1 Timoti 6:19 - Ka Lamana'a Monoꞌi Lu Mu Tifiꞌehina Ka Yabe

¹⁹ Ya nehite ya'ma mono ka legeya'a li huto hilanauba lufusa'ani ule'ale huto lolo hulenogo aliha'a mino lito buto minalinamo ni'ibe. Ya nohigo enali enemehi lamana'amofihi legeya'a lite mino kosaba huse'na lilana'mu yabe.

1 Timoti 6:19 Referans Kwoze

1 Timoti 6:12

Ya nohutoka kemehi emise'namofi kumu keheli ule'ale huto minoto, to mino kosaba'namofihi kapogu hololu luto bilata yamofihi mina'a lilane. Lelito buto amuya mololata yamofihi li pili koto lilane. To kaika ya hilube luto silaga bona'magihi enogobisalo mono ka ya suhi nohube luto lu molo'ehitogo Hu'mau ana huto kemehi emise'na ya suhi huto minalane luto elesa molo kimi'ehinamo ni'ibe.

2 Timoti 2:19

To Hu'mau lu molo'ehina kagamofihi lukesa kefatu fi'ehina suhi huto ule'ale nohinogo nasana moneuba le'mo mopo mopo mehilina'mu yabe. To ana lukesalo Hu'mau fayahi ya'ma luto koyo'ehinamo ni'ibe: Sipi Bouba ai yagapana'a bu enogo keheli bati hulata nohibe. To mone'i ya'ma luto koyo'ehinamo ni'ibe: Sipi Bomofihi gi'a helata nehana bona'i enali laga hina mehina nasana mele'isi he'mi su hete foipanamofihi enemegesa hi emilabe.

1 Pita 1:4

To fili'ehinaguti le'mo ho ti'ehina'mu luto kokulumagu amuya fe'nohi fulupa meilina'a to sibi mehilina'a to fenene mehilina'a molo lepolo'ehina yabe. To fililata'namofihi ya'ma geba hulata nohuta yamofihi minete kokulumagu tilabe luto lenele'mo babahi nohu lepalabe.

Luku 16:9

Nani lu nolepube, luto Yesu mone hiti ma lu'ehina: Lenali bati mehina efahi ma melugu nina hiti lenali bona'i enele'mo bati hite enele'mo lenalalutinigi enele'mo lolo hilafiye? O'e. Ya hilenogo alihi efahi lise kana'a su halina yupahi lenali lenele'mete kokulumatoga minoba minoba hepato bilanafiye? O'e, luto Yesu lu epi'ehina yabe.

Filipai 3:14

Yamu'i nani yokolo'na hite hololu lilata nehana bona'i suhi luto mina'a lilube luto amuya moloto nohube. Ana mina'a henana ni'ibe? Hu'mau Yesu Kilisito kumu luto kokuluma kapolo nele'mo malalinamo ni'ibe. Ya'ma lilube luto gili gili huto amuya moloto nobube.

Efeso 3:17

To Kilisito kumu keheli amuya melenogo ai'a komopatinigu minoto mino amuya malalibe luto loka nohobe. To Kilisitohi komopa'a lepilinanauba lufusatini limito lenele'mo amuya lolo hinogo,

Luku 18:22

Yesu kaga'a keheliloto ma luto ana bo lu emi'ehina: Kai mone'nasi hilata ni'ibe. Kai asaga yogo fe'nohaka bona'i epi su nohoto to efahaka fe'noha'ani menilina bona'i noepito huletogo kokulumaluguti bati'naka lilata'mu yabe. Ya huloto nani'i nemege'i molobo, Yesu lu emi'ehina.

Luku 12:33

Lenali asaga fe'nohatini bona'i luga'amagihi epinogo efahi ananalo lepilenogo aku'i ana efahi musufalo bona'i epilo. To lenali kosaba gu'i efahi li malalatamo analo'i sibina mehilina'mu yabe. To lenali ifo muya yogo fe'nohatini kokulumalo meminigilina'mu yabe. To kokulumalugu guminalo bona'i menehabe to efahatini sifolohi megilina'mu yabe.

Matiu 19:21

Ya ligo Yesu ana neheya kola bomofihi ma luto lu emi'ehina: Kai bati huto minalube lutomo asaga fe'nohaka buto bona'i noepito efahi lilotoka guna ito musufalo bona'i epibo. Ya hitogo hetofanaka kokulumalo minalibe. To kai ya huloto nani'i oto nemege'i molobo.

Galesia 5:6

Yesu Kilisitotoga buto i hepito minaluta ya'ma lugufa laga huse'na to lugufa laga mehuse'na li nupa napa huto mone'na legeya'a meni'ina futu'a yabe luto lilune. Keheli ule'ale hulatanamofihi fayaha'a komopatigu minelenogo komopati bona'i asagatoga malaluta'muko legeya'a yabe lilune'mu hune.

Luku 18:2

Kaga loko hulata bo hepa'i moneto mino'ehina ai ana bouba Hu'mamofihi koli'a mehula to asaga bona'i agoya hu meepi'ehina yabe.

Luku 16:25

To Abalahau ma lu emi'ehibe: Pana'ni. Koyapa hapaka beto hubo. Kai koyapa ana'inaka hetofana babu luto ni'igo, kofokehi luto mino'ahata yabe. To Lasalasi ai koyapa kene'i nohuto sibina huto mino'ehina yabe. To yatai ai bati huto nohigo to kai kagabu'i nogigo nominane.

Filipai 3:12

Nani ya'mana Kilisitohi hapa'a ali su ho'ohube luto liluna'a mehube. To komopa'niuba ya'ma keta mehuse huto ni'ibe luto luse mehube. Fa'mene Yesu Kilisitou nele'mo'ehinamo'mu aitogati amuyana'a kosaba'i lilube luto amuya moloto nohube.

2 Timoti 1:1

Poluita, nani Yesu Kilisitotoga buto i hepito amuya moloto lenemehi emite minalabe luto lu limi'ehina ya'ma kagamo lu huto hilube luto Hu'mamofihi kaga'agu ya'ma Yesu Kilisitohi koko pana'a nele'mo'ehinogo aposolo bo lolo huto nohunamofita.