1 Timoti 5:2 - Ka Lamana'a Monoꞌi Lu Mu Tifiꞌehina Ka Yabe

² Litana'i enali kumu ito'nigitabe luto ya'ma kaba hu epoloto ya suhi ma suhi hu epolo lito buto minalane. To yafana'i neta bona'nimagita yabe luto ya suhi holito nobuto yamofihi kaika kegekesa komopaka kaba hu bati hubo.

1 Timoti 5:2 Referans Kwoze

1 Timoti 4:12

Enali ya'ma pana'i kosaba bo nohane li lilagi. Yamofihi bona'magi enali ka'mu keheli sibina hi lalabe. Kai amuya moloto minetogo hapaka fu linogo Hu'mamofihi keheli ule'ale hilata to komopaka fana toto minenogo Kilisitohi kemehi emilata to mono ka lilatamofihi keheliya ilana bona'magi ya'ma kapogu bilune'mu hana enelepibo.

Matiu 12:50

Kokulumalugu Afo'nifu nohinamofihi agoya hu emise bona'iya nani nogona'ni netali'nigi to nani ito'nigi nehabe. Ya luto Yesu lu epi'ehina yabe.

Filipai 4:8

To nalalu'nigita, kaga mone'ya ma luto lu su hoto nolube. Lamana'amofihi yege fise'na hiti agoya hu emilata nasana hiti to ana'ina hetofana'a to fotogo huto minolata nasana hiti to babahi huto nominana nasana hiti to bu golatanamofihi laga'a to keheli lamana hulatanamofihi ya'ma bati hina nasana hiti to komopatinigu bebe sose'namofihi hapa'a silaga'i enegekesa kehelite minete minalo.

1 Timoti 5:3

To keto ana'i enali'anigo minete megusa hite nehinogo enele'mo lamana huto fi hetofa hu epalalane.

2 Timoti 2:22

To kaibe, neheya kola bo enali fato fato nasana'mu topa hilata nehana yamofihi kemegesa mele'isi hu emibo. Ya hulotoka ya'ma kaika to komopaka gulu gulu linogo Sipi Bomofihi buka tite hetofana lilune'mu lehe'mobo lilata nehana bona'i hiti lenali bebe sete fotogo lilatana, keheli amuya melelatana, lenemehi epilatana, fato bona'i enele'mo baba ite ya'ma koguna ilatana, ya'ma lolo huto minalune lite amuya malalo.

1 Tesalonika 5:22

Ana'ina foipana fato fato'mofihi ni'ina yamofihi he'milo.

1 Timoti 5:1

Oyafa kaga lu emilube luto noluto ka emekito mone melubo. Afo'nigabe luto le'mo ketipa ito lu emitogo kehelilibe. Neheya kola bona'i ya'ma nogonamu tamu'ni yabe luto noluto ya suhi hu epolo lito buto minalane.