1 Timoti 5:8 - Ka Lamana'a Monoꞌi Lu Mu Tifiꞌehina Ka Yabe

⁸ Luga'amagi enali bona'ani kaba lamana'a hi epelete enemehi meepilana yamofihi ka lamana'amofihi kapoguti ali he'mite to mono ka ya'ma mekehelise bona'i melugu bona'i enalitogati mine tegi hite ana foipana'aniuba enebe ligi'ehilina'mu minalabe. Ya higo keto a'mofihi bona'amagi kaba hu etalana'mu yabe.

1 Timoti 5:8 Referans Kwoze

Galesia 6:10

Ya nohuto kana'ati ni'igo bona'i asaga'magihi lemehi epito hetofa hu epalalune. Ya nehinogoti mono kagu ligibo enali'ani lalalutigihi nasana ya'ma lelito tito enele'mo bati hilune.

2 Koliti 12:14

Nani lenalitoga loe yupahi bu'ohunamo ni'ibe. To yatai ya'ma aku'i bilube luto le'mo bati nohube. Binogo'ni kohe toto buto nugufamofihi nose'na'a hiti fe'noha'a hiti efaha'a hiti mone lenoloka mehaluna'mu yabe. Lenali yogo fe'nohatini'mu ni'igopa lenali kumu yabe luto amuya mololata nohube. Yagapana'i kitili'amagi ito'anigi afo'anigi enele'mo nupa hilana'a mehabe. Enali ito'anigi afo'anigi lelite tite nose'na enabagagu bilana'amuko keheli bati hite minelata nehabe. Nani afotinifihi suhi huto nohuto ya'ma lu nolepube.

Taitasi 1:16

Enali Hu'mamofihi hapa'a keheli'ohune lite enabagaguti lilata nehanamo ni'inaya ya hite minete lite nehananauba ya'ma luto lu huto hulata nohina legeya'a meni'ibe. Enali tuguma bona'i nehana sipi foipanamofihi ka'ani mekehelise nehana enali foya lamana'a lilana'a meni'ibe.

Matiu 7:11

Ya hu'ehinagi lenali bati menehana bona'magita yagapanatinimagihi hetofana epilata nehinogomo yalo lali kehelilune, Hu'ma Afotinifu kokulumalugu nohinauba lenali nunumu hu emite ya hite hilana bona'i hetofana lepilina'mu yabe.

2 Timoti 3:5

Ya hilete ya'ma mono'mofihi bu ganamofihi gufa'a lolo hilinaya aku'i lusi mono'mofihi amuya'a hiti ya'ma hapa'amofihi mekehelise analo enemegesa hi emilabe. Ya hilete minenogo enalitogati he'milotoka kemegesa hu epibo.

Huto Hilina Ka 3:8

Ai ya'ma lenali kumu ya luto nolibe: Nani lolo hite melete hilata nehanamofihi hapa'a keheli'ohube. Keheli'ahafihe? Nani lenubulo kafe mone sigi lepelenogo ya'ma moneuba kafe gi hekini melalube'mu hibe. Lenali amuyatini nesi'asi ni'ina ya'ma keheli'ohube. To sibigopa ya'ma kaga'ni li pili kete lite minete nigi'ni ya'ma mehe'mi'ahanamo ni'ibe.

Huto Hilina Ka 2:13

Lenali hepa'i neminanamofihi hapa'a keheli'ohube. Yalo'i Satau kaba hu epalalina hepato nehabe. Lenali kaga'ni to nigi'ni li pili kete lite neminabe. To kaga'ni fala mekite nehago lu aku toto lu lepilata hu'ehina bo Atipasiu ai hepatini ya'ma Satau minoto lito nohina yalo ya'ma fili hoto lenali kana ya yupahi nani kumu keheli ule'ale ya'ma kete bi'ahanamo ni'ibe.

2 Pita 2:1

Koyapa'i Isilaeli bona'i enalitoga kaga leli'ali fagalo bona'i mono ka lu sibina huse bona'i kosaba'i babu lite huto hite mine'ahana. To ana huto lenalitoga Yesuhi kaga lu sibina hilana ya'ma leli'ali bo huto hilune'mu nehabe. Enali faga mono ka li huto hite minenogo lenalitoga loko huse nasana'a lenele'mo sibina huse nasana'ya huto hu lepilube'mu nohibe. To ya'asigo meni'ibe. Sipi Bouba foipana'ani he'mi epoloto enubuto bi'ehina bona'i enali Sipi Bomofihi enemegesa hi emilata hilana'a to Sipi Bomofihi gi'a li sibina hulata yamofihi lilabe. Enali'ani ya hite melete, hana'mu yabe luto foipanamofihi nona'a huto hulatanamofihi ya'ma mele'isi kali nali huto hu epiluna'mu yabe.

Yoni 15:22

Nani enalitoga limito huto huto kaga lu meepi'ohunalo ni'itita enalitoga foipana'ani mino meepalatita'mu yabe. To ka foya melilina'mu yabe. Ya hu'ehinaya foipana'ani hena hena hite he'milana ni'ibe?

Yute 1:4

Hena'mube? Bona'i luga'a Hu'mamofihi keheli'ahana'a enali folagahatigu fenene hite ti'ahana. To enali moko foya lilata nehanalo Hu'mau ka melemekilina'mu yabe lite ai hetofa bo nohinagihe lite nelana enali ya lite Hu'mamofihi lehe'mose kaga'a li sibi hite to lali moneko kaba boti, Yesu Kilisitohi enemegesa hu emite ibe fitebe hi etelata nehabe. Enali ya'ma bite li he'mila ete li he'mila nehanamofihi hapa'anilo Hu'mau osahi epilina ka koyapa'i mono bukugu fayahi keye'ahanamo ni'ibe.

2 Koliti 6:15

To Kilisitohi ai kala bo'a Sata hiti etali hena hite komopa'atiti hena hite le'mo hepila'ibe? Ya hila'ina meni'ibe. To Hu'mamofihi ka kehelito nominota bona'a lali hiti to ai ka'a menekehelina bona'i enali hiti hena huto koguna huto minalune? Ya huto meni'ibe.

Matiu 18:17

To ana bomagihi kaga'anilo keheli meepinogomo mono nonugu asaga mono boana'i lu huto huto lu epibo. To asaga boana'magi kaga'ani keheli meepinogomo bonoho bona'ifi takisi nelina bomagihi suhi luto nohane luto keheli emibo.

1 Koliti 6:6

Lenalitoga moneuba lalu'afi hiti foipana'atiti huto hulenogomo Hu'mamofihi mekeheli'ahana bona'magitoga lelito bigo lu laga hi ete'ahabe. Bati mehina suhi nehabe. Lenali ka foya huto hulata nohina yanauba mono katini li kele lilata nohibe.

2 Timoti 2:12

Keke'i luse nasana lugupisalo notinogo yamofi kumu yabe luto kosele'i melehenogo fa'mene kofiluta ya'mu ai hiti hepito minoto ai kapolo kaba hilune'mu hune. Ai kumu lemegesa hu emilenogo ai ana suhi huto megesa hu limilina'mu yabe.