bu'i mekose nohuto'a bu enogoloto nohibe.

Taitasi 1:11

Ya hilata nehana bona'i enali fala kite yogo fe'no kumu yabe lite sefeyehena nasana'mu fi lehe talune lite kehelite bona'i luga'amagihi liha'ani yagapana'ani enele'mo sibina hilata nehanamo ni'inaya kai lu laga lu epolobo.

2 Timoti 3:8

Koyapa'i Mosehi kanagu bo loemo etali etigi'atiti Yanego Yapelego etali ya'ma Mosehi ka hega he'aha'ina ya ana etali suko hite ma'asi lu kimi'ohuna bona'i enali komopa'ani haya kolo'ehina mono'mofihi kapo'a nehe'mite negi nete sibi lolo nehana.

1 Timoti 6:6

Yogo fe'nohi lugufalo li ho kalune luto yanamofi kumu topa mehose amanapa huto minoto kehelito minenogoti mono ka lamana'auba lalitoga legeya'a heniloto minalibe.

1 Timoti 3:3

Amuya nagami'i silaga'i noloto negi nalina bo meminalibe. To negi nagami'i noloto lu baga luto luba li huto mehilibe. Ai legeso huto minoto le'mo baba ito to efaha foyalo komopa'a memalalibe.

Matiu 23:13

Lenali kaga keheli bati hulata bo hiti to Felosi bo lenali, ehetinio, kaba hite mino sepa ite minalo. Lenali loe ka luse bo nehabe. Lenali boana'magihi enubulo kokulumamofihi kasiha'a li hekini lelata nehabe. Lenalitini ana kapo'alo metise nehite boana'magi tilune'mu nehana ana kapo lenali li hokolo mehi epelelata nehabe.

Matiu 12:33

To yafa moneuba bati huto mesebe lele tele huto tiloto legeya'a bati huto sipina holata nohibe. To numutopa loto tilata nohina yafauba legeya'a ana huto ho foipa lolata nohibe. To bona'magi yafa legeya'alo belelete be gelete ya yafaya bati huto notinagi lila to numutopa loto notinagi lila hite li kehelilata nehabe.

1 Timoti 1:6

To bona'i luga'amagi enali mono'mofihi kapo'a ya'ma bu go sepa ilete he'mite enemegesa emilete ya'ma fa'mene kaga legeya'a meni'ina yamofi kumu lu keheli fa keheli hilata nehabe.

Huto Hilina Ka 18:3

Ai noto noto bona'i enali'i amuya bai nagami tegi hite moko fise nasana'a epigo mikili helata hi'ahanamo ni'ibe. Noto noto bona'i enigihiti bo enali lolo hilete moko lise'namofihi foya'a lite minelata hi'ahanamo ni'ibe. Noto noto bo sipi mokolo a'mofihi nasanaguti bisinisi foya lilata nehana bona'i henetite lili'na kana'amofihi suhi hilata hi'ahana to fe'noha'ani lite yamofihi lolo hilata hi'ahanamo ni'ibe.

Yute 1:11

Akae. Enali minete ya'ma hena hena hilana ni'ibe? Enali Atahi pana'a Keniu foipa kapo'alo bu'ehina'a ya'ma kapolo bilana suhi hite ya nehabe. To efaha fe'nopofihi laga'a kehelite lite minete Balamuhi kapolo ya'ma me'me hite nebabe. To Kolau ai Hu'mau lu'ehina ka'amofihi pelesa ito he'mi'ehina ana hite kegeiyo hilete'ani yanauba enele'mo laba hinogo fililana'mu yabe.

2 Pita 2:15

Enali kapo fotogo hina'alo ya'ma enemegesa hi emite leke he melete ya'ma Bosolohi pana'a Balamu ai koyapa bu'ehina kapogu mege'i melete nehabe. Ai foipanamofihi mina'a lilube'mu topa ho'ehinamo Hu'mau ana foipana'mu ka emeki'ehina. Yamofihi toki yaga'auba kaga menolinauba bona'magihi nogo huto luloto ya'ma Balamu kaga leli'ali bo faga faganamofihi negi nasana hilube'mu nohina kapo'a hekini lo eto'ehina yabe.

1 Timoti 3:8

Mono lili'nalo bomagi enali ana suko hite fulunagu minete hetofa foya lilata nehabe. Enali enabagaguti ka foipa'amofihi ibe laga hibe hite le'mo sibi sibi mehise ka lamana'a lite minalabe. Bai nagami'i neba neba mehise nehana. To efaha fe'no lilatana'mu komopa'ani emite enegekesa yigi yigi mehilana'mu yabe.

2 Tesalonika 3:6

Lalalutigita, Sipi Boti Yesu Kilisitou kaga'agu ya'ma lili'na ka'a lu nolepune. Kilisitohi bona'i luga'a lali ka lu lepi'ohutana he'mite neminete to lili'na melise fuli neminete nehanogo, enali hiti humofa'na hite meminalo.

Matiu 21:13

To ai kaga ma luto lu epi'ehina: Mono bukugu Hu'mau ma luto kaga koyo'ehina: Nani noha'ni numuna noha'ni yabe lite gi'a nehabe. Ya hu'ehina lenali ana nohi guminalo bomagihi suguna hepa'ani li lolo nehabe.

Huto Hilina Ka 18:13

To sefeyehi tu'a fato fato'i to gupa'i legita nasana to tu'a hiti mamufa gilata nasana to lokiya tu'a hiti tilata nohina nasana to tufofo lilina lamana'a to bai nagami'i to mesebe oliba ueli to fala'ua kehe'i to uiti legeya'a to bulumaka yaga to sipisipi yaga to hosi yaga to hosi yagamagihi kele fefe hulata kale nasana to kele kele yagapana'i to bona'magihi enemehi mina filata hi'ahanamo ni'ibe.

1 Koliti 11:16

Moneuba ya'ma kaga keheli he'milube'mu nohuto ma luto kehelino. Fato suhi yamofihi lali hiti Hu'mamofihi naga'a luga'a hiti mone lito menohune.

1 Timoti 4:7

Koyapa bona'magi kilihe ka li mele'ahana ya kagaguti Hu'mamofihi kaga'a meni'ibe. Ya'ma kilihe kamofihi kemegesa hu emibo. Kai ya'ma monolugu buto keheli ule'ale huto minomo buto minalube luto komopaka le'mo amuya mololata Hu'mamofihi hapa'alo mege'i moloto minobo.

1 Timoti 4:8

Lugufa le'mo babahi huse foya yamofihi lamana'a nesi'asi ni'inaya mono kaga'mu asaga'i komopati le'mo babahi hulatanamofihi yatai kana'alo alihi kana'alo Hu'mamofitogati amuya lemehi fi hetofa hu letalina ni'inaya yamofihi legeya'a lamana'a ni'ibe.