1 Timoti 5:5 - Ka Lamana'a Monoꞌi Lu Mu Tifiꞌehina Ka Yabe

⁵ Keto ana'i lamana'a ya'ma yagapana'a menehinogomo enali'anigo minete Hu'mamofitoga enemehi melete kana'amu kana'amu ute etehi Hu'mamofihi kaga lite buka tite lehe'malibe lite fifa ilata nehabe.

1 Timoti 5:5 Referans Kwoze

1 Timoti 5:3

To keto ana'i enali'anigo minete megusa hite nehinogo enele'mo lamana huto fi hetofa hu epalalane.

Luku 2:37

Alihi baha'a fililago ai fa'mene mino'ehina. To yatai kufu'a 84 nominabe ya nohuto'a sipi mono nohi hepato menohe'mina litana'i yabe. To ai nose'namofihi mo sito to nunumu huto minoto Hu'mamofihi yege fito to mono lili'na'a fuliga hiti folugu'i hiti lito minolata hu'ehina.

1 Pita 3:5

Ema afeha'aga ana'magi mono kagamofihi mege'i amuya melete mineme bi'ahana enali komopa'animofihi sekele mamu'a hiti nasana'ya lite mine'ahana. Ya hilete Hu'mamofihi keheli ule'ale hite baha'animagihi keheli epite mine'ahabe.

1 Timoti 5:16

To keheli amuya moloto nohilina a'i mone'mofihi kogunaguti keto a'i mone nehilanamagihi ai enehe'moto komopa'a epito kaba hu epoloto minalibe. Ya nohinogo Hu'mamofihi naga'amagihi enugupisalo metilibe. Hu'mamofihi naga'amagi enali keto ana'i enali'anigo nehana'a yamagihi enehe'mete fi hele hi epalalabe.

1 Koliti 7:32

Lenali ya'ma fa'menena'mu yamofihi lenegekesa yigiba yigiba hite keta huse'namu minalabe luto keheli'ohuto nolube. Bo kofuta nehana'amagi Sipi Bomofihi foya'muko kehelite minalune'mu habe. Minete Sipi Bouba kehelinogo bati hilibe lite lilenogo lilune'mu habe.

Luku 18:1

To kosele meenehenogo ute etehi nunumu hilana bame ka Yesu lu epito ma luto lu epi'ehina:

Efeso 6:18

Ya nehite lenali silaga kanagu Hu'mamofihi Sikalafu'uba lenehe'menogo Hu'mamofitoga minete lehe'mobo lite buka tite minalo. To iyo iyo hite kosele'i kasele'i melenehenogo kaba hite minalo. Ya nehite Hu'mamofihi bona'i yege yege'namu'i yabe lite nunumu foya lite minalo.

Luku 18:7

Ana suhi huto Hu'mau boana'a enele'mo eto hu'ehina enali asaga utehi etehi aitoga kehe ite lehe'malibe lite lilata nehana meenehe'malina ni'ifihe? Hu'mau tala tele huto enehe'malina ni'ifihe?

1 Koliti 7:34

Ya nehite enegekesa loemo nekehelite neminabe. To ana suko hite yafana'i panala'i enali Sipi Bomofihi lili'namuko kehelite minalune'mu habe. Ya nehite komopa'ani enugufa'ani Sipi Bomofitoga molo emilune linogo kehelilune'mu habe. To baha'a hiti ana'i enali metoga nasana'muko kehelilune'mu habe. Ya hilete baha'animagi keheli laga hilabe lite ya hilune'mu habe.

Romu 1:12

To ya'ma huto hapa'a ma ni'ibe. Buloto'ni lenehe'menogo lenali ana hite nehe'malabe. Nani'ni Yesu kumu keheli ule'ale nohunauba lenehe'malibe. To lenali keheli ule'ale nehanauba nehe'menogo huto minalune.

Romu 1:5

To Hu'mau Yesu kumu ai koko pana'ni nohane luto lu nimito nele'mo ho ti'ehina. Hena'mube? Nani asaga melugu bona'i kaga'a lu epinogomo ka kehelite komopa'ani Hu'mamofitoga mele emite minalabe luto ya'ma noho lifito ana lili'na sipi'a nimi'ehina.

Aposolo 26:7

Enali nayahi luga luga su hoto nigigusagati loemo heleko malago nagatimagi utehi etehi Hu'mamofitoga nunumu nama lite minete komopa'ani aitoga amuya melete emite ananamofihi nogo geba hite mine'ahana yabe. To kibina bo'nimaka, nani'ni hiti anana'mu luto komopa'ni emito geba hu'ohunana'mu lite Yuta bona'magi yatai nifisa neibe.

Aposolo 6:1

Ya'mana kana'alo ka lamana'a mege'i malana bona'i luga'a babu lite ete ikele'ahana. To luga'a ka lamana'a mege'i malana bona'magi Giliki nogo nehanamagi enali luga'a Hibulu nogo nehanamagi ka epeki'ahana. Ma lite li'ahana: Lenali asaga yupahi nose'na'ani meni'ina boana'i enehe'melata nehanaya to keto ana'i enemegesa hu epite menehe'melata nehabe.

Aposolo 9:39

Ya lite lana kaga keheliloto Pitau ho tiloto enemege'i moneka bi'ahana. Ai ana hepatoga henetilago nohi ifo hasagu le'mete ti'ahana. Ya hago asaga keto ana'magi yibi hilete Pitahi ete le'mo bego hilete Tokasiu nohuto lolo huto epi'ehina gukete li lepi'ahana.

Aposolo 9:41

Ya nohigo Pitau buto he'moto yato lito le'mo saga hu'ehina. Ya huloto keto ana'i nehanalo le'moto buto enelepi'ehina.

Filipai 4:6

Ana'ina mone'namofihi mone'namofihi kehelinogo lenuluhaya metino. Ana'ina'mu sa sa nehitemo Hu'mamofitoga kaga lite ana'ina'mu kehe ite fokehi linogo li huto hu lepinogo lite minalo.

1 Timoti 2:1

Kaga ya'ma lu epilane luto kohe toto tito nani amuya moloto kegekesa lito nolube. Enali ana'ina'mu buka buka tite Hu'mamofihi loka henogo bona'i luga'a asagatoga minoto fi hetofa hu epalalibe lite Hu'mamofihi foke ka li emilo, luto lu epibo.

2 Timoti 1:3

Nigiko nagako bona'magi komopa'ani bati hu'ehigo i emi a emi hite Hu'mamofihi mege'i melete mine'ahana. To nani enali yagapana'ani nohuna bo ana suko huto Hu'mamofihi kele kele'i hu noetoto komopa'ni keta mehuse nohuna ya'ma kana'amu utehi etehi kai kumu kehelito minoto Hu'mamofitoga lulata nohube.