1 Timoti 6:4 - Ka Lamana'a Monoꞌi Lu Mu Tifiꞌehina Ka Yabe

⁴ enali'ani enegekesa kehelite enugufa'ani lelite tite kag'a mone keheli bati mehabe. Kaga molo emi emi hite liba liba hite minelata nehana ya nasanauba enumu filigo minete kenasabo bite to siko bako hite enemehi ito ago hite luba sabo hite li sibina sabana hilata nehabe. To fa'mene'mu enemegeka lite faga hiti lilata nehabe.

1 Timoti 6:4 Referans Kwoze

2 Timoti 2:23

Ule'ale ka lite meluguti kifite nelana ka to negi nagi ka fa'mene kaga yamofihi kemegesa hu emibo. Yanamofihi legeya'a ya'ma lubana kenasabo bise'na ni'ina keheli'ahane.

2 Timoti 3:4

Enali enimi'mi ka lite enimi enama'i melelata, to ka mekehelise kegeiyo hite luna lana asaga'i hilata, to enali'ani'mu enigi'ani'mu hofa talune lilata, to Hu'mamofitoga agoya hu meemise hite komopa'ani ya'ma enugufa'aniuba enibita hulata nohinamofitoga malalabe.

1 Timoti 3:6

Ana bouba babafi bo hilube luto yuhufasi komopa'a li gelehe huto Hu'mamofihi mege'i ma'asi nomalana bouba ai babafi lolo mehilibe. Hena'mube? Aiya Satau koyapa'i hu'ehina suhi luto gufa'a lelito tinogo Hu'mau ka foyagu le'mo moloto logo hepa'mofihi nasana lolo hu lalibe, luto yabe.

Yute 1:10

Aku'i enali faga faga mono ka lilata bona'magi ya'ma mekeheli'ahana nasana'mu yamofihi ibe fitebe hite to megeka lite minelata nehabe. Yaga kala suhi hite enugufa'ani enumu nofilina nasana'mu fa'mene komopa'anitu kehelilete yalo ya'ma foipa hilete yanauba enele'mo sibi sibi hite ya hinogo enali fili su halabe.

2 Pita 2:12

Bo ya hana'amagi ya'ma komopa'ani enegekesa meni'ina kafa'nama enohoto nolata nohuta ya suhi hite mine lite nebana enali tegi hite neminanamagi enali ana'ina lite mine'ahanamofihi hapa'a keheli bati bati hite mekehelise ana nasana'mu sibi sibi ka lilata nehabe. Ya nehago kafa'nama enoholata nohuna suhi huto Hu'mau enahalina'mu yabe.

2 Timoti 2:14

Kai bonakamagihi ka ya'ma le'mo kosaba huto lu noepito Hu'mamofihi bu'alo ya'ma lipoti nokumunaga ma luto lu laga huto lu epibo. Fa'mene ka gusunupa'a meni'ina kagalo luba mehilo. Ana luba kauba ya'ma enegekesa yigi yigi hite liba liba nehago keheli'ahana bona'i enali enele'mo sibina hulata nohibe.

Yute 1:16

Bona'i ya hana'a enali megeka lilata to fato bona'i enifisa ilata nehana to moko tako fato fato'mofihi lolo hite minete, enali'anigo li nupa napa hite neminana bona'i enali luga'a hiti ana kapolo enemege'i melete bilabe lite enofokehi lite fi taga hi epelete lite hilata nehabe.

2 Pita 2:18

Enali'ani keheligo ho tilata nehabe. Enali fa'mene kaga gusunupa'a meni'ina kaga lilete ya hite, bona'i yuhufasi foipa bona hapa'ani he'mi'ahana bona'magihi mi'mi hite aku'i foipa kapolo enele'mo malalune'mu nehabe. Ya nehite, foipa foya nelinanauba enogolagalo li malago nehetilago tafa komopa'aniuba enumu fililata nohibe. Ana'ina lilete'ani bona'i luga'a ya enali kelefugu halabe, lite lilete enali ya hilata hi'ahanamo ni'ibe.

1 Timoti 1:7

Ya hilete enali'ani'mu ya'ma lite lilata nehabe. Lali ya'ma Hu'mamofihi keya ka lu'ehina ya kagamofihi mege'i malalune lite amuya melelata nehanaya, kaga nelanamofihi hapa'a keheli bebe mesabe.

