1 Timoti 5:7 - Ka Lamana'a Monoꞌi Lu Mu Tifiꞌehina Ka Yabe

⁷ Kaga ya'ma molo'ohunana lu laga huto lu epigo keto ana'magihi foipana'ani meminalina'a higo bona'i luga'amagi enali kumu sibi kaga'asigo melilabe.

1 Timoti 5:7 Referans Kwoze

1 Timoti 4:11

Ka asaga'i lu nokumuna yamofihi lu epitogo keheliya ilabe.

Taitasi 2:15

Kaga ya'ma lu nokumuna yamofihi lu enelepilata huto minobo. To bona'i enali kai kumu fa'mene bo nohibe lite li lalagi Hu'mau amuya'a hiti molo keto'ehina bo'amaka enegekesa lito sibina nehinogomo ka epekito enele'mo bebe soto hubo. To bati nehinogo kai bebe sose ka lu epito komopa'anigu enele'mo amuya molobo. To kai kumu kehelinogo notinogomo kebe meligino.

Taitasi 1:13

Nani ya'ma kagamu'i nokehelugo lamana'a lolo hibe. Ya'mu ka babu luto ka epekito enegekesa linogo keheli bati huse ka'a ya'ma ho ti fefe luto minelenogo,

2 Timoti 4:1

Nani Hu'mamofihi bulo to Yesu Kilisito ai hiti minoto bona'i lubu hiti nohuta'a fili'ahana'a asaga'i ka foya lito guna molo letalina bo ai bulo ya'ma Yesu kaba huse'i to kapo'a hiti huto hilina nehetito kaba hu letalina'mu yabe luto ya'ma luto kaga lu moloto huto kelepilugi kehelibo.

1 Timoti 6:17

Kai bona'i mone'amagi ma metoga nasana yogo fe'nohi babu luto silaga'i li nupa nupa nehana ya luto lu moloto lu epibo. Enugufa'ani lelite tite enemeha'ani sipalo memalalabe. Guna melelata nasana'mu kehelinogo lamana'a lolo mehino. Ya nasanaga bite i mekeleno. Hu'mau ai'a ya'ma lenumu hinogo nete melete laga'amu kehelilabe luto fitu fo limilata nohina bo aitoga ya'ma buto i ke'malune, luto lu epibo.

1 Timoti 1:3

Nani ya'ma Masetonia metoga bilube'mu nohuto kegekesa lito lu kimi'ohuna ana suhi hubo. Ya nohuto ya'ma Efeso hepatoga ya'ma aku'i molo emito minobo. Nohuto bona'i hapi fite faga faga mono kaga lu nepina yamofihi he'milo luto lu epibo.

Filipai 2:15

Ya nehite foipanatini meminose komopatini gulu gulu linogo minalabe. Ya nehite bona'i li nupa hilata lisipa bise bo to li sibina sabana hilata nehana bona'i enali metepu komopa'agu ya'ma lenali Hu'mamofihi panala'a pana'a komopatini bati hulenogo lolo hite minete sonofi'i lolo hite fi fana talabe.