1 Timoti 6:21 - Ka Lamana'a Monoꞌi Lu Mu Tifiꞌehina Ka Yabe

²¹ Yana'mu bona'i mone'amagi ya'ma keheli fe lise'na kagalo bite i hepilete lali mono ka bu go fulu tiloto akeheli su ho'ohune nelana enali lusi mono ka ahe'mite lamana'amofihi kapogu sa sa hite mebilata nehana yabe. Hu'mamofihi lehe'mose'a yamofihi lenalitoga mino moloto mineno.

1 Timoti 6:21 Referans Kwoze

2 Timoti 2:18

Etali ya'ma ka lamana'amofihi kapo'a he'milete'atiti ya'ma lite nela'ibe: Lugufati fili'ehinaguti aho ti'ehinamo ni'inaya alihi kosaba lugufa hiti lele'mo ho tilina'a meni'ibe. To ya lilete mono ka keheli'ahana bona'i luga'a komopa'ani enele'mo sibina neha'ibe.

1 Timoti 1:19

Ya huloto keheli amuya moloto minoto komopakagu ya suhi ma supofihi ka'a foipa'a meminenogo mono foya lilane. Bona'i luga'a enali komopa'ani besa lenogo minalanamofihi ka'a ya'ma keheli he'mite to keheli amuya mololatana he'milete fenene hilune'mu hanaguti,

Kolose 4:18

Nani Poluita nani'ni nayaha'nitu fayahi koyoto ma luto nolepube. Nalalu'nigita nehafiye? Nani ya'ma noluto to naga'i li'ohunaya lenekesu meheno. Hu'mamofihi lenehe'mose'nauba lenalitoga mino moloto mineno.

Hibulu 13:25

Hu'mau lehe'mose'na yauba lenalitoga minomo buto mineno.

Taitasi 3:15

Nani hiti nehana bona'i enali asaga'i nohapihe lite keke'i neli ketabe. To enali mono kamu'i kehelite enemehi limilata nehana bona'i nehafihe luto ka lu epito keke'i nolu epolone. Hu'mamofihi lehe'mose'nauba lenalitoga mino moloto mineno.

2 Timoti 4:22

Sipi Bouba kaitoga meha'a hiti minalibe. To Hu'mamofitogati lehe'mose'na lenalitoga mino moloto mineno.

1 Timoti 6:10

Yogo fe'no kumu topa holata nohutamofihi komopa'aguti fato fatomofihi foipana'a huto hilibe. Bona'i luga'amagi yogo fe'no kumu lilune lite yata'a mono kapogu bilatana he'mite fato kapogu i pebisa hete tili tele hi'ahana. Ya nehago enalitoga eniginaga fise'na silaga'i huto hu'ehina yabe.

1 Timoti 1:6

To bona'i luga'amagi enali mono'mofihi kapo'a ya'ma bu go sepa ilete he'mite enemegesa emilete ya'ma fa'mene kaga legeya'a meni'ina yamofi kumu lu keheli fa keheli hilata nehabe.

Romu 16:23

To nalalu'nifu, Gaiyasiu nehafihe luto nolibe. Ai'a noha'agu Kilisitohi naga'i mone'amagi li nupa hilata nehana. To Elasatu gamanimofihi efahi kaba bo, to gonamu tamu bo mone Kuotasi hiti lenali kumu nehafihe lite nela'ibe.

Romu 16:20

To hupa mone kana bulenogo Hu'mau komopatigu fuluna'a limi'ehina bouba ma'asi lenele'moto lenigigusatu Satahi iti kalana'mu yabe. To Sipi Boti Yesu lehe'mose'na'a lenalitoga minalibe luto nunumu nohube.

Romu 1:7

Ya'mu luto nani fayahi lenalitoga asaga Lomu bona'i Hu'mau komopa'a lepito to nani yagapana'i nehabe lu'ehinalo nogobe. Ai Hu'mau afotifu to Sipi Boti Yesu Kilisitohi fuluna'a hiti lenehe'mose'na'a hiti lenalitoga mineno.

Matiu 6:13

Kai sipi fi taga huse'nagu lele'mo memoloto foipanamofihi afo'afitogati lele'mo lubuto bibo.