1 Timoti 5:19 - Ka Lamana'a Monoꞌi Lu Mu Tifiꞌehina Ka Yabe

¹⁹ To bo moneuba olopa mono bomofihi fisa ito nelinogomo nogo'alo melibo. Bona'i loebefi loebe monebefi enali kaga'ani linogo keheliloto ka foya li etalane.

1 Timoti 5:19 Referans Kwoze

Matiu 18:16

To kagaka keheli mekiminogomo kai mone'isifi loefi bona'i enele'mo'ohuto moneka bilo. Ya hitogo lugufa bomagi enali kaga mono kagu nina'a hite lu huto hilana'mu yabe.

2 Koliti 13:1

Ya'ma lenalitoga aku'i binogo kana'a loebe monebe hilina'mu yabe. Mono bukugu kaga ma luto ni'ina: Ka foya lilana kanagu bo moneuba foipana hulenogo bo loebefi loebe monebefi bu gelete lu huto hilenogo lama'naka litemo ni'ibe. Lenalitoga bu nehetilenogo ana kaga'a keheliloto ka'a lilube'mu hube.

Taitasi 1:6

Olopa bo moneubafi moneuba foipana'a meni'ilina to a'i moneko'i li'ehilina. To ai yagapana'amagi Kilisitotoga agoya hi emi'ehilana, to he'mi hale hilana to kegeiyo'na'a meni'ilina enali bati hite nehilana bona'magi kehelinogo afo'anifihi bati huto le'malane.

Hibulu 10:28

To Moseu keya ka lu'ehina ka'alo pelesa ite hauta halana bona'i ya'ma kene'i loemale'ifi loegi monegimagifi enali ka'ani lilago enali hapa hapa'ani foipana'ani huto hulago keke'i meli epelese mele'isi eba eba hite enoho fili'ahana yabe.

Aposolo 25:16

Ya lago nani ka'anilo nona'a ma luto lu'ohuna: Lali Lomu bona'magita hapatiya bo mone'mofihi fa'mene fisa ilata menohune. Bo mone'mofitoga kaga ni'igomo yata'a ka foya lu epololata bomofihi bulo ho tigo lali geba hu'ohunogo ana bouba kaga fisa neinamofihi keheli bati hulata nohibe.

Yoni 8:17

To keya katinigu ka mone ma luto ni'ibe: Loe bomale'i moneko kaga la'igomo ana ka'atiti ma'naka lolo hohibe.

Aposolo 11:30

Ya hilete Banabasinogo Solinogo ana efa etimigo Atioki lite bite mono olopa bona'i epi'aha'ina yabe.

Yoni 18:29

Meti'ahanago Pailatiu fegutoga nehanalo limito lu epi'ehina: Ma boya, henana fisa noi etabe?

1 Timoti 4:14

Kohe toto ya'ma ka lu huto huto bona'i kaga'ani kai kumu li'ahanalo ya'ma mono olopa bona'i luga'a enali enayahi latahakalo melete lusa negi ketago hetofa Sikalafu'uba mono'mofihi amuya'a fi hele hu keto'ehinamofihi lamana'a sibi hu laligi mino hetofa huto kaba huto minobo.

1 Timoti 5:17

To mono ka enelepise kaba bona'i olopanamagi enali hetofa foya linogo ya bati hulenogomo mina'a mineme tite lilabe. Mono ka lu enelepilata lu yege holata lamana foya lilata nehanamofihi enali'aniya foya amuya melete lilana ya'ma lilana'mu yabe nolube.