Biblia Todo Logo
Bib sou entènèt

- Piblisite -




1 Timoti 5:13 - Ka Lamana'a Monoꞌi Lu Mu Tifiꞌehina Ka Yabe

13 Ya hilete ya'ma nonugu fato fato'na tila limila hite futu'a kaga lite minelata nehana to ya'asigo meni'ibe. Enali notu humofa'na hite fa'mene kagamo lite faga faga lite bona'magihi foyagu ukimi akimi hilata nehabe.

Gade chapit la Kopi




1 Timoti 5:13
14 Referans Kwoze  

To lenali mone'amagi lenofolagahatiniguti huto hite faga lite Hu'mamofihi kagamo lu sibina sabana hite pana'alobo enali le'malabe lite kagamo lu sibina hite lilabe.


Ya hilata nehana bona'i enali fala kite yogo fe'no kumu yabe lite sefeyehena nasana'mu fi lehe talune lite kehelite bona'i luga'amagihi liha'ani yagapana'ani enele'mo sibina hilata nehanamo ni'inaya kai lu laga lu epolobo.


To kaga lu yege hoto mono nasana'mu lenelepito mone lenehe'malina ka fala mekise lu lepi'ohuna. Ya'ma asaga bona'ni li gehesa nehanogo lu lepilata huto to lenali nohatinigu moneko'na moneko'na nehago lu lepila huto mino'ohuna yabe.


Lenali ana nonugu legese hite minete nose'na lepi'ahanana nete minalo. Hena'mugope lili'nalo bouba lili'nalo mina'a lilube'mu hilina yabe. To lenali nohi fato fatolugu tila limila mehilo.


Ya'mu nani binogo'ni ai huto moloto nohilinamofihi hapa'a li huto hilibe. Ai lali kumu faga faga luto libe loko hube nohibe. Ya hulata'asigo mone meni'ibe. Mono bona'i nebago ai enele'mo gufaga memolose to luga'amagihi enehe'malune'mu nehago ka epekito ana mono bona'magihi fegutoga enele'mo foto'i mololata nohibe.


Lenalitogati bo moneubafi moneuba ho filise'nafi to gumina huse'nafi to kegeiyo huse'nafi to hipa hipa huse'nafi to bona'magihi nasana'mu lubu gilipe ape nohutana'mufi ka foya li epelenogo naga nonugu keke'i lu laligihe.


Ana kenetufati monekotu enofokehi lilata nohune. To li gelehe huto huli ka lu epololata nohune. Nalalu'nigita, ya'ma laga mehina suhi ni'ibe.


Ya hilete ya'ma enali'ani hapi fite mono kumu lu laga huse kamofihi keheli he'mite minenogo foipana'ani huto hinogo fakupa ka enalitoga minalina'mu yabe.


Swiv nou:

Piblisite


Piblisite