1 Timoti 5:11 - Ka Lamana'a Monoꞌi Lu Mu Tifiꞌehina Ka Yabe

¹¹ Keto ana'i enali yuhufa ana'magi ya'ma ligiti fayahi kayalane lite nelinogo o'e luto mekoyobo. Bolo aku'i bilana nasana'mu epesilenogo kohe tete bite Kilisitotoga i hepise'na he'mite i gelehe hite koyapa kapogu bilata nehabe.

1 Timoti 5:11 Referans Kwoze

1 Timoti 5:14

Ya nehana'mu nani ma luto nolube. Keto ana'i kosaba'i enali baha'anilo bite minete yagapana'ani eneketete enali'ani noha'ani foya'ani bati hite kaba hite le'mo bati hite minalabe. Ya hