1 Timoti 6:1 - Ka Lamana'a Monoꞌi Lu Mu Tifiꞌehina Ka Yabe

¹ Kele kele pana'i lolo hite foya lite minelata nehana enali ya'ma kaba bona'animu agoya hu emite kehelite minalabe. Yamofihi kaba hite ya nehinogo bona'i luga'amagi Hu'mamofihi gi'a li sibina hite to mono kaga enelepise'nati le'mo laba hi lalabe.

1 Timoti 6:1 Referans Kwoze

Taitasi 2:5

To ya hilete olopa ana'magi ya'ma yuhufa ana'magihi enelepilata enali komopa'ani enugufa kaba hite mokolo mehise minete nohi hepa'anilo minete lalameha'anifi ana'ina'ani hiti kaba hite minete, baha'animagihi agoya bati hite hu epinogo bona'i luga'amagi bu gelete Hu'mamofihi kaga'a lite le'mo laba mehilabe.

Romu 2:24

Yananamofi kumu lite mono bukugu fayahi keye'ahana: Lenali Yuta bona'magita hapatini sibina ni'igo, fegutoga bona'magi bu gelete Hu'mamofihi gi'a le'mo sibina hilata nehabe.

1 Pita 3:16

Ya nehite kele'na ka lu meepise agoya hite lu enelepilabe. To enali kumu keheli sibina mehise, keheli bati hite lu enelepilabe. Ya nehinogo lenali kumu lu sibina sabana nehinogo Kilisito hiti mine melete hilana bati huto yauba bo ya'amagi enali faga fagalo bona'i enali hapa'ani huto hulenogo enubuya'ani'mu fililabe.

1 Pita 2:12

Ya nehite Hu'mamofihi mekeheli'ahana bona'magihi komopa'ani legi mehinogo mino eto hite minalo. Ya hite nehinogo Hu'mamofihi mekeheli'ahana bona'magi kohe tete lenali kumu foipana lilata nehana bona'i nehabe lite lenifisa ite aku alihi to lenali bite folagaha'anigu minenogo to hapatini bati hinogo enali bu negenogo yata'a kehelise'na'ani he'mite lenali kumu Hu'mamofihi fokeha'a lilabe. Yesu Kilisitou nehetilina kanagu ya hilana'mu yabe.

Galesia 5:1

Naga'i melepinogo minalabe luto Kilisitou ai'a gulu ho leto'ehinamo ni'ibe. Ya hu'ehina'mu bona'i luga'amagihi enali Mosehi keya kamofihi nagalugu aku'i lenele'mo melenogo kele kele'i hi etalabe lite nelinogomo o'e lite amuya malalo.

Aposolo 15:10

Ya hu'ehinaya lenali yatai hena hibe lite Hu'mamofihi fi taga hi etalune'mu nehabe? Lenali Hu'mamofihi mege'i malalune'mu nehana bona'i ketana enemegesagu ligo mefi epalalo. Koyapa'i tatatigi hiti to laliti hiti ana ketana kofito mebiluta'a hu'ohuta yabe.

Aposolo 10:22

Ya ligo enali lu emi'ahana: Koniliasiu sipi gimi bouba loho lifigo o'ohune. Ai Hu'mamofitoga komopa'a emito nominago Yuta bona'magi koyone hine emina bo yabe. Kai kaga lu emitogo kehelilibe luto Hu'mamofihi agelo'a moneuba Koniliasihi nonuga bilane luto kehe igo noone.

Aposolo 10:7

Agelouba ya luto lu emiloto i fenene hu'ehina. Ya hulago Koniliasiu koko pana'a hiti gimi bo mone hiti kehe i'ehina. Ya'ma gimi bouba Koniliasi hiti moneka humofa'na nohuto ai mono ka mege'i nomalana bo yabe.

Luku 17:1

Yesu koko panana'a lu epi'ehina: Asaga'na fato fato ninauba huto hulenogo asaga boana'i foipanagu enele'mo malalina huto hu'ehina yabe. Ya hu'ehina enali'ani anana li huto hilata nehana bona'moya ke luto nolu epolobe.

Matiu 11:30

Ya'ma ketana lenigi'nagu nomolo lepolonanaya hetofana ni'ibe. To ana'ina kofilabe luto nani nolepunanaya keta mehina baba hana ni'ibe, luto Yesu lu epi'ehina yabe.

1 Timoti 5:14

Ya nehana'mu nani ma luto nolube. Keto ana'i kosaba'i enali baha'anilo bite minete yagapana'ani eneketete enali'ani noha'ani foya'ani bati hite kaba hite le'mo bati hite minalabe. Ya hite nehinogo lali fatehatimagi enabagalo ilenogo lali kumu ka sibina'a mone melilabe.

1 Koliti 10:32

Lenali Yuta bona'i nehana to fegutoga bona'a nehana to Hu'mamofihi bona'a naga'i enali enubulo keheli sibina hi'ehilana nasana yamofihi li huto mehilo.

Matiu 11:9

Ya hu'ehina lenali hena hibe lite bi'ahanabe? Lenali henana bu galune lite bi'ahanabe? To lu huto huto bo bu galune lite bi'ahanafihe? O'yo nani lu nolepube. Ai lusi mono bo yabe. To ai asaga mono bona'i luga'a enohoto nohibe.