1 Timoti 1:4

Moneuba kilihe kaga to enigiko enagako bona'magihi mineme bite mine'ahana kaga yamofihi hapa'a lilago ya'mu tila limila higo li muyalo li umalo ya hago ya'ma kaga'ani kenasabo bilata ka ni'ibe. Ya hago Hu'mamofi kumu keheli ule'ale hite kele kele'i hi etalana kapo'a ya'ma meni'ibe. Ya kaga he'milo luto lu epibo.

Yemesi 1:19

Komopa'ni nolepuna nalalu'nigita, lenali ya'ma kaga'ni kehelilo. Lenali Hu'mamofihi ka'a mele'isi nekehelite fulu hite kaga lite lenita bilina nasana'mu kaga mele'isi melilo.

Taitasi 3:9

Laga mehina kaga lite li muyalo malo hite minelata nehana yamofihi he'milo. To enigiko enagako ema'aga bona'i tili tele hite minete lite ti'ahananamofihi ka'a to kenasabo bite minalana keya ka lu'ehina'mu luba sabo hilana yamofihi he'milo luto'ni bonakamagihi yana lu epibo. Yamofihi ana kaga futu'a nina, gusunupa'a meni'ibe. Ana kaga keheli he'mito kemegesa hu emibo.

Aposolo 15:2

Ya hago etali Polugo Banabasiugo etubufaluga ya hanana'mu lite logo bigo ana bona'i hiti kenasabo bite enogolagagu fibu fibu hi'ahana. Ya hilete enali Polunogo Banabasinogo hiti to luga'a bona'i etalitoga malana hiti Yelusale hepato tite aposolo bona'i hiti to olopa bona'i hiti nehanalo kaga lu bebe salabe lite enoho lifi'ahana yabe.

Huto Hilina Ka 3:17

Lenali lenalitini'mu ma lite kehelilata nehabe: Lali babu yogo fe'nohi ni'ibe lite bati huto minalune'mu hune nelabe. Lali hena nasana'mu mone sa sa hulata nohune? Ana'ina lilata nohuta yanamofihi nasana'mu mone sa sa mehune lite lilata nehanaya, lenali amuya memele'ahana hapatini mekehelise bona'i mone muhi meni'ina bona'i ate ate li'ahana'a enugufa yapako nehite bu pisi lina bona'i suhi hite nehabe. Ya'amagi ya'ma enali keheli fe lite kehelilana'a mehabe.

2 Tesalonika 2:4

Ana foipa bouba ai bona'magihi keheligo bati'na lolo hulata nohina nasana to bona'magi liyafa nehana nasana silaga'i yamofihi le'mo laba huloto'a to enali folagaha'aniguti yamofihi ai'a gufa'a lelito ai'a tilube'mu hibe. Ya huloto Hu'mamofihi sipi mono nonugu tito minoloto ai kumu ma luto kehelilibe. Nani'ni Hu'mamofita nohube lilibe. Ya luto kehelilibe.

Kolose 2:18

To bona'i mone'amagi enali'ani enegekesa yigi yigi nehanana to bamu'i bu neganana lusi mono ka ni'ibe lite, lali lenebe ligi'ohuta nohune lite liyafa hite neminabe. Faga nelina bona'i nehabe. Enali enugufa'ani le'mo sibina nehite'ani to agelomagihi Hu'ma tegi hite nehabe lite enali'ani enegekesa yigise'na'ani liyafa nehana yabe. Ya bati mehina yabe. Enalimoya lenalitoga ete ana suhi hite minalo lite ka lepekinogomo enemege'i memalalo. Enali komopatiniguti sabiyanatini lu he'mi lepalalana'mu yabe.

Filipai 2:14

Lenali ana'ina silaga'i nelite kenasabo bise'na nebite ai bugu finogo ai bugu finogo mehilo.

Filipai 2:3

Lenalitinimu kehelite lenugufa lelitetiti nehanamofihi melilo. To lenigi le'mo saga mehilo. To lenegekesa yigite ligiti enebe ligilune lite ya melilo. Lenali komopatini lelite limite melelete lenigibo lenagabo enali kumu kehelinogo tilibe.

Filipai 1:15

Luga'amagi Kilisitohi ka'amu kenasabo bibe ilubu alubu nehabe. To luga'amagi enali komopa'ani lamana higo kehelite ai ka'a kehelite lilata nehabe.

Galesia 6:3

To bo moneuba fa'mene lusi bo menohina'auba ai'a kumu nani sipi bo nohube luto hapa'a futu'a suhi huto ni'igo kehelilina'a ai keheli sibina huto negi nose suhi nohilina'mu yabe.

Galesia 5:26

Lugufa'uba hofa toloto ai fitu fenogo ai fitu fenogo nehinogoti bona'magihi komopa'anigu sibina hilina nasana melilune. To siko ai hu etenogo ai hu etenogo yanamu'i ya mehilune.

Galesia 5:15

Lenali ma he'mise. Yagamagi suhi lite ai heni etago ai heni etago hite asaga'i sibina hi lalabe luto kaba hu bati hilo luto lenegekesa nolube.

2 Koliti 11:20

To koko yagapanatini lenele'mo malalune'mu nehite, to nose'natini lenebesilite nalune'mu nehite, to fi taga hi lepelete nehite, to enigihiti bo lolo hi lepalalune'mu nehite, to lenogolaga lenabaga i gofa halune'mu nehinogo yana'mu lenali kele'na ka meepekise keheli epilata nehabe.

1 Koliti 11:18

To mono kagu li nupa nehago lenali komopatini loko hulata nohibe lite lu nimigo lama'na ka nelafihe luto mone kegi'a kehelube.

1 Koliti 11:16

Moneuba ya'ma kaga keheli he'milube'mu nohuto ma luto kehelino. Fato suhi yamofihi lali hiti Hu'mamofihi naga'a luga'a hiti mone lito menohune.

1 Koliti 3:18

Lenali komopatini keheli sibina mehilo. Lenalitogati moneuba nani ma melugu bona'magihi kehelise'na'ani bati huto li'ohuna bo nohube luto lilina ya'ma ai kehelise'na'a he'mito bona'magihi enubulo kehelise'na bati mehina bo lolo huto minalibe. Henabe lutobe? Ai ya hulenogo lusi kehelise'na Hu'mamofitogati lilibe luto yabe.

1 Koliti 3:3

Lenali koyapa'i mine'ahana legegeto fa'mene nehabe. Lenali ai siko higo ai siko higo nehite luba sabo hite fa'mene bona tegi hite mine'ahana suhi hite ya'ma hapa'amofihi huto huto ni'igo koyapa lenemehiti minelata nehabe.

Romu 14:1

To bona'i moneuba Hu'mamofitoga keheli bati mehina olenogo be tigite le'malo. Ai ekesa keheli ule'ale mehu'ehinogomo ana mono kamu'i kenasabo mebise lenali folagahatinigu ana bomo le'mo fulu hite le'mo malalo.

Romu 13:13

Lali yegemofihi besa besa'alo minototi agoya huse bona'magita minaluta nohune. Lali kegeiyo huse'na melilune. To bia nagami'i negi noto huse'nafi to moko lise'nafi to a'i gumina folose'nafi to luba huse'nafi to kenasabo bise'nafi asaga'i mehiluta'mu analo lemegesa hu emilune.

Romu 12:16

To lenali moneko hepatoga neminana bona'magihi fulu hite minete komopatini moneko babeyafa hite minalo. Lenali bona'i enubulo hutu hata hilata to sipi bonako yaga foya bonako enele'mo fulu hilata mehilo. Lenali laba hite bona'magihi suhi hite neminanamofihi ya hite minalo. To lenali asaga'na keheli baga i'ohuta bona'i nohune lite ya lenekesa mekehelilo.

Romu 2:8

To bona'i luga'amagi enali ana'ina'animu kaba hite fato bona'i meenehe'mete'ani ka lamana'amofihi keheli he'mite foipa kapogu melelata nehago Hu'mau sipi ka epekito enipakafa enahalibe.

Aposolo 18:15

To lenali kaga noloka hela ana'ina gi'a hela to lenali keya katini lu nimila nehagomo nani o'e luto nolube. Lenalitini ana kagatini lu sepa ilo. To nani ya'iya lite nelana kamofihi ka foya'a meliluna'mu yagi to kaga'a loko mehilube'mu nohunagihe, ya'ma gamani bo Galiou lu'ehina.

Aposolo 8:9

Ya'mana hepalugu bo mone mino'ehina gi'a Simoni ai yatama yupahi nalisana li huto nohigo Samalia bona'magi bu gelete topa hilata enelesa lu'ehina. Ai nani nikibina bo nohube, lulata hu'ehina yabe.