1 Timoti 5:6 - Ka Lamana'a Monoꞌi Lu Mu Tifiꞌehina Ka Yabe

⁶ To keto a'i moneuba gufalo laga besise'namu mokonamofihi fe'noto minenogomo ya'ma ai kumu lilatagihe. Bu hiti nohifihe luto melubo. Ai meha'a fili'ehina suhi huto nohibe, luto lilane.

1 Timoti 5:6 Referans Kwoze

Yemesi 5:5

Lenali ya'ma metoga hite melete nehite lag'a nekehelite enibita hina'a hiti kehelite nehanaya to nose'na neba neba hite fobatini'ubago hu'ehina Hu'mau lenahalina kana'a lebato'isi ahuto hilube'mu nohibe.

Huto Hilina Ka 18:7

Enugufamofihi le'mo lite tite minete laga'amofihi gupisalo mineme bite meleke takehi hite minelata hi'ahanamo ni'ibe. Yamofihi mone kegi'a eniginaga fise'na to enuluhaya enagabu gilatana ya'ma li huto hite epilo. Ana hepa'uba ya'ma a'mofihi sipi a'i legi huto minoto komopa'agu ekesa kehelito ma luto nolina: Nani nominoto'ni sipi a'i gihiti bo'ani legi huto nohube. Nani keto a'i menohube. Eniginaga fise'na mekehelise laga'namofihi gupisalo mino lito buto minalube'mu hube.

Huto Hilina Ka 3:1

To Satisi hepato Hu'mamofihi bona'amagihi agelo ya suhi huto kaba hu noepalana bouba ka'a ma luto fayahi koyoto emilenogo lu epilibe: Hu'mamofihi meha'amofihi amuya 7 nehana hiti to sonofi'i 7 li'ehina lenali kumu ma luto lu'ehibe: Nani lite melete nehanamofihi hapa'a kumu keheli'ohube. Bona'magi enali lenubu gago lenubu hiti nehana'a keheli'ahanaya komopatini ya'ma fili'ehinamo nehana, akeheli'ohube.

Luku 15:24

Ya'ma pana'nimo fili'ehina legita minoto aku'i nohibe. To fenene huto minoto yatai aku'i huto hu'ehibe. Ya ligo enali hapi fite nose'na nenete enegelo nebite mine'ahana yabe.

Luku 15:32

To ya'ma kogonaka fili'ehina legita minoto yatai nohibe. To fenene huto minoto yatai huto hu'ehibe. Ya hu'ehinana'mu lali bati huto yege fito lofokehi nolune, luto lu'ehina. Yesu ya lu epi'ehina kilihe'i yabe.

Efeso 5:14

Yamofihi mono ka mone ma huto ni'inamo ni'ibe: Lenubu'i ke'ahana bona'i lenali ho tilo. Fili'ahanaguti aho tilo. Kilisitou ya'ma fi besa lo lepalalube'mu hibe.

Efeso 2:1

Lenali koyapa'i ka mekehelise minete foipanagu mine'ahana to yamu'i lenemehi filito bigo mine'ahana yabe.

Luku 15:13

To ya hulago gona'auba kana loemofi mone'afi minoto aku'i ana'ina'a li gu ito kofiloto foto hepatoga buto mino'ehibe. Ana hepatoga nohuto'a foipa hapa'a huto mino'ehina.

Matiu 8:22

Yesu lu emi'ehina: Kai nemege'i molobo. Fili'ahanana bona'i komopa'ani menimise'namagi fili'ehina bona'i keli halabe, Yesu ya lu'ehina.

Kolose 2:13

Lenali koyapa Moseu keya ka lu'ehina kamofihi mekehelise fegutoga bona'i minete foipa faipa hapatini hilata hi'ahanaya Hu'mamofitoga filise'nalo mine'ahana yabe. Yalo Hu'mau Kilisitohi le'mo ho ti'ehina suhi huto lenele'mo ye ko'ehina. Hu'mau foipanati asaga'i li he'mi leto'ehinagihe.

Efeso 2:5

Ya nohuto lali foipanatimomu'i lemehati filito bigo nohutogo Kilisitou fili'ehinagati le'mo ho ti'ahanalo lubuto bito lele'mo'ehina yabe. Ya huto ai ginaga fi lepolo'ehina'amu lenubuto bi'ehinamo ni'ibe, nekehelifiye?

Luku 12:19

To yalo'i nipa'nigu ma luto lilube: Fokehi libo nipa'niyao. Nose'na hiti fe'nohi hiti babu luto ni'inagi yatai asaga foya kanagu fuli minalube. Fuli minoto'ni to nose'na noba nobo huto'ni to yokolo'na huba huba huto minalube. Fokehi libo nipa'niyao.

Luku 7:25

To henana bu galune lite bi'ahanabe? To lenali bo moneuba hetofa gukete li hekoloto nohigo bu galune lite bi'ahanafiye? Nani lu nolepube. Enali bona'i hetofa gukete li hekelete to hetofa enugufalo li melete neminana bona'i ya enali gihiti bomofihi noha'agu minelata nehabe.

Luku 16:19

Bo moneuba efaha'a babu luto ni'igo ai asaga yupahi hetofa gu kata hepilata huto to hetofa hatofa nose'na babu luto nolata huto mino'ehina yabe.

2 Timoti 3:6

Bona'i ya hana'amagihi enalitogati luga'a enali legeso hite sibi sibi humofa'na nehite ana'magihi nonugu tite fato fato kaga lu epite enegekesa lite enali'ani enemege'i malalabe lite enele'melata hilabe. Ana ana'i enali komopa'anigu lapa mebi'ahana foipana kofilata to enugufa'aniuba laga besise nasana fato fato'i ya'ma keta'a hiti lite minete nehana.