1 Timoti 6:10 - Ka Lamana'a Monoꞌi Lu Mu Tifiꞌehina Ka Yabe

¹⁰ Yogo fe'no kumu topa holata nohutamofihi komopa'aguti fato fatomofihi foipana'a huto hilibe. Bona'i luga'amagi yogo fe'no kumu lilune lite yata'a mono kapogu bilatana he'mite fato kapogu i pebisa hete tili tele hi'ahana. Ya nehago enalitoga eniginaga fise'na silaga'i huto hu'ehina yabe.

1 Timoti 6:10 Referans Kwoze

1 Timoti 6:9

Yogo fe'nohi babu lutobe enumu fililata bona'i enali Satau enimi'i melenogo bite Satahi kelefugu halana'mu. Ya nehite fa'menena enele'mo lolo hinogo negi nelana nasana fato fato nasana'mu enumu filinogo yanalo nuki faki nehite logo hepalugu limite naga'i lolo hilune'mu habe.

Taitasi 1:11

Ya hilata nehana bona'i enali fala kite yogo fe'no kumu yabe lite sefeyehena nasana'mu fi lehe talune lite kehelite bona'i luga'amagihi liha'ani yagapana'ani enele'mo sibina hilata nehanamo ni'inaya kai lu laga lu epolobo.

Yute 1:11

Akae. Enali minete ya'ma hena hena hilana ni'ibe? Enali Atahi pana'a Keniu foipa kapo'alo bu'ehina'a ya'ma kapolo bilana suhi hite ya nehabe. To efaha fe'nopofihi laga'a kehelite lite minete Balamuhi kapolo ya'ma me'me hite nebabe. To Kolau ai Hu'mau lu'ehina ka'amofihi pelesa ito he'mi'ehina ana hite kegeiyo hilete'ani yanauba enele'mo laba hinogo fililana'mu yabe.

2 Timoti 4:10

Temasiu ai ya'ma melugu nasana'mu laga besigo keheligo tigo he'mi netoto Tesalonika metoga bu'ehinagi kai oletogo bati hu netalibe. Keleseniu ai Galesia metoga bu'ehina. To Taitasiu ai Talamesia metoga bu'ehina yabe.

1 Timoti 3:3

Amuya nagami'i silaga'i noloto negi nalina bo meminalibe. To negi nagami'i noloto lu baga luto luba li huto mehilibe. Ai legeso huto minoto le'mo baba ito to efaha foyalo komopa'a memalalibe.

Matiu 23:13

Lenali kaga keheli bati hulata bo hiti to Felosi bo lenali, ehetinio, kaba hite mino sepa ite minalo. Lenali loe ka luse bo nehabe. Lenali boana'magihi enubulo kokulumamofihi kasiha'a li hekini lelata nehabe. Lenalitini ana kapo'alo metise nehite boana'magi tilune'mu nehana ana kapo lenali li hokolo mehi epelelata nehabe.

Yemesi 5:19

Nalalu'nigitabe. Lenali folagahatiniguti moneuba mono kapo'mu bego hilina yamofi kumu lalu'afu moneuba le'mo gelehe hinogo nohuto,

1 Timoti 6:21

Yana'mu bona'i mone'amagi ya'ma keheli fe lise'na kagalo bite i hepilete lali mono ka bu go fulu tiloto akeheli su ho'ohune nelana enali lusi mono ka ahe'mite lamana'amofihi kapogu sa sa hite mebilata nehana yabe. Hu'mamofihi lehe'mose'a yamofihi lenalitoga mino moloto mineno.

Huto Hilina Ka 18:13

To sefeyehi tu'a fato fato'i to gupa'i legita nasana to tu'a hiti mamufa gilata nasana to lokiya tu'a hiti tilata nohina nasana to tufofo lilina lamana'a to bai nagami'i to mesebe oliba ueli to fala'ua kehe'i to uiti legeya'a to bulumaka yaga to sipisipi yaga to hosi yaga to hosi yagamagihi kele fefe hulata kale nasana to kele kele yagapana'i to bona'magihi enemehi mina filata hi'ahanamo ni'ibe.

Matiu 6:19

Lenali ma melugu hetofa hatofa fe'nohatini li nupa mehilo. Ma melugu molepa kafamagi hiti to kagopa logose'nauba anana anana li sibina hulata nohigo to guminalo bomagi kafe sigite gumina felelata nehabe.

Matiu 13:22

To nose'na legeya'a ufehe yamu'ubago hinagu limo ito notinamoya ma huto ni'ibe. Bo moneuba mono ka kehelilago ma melugu faga efaha fe'nohuba loe lae hu etoto keta besigo ai ana bomofinuguti ma'naka legeya'a huto hulata menohibe.

Maki 4:19

Enali kaga kehelilete'ani aku'i nasana'animu'i enegekesa keheli keheli hite minete to efaha'animu'i enofokehi lite minete to fato fato'namu'i laga epesinogo minete'ani kaga nehe'mibe. Ya'ma luna lanauba kagamo noi etago komopa'anigu legeya menohabe.

Kolose 3:5

Lenali ma melugu bona'magihi hapa'ani li he'milo. Moko lise'na yagi, ana'i gumina folose'na yagi, kolotananamofihi hapa'a yagi, lenipagu keheli sibina huse'na yagi, to foipanamofihi hapa'a asaga'i komopatiniguti li he'milo. To ma me'mofihi nasana asaga'i laga lepesise'na yana'mu lu laga hite he'milo. Ya'ma melugu nasana laga lepesise'namoya lugefa suhi huto ni'ina melugu bona'magi Hu'mamofihi le'mo laba hilata nehana ana'ina melugu nasana'a liyafa hite kanihi filata nehana. Lenali ya'ma hapa'aya mege'i memalalo.

2 Timoti 3:2

Ana kanagu bona'i ya'ma hite minalabe. Enali lisipa bite to enali'ani'mu kehelinogo tinogo yogo fe'no kumu enibita hinogo minalana enali'ani lolo hite melete hilana nasana'mu enibita'ani hinogo enegelo bilete hipu hapu hilatana, enali'ani enugufa'ani lelite tite minalana, enemegeka lilatana, ito'anigi afo'anigihi kaga'ani pelesa ite keheli he'milata, ana'ina asaga'i libe laga hube hilana. Ya nehite ana'ina lamana'a mone neepinogo enofokehi lite nalalu'nimakabe melise komopa'ani bati mehinogo minalana'mu yabe. To enali Hu'mamofihi gi'a liyafa mehise fa'mene minalabe.