1 Timoti 6:16 - Ka Lamana'a Monoꞌi Lu Mu Tifiꞌehina Ka Yabe

¹⁶ Ai'asigo filise'na'a meni'ibe. Ai'a fana mehena'alo minoto lito nohina ya'ma lali fa'mene buto bu nehetise'a meni'ibe. Bo moneko'uba ai gufa'a bu mego'ehinamo ni'inagi to bo moneko'uba be megalube'mu hibe. Keke boke ka lu emilata nohuta amuya to usisi kito minolata nohuta amuya aitoga mineno. Ma'naka.

1 Timoti 6:16 Referans Kwoze

1 Timoti 1:17

Yana'mu amuya gihiti Bo, mefililatanamofihi bu megolatanamofihi Hu'mamofihi moneko'i ai gi'a li saga hinogo ai fana meha'auba minoloto mino lito tito minalibe. Ma'naka.

Yoni 1:18

To bona'i moneuba Hu'mamofihi bu mego'ehibe. Ya'ma Hu'mamofihi pana'a moneko'uba ai afo'afi hiti moneka mine hepi'aha'inauba Hu'mamofihi hapa'a lu huto huto lu limi'ehina yabe.

1 Yoni 1:5

Ka'a ya'ma Hu'mamofihi pana'amofihi baga'aguti ma luto keheli'ohutamo lu lepilata nohune. Hu'mau ai sinihina'a ya'ma aitoga mone meni'ibe. Fana meha'a besa loto asaga'na mino'ehinamo ni'ibe.

Kolose 1:15

Hu'mamofihi lali bu mego'ohuta bo nohinaya aku'i ai'a pana'a Kilisito ai Hu'ma legi huto moneko'i nohina bo yabe. Ai koyapa kanagu Hu'mau asaga'na lolo mehu'ehina kanagu mino'ehina bo to asaga'na lolo hu'ehinamofihi Yesu ai be ligi'ehina bo nohibe.

Yoni 6:46

Bo moneuba Afo'nifihi bu mego'ehibe. Ai Hu'ma hiti nohinati o'ehina bouba aisigo Afo'afihi bu go'ehibe.

Huto Hilina Ka 22:5

To ana hepato ya'ma metepu mone meilube'mu hibe. To libi'afi to yegemofihi fana meha'a yamofihi foya'a mone huto mehilube'mu hibe. Hena'mube? Sipi Bo, Hu'ma ai'a ya'ma fana meha'a epinogo minalana'mu yabe. To hepa'i afo'afu enali enigihiti bo kaba hise foya lelite mineme bite minalana'mu yabe.

Huto Hilina Ka 4:11

Sipi Boti Hu'ma laliti nohane. Kaisigo ana'ina silaga'i li huto huto molo'ahata to kai kagakalo ana'ina li huto hu su holoto nohane. Ya'mu kai hetofanaka ni'igi lali yagapanakamagita fana mehaka le'mo saga hino luto Kigikalo to amuyakalo le'mo ho tite le'mo bati hinogo minalina'a huto nohane.

Huto Hilina Ka 1:6

Ya huloto ai'a afo'afu Hu'mamofihi le'mo hetofa hulenogo minalabe luto ai foya'a li etalabe luto analo mamufa gilata bona'i kapo'alugu lele'mo molo'ehina. Aitoga ya'ma fana meha'a hiti to amuya'a hiti ule'ale huto minalina minomo buto minalina'mu yabe. Lama'na ka.

Yute 1:25

Sipi Boti Yesu Kilisito kumu yabe luto lubuto bilina bo Hu'mamofihi aitoga sekele mamu'a hiti fana mehena to amuyana'a hiti to kaba hulata amuya'a, koyapa kana'a mino'ehina to yatai hiti ana huto li'ehina to mino lito buto mino bai toto minalina'mu yabe. Lama'naka.

Huto Hilina Ka 7:12

Lama'na ka lusa gilata to ai fana meha'a bati hulata to keheli fe lulata to fokehi lulata to gi'a liyafa hulata to kaba huse nasana to amuya nasana Hu'mamofitoga yabe lulata nasana mino'ehina ya'ma mino lito buto mino baga ito minalina'mu yabe. Ma'naka.

Hibulu 13:8

Yesu Kilisitou ai'a koyapa'i kohe toto mino'ehina to yatai hiti minoto ana suhi lolo huto mino lito buto minalina'mu yabe.

Huto Hilina Ka 21:3

To sekele mamu'a hiti kefa hisaloti nogo'a sipi ma luto malago keheli'ohuna: Hu'mamofihi nohi hepa'a ya'ma bona'magihi enubulo huto nohibe. Ai enali hiti moneko babeyafa huto minoto lito hinogo enali ya'ma bona'a yagapana'a lolo hite minalune'mu habe. Ai'a enalitoga mino moloto minoto Hu'mau afo'anifu minalube'mu hibe.

Yoni 14:9

Ya ligo Yesu lu emi'ehina: Yatama kana'a nani hiti lenali asaga'i mine'ahanamo nani kumu mekeheli'ahatafi, ya Filipio? Afokafihi lepibo luto henabe lutobe nolane? Buga. Bona'i mone'amagi bu nege'ehinogomo ya'ma enali Afo'nifi hiti be ge'ahabe.

Huto Hilina Ka 1:8

Amuya'atu enebe ligilata bo Hu'mau ai koyapa koyapa mino'ehina bo to yatai nohuna bo to minomo buto minalina bo ai ya'ma ma luto nolibe: Nani'nisigo hapi hulatana to li su holatana afo'afita nohube luto nolube.

Yoni 8:58

Ya lite lago Yesu ka'anilo nona'a ma luto lu epi'ehina: Nani ma'naka luto lu nolepube. Abalahau huto mehu'ehina kana'alo nani minomo buto mino'ohuna yabe.

Filipai 4:20

Hu'ma afotifihi aitoga ya'ma fokehi noluto yanauba mino lito tito fi besana lolo huto minalibe. Ma'naka.

Yemesi 1:17

Asaga nasana bati huto lele'mo lamana hulata nasana lamana'a yamofihi Hu'mamofitogati ni'ibe. Afotifu Hu'mau ai kokulumagu fi fana tolata nasana asaga'i sonofi'i hiti ikahi hiti yege hiti enele'mo huto hu'ehina bouba hetofa nasana limilata nohina yabe. Ana huto ana'ina li gelehe galaha hilata nehanaya Hu'mau anamofihi suhi menohibe.

1 Yoni 1:7

Hu'mau ai ya'ma fana meha'a hiti bo nohibe. To ana huto lali ai'a fana meha'agu mino moloto nohuto ai hiti moneko'na huto komopati hepito bati huto minaluta'mu yabe. To ya hinogo pana'amofihi Yesu, ai'a golaha'auba foipanati asaga'i okala hu letoto minomo buto minalibe.

1 Yoni 4:12

Bona'magita Hu'mamofihi bu galuta'a ya'ma mone bu mego'ohune. To komopatitu lemehi emilata nohuta yanaguya huto moloto hiluta ya'ma Hu'mau komopatigu minoto lito nohilinamofihi hapa'a li huto hilibe. To komopati emiluta yanauba huto hu lamana hulata nohibe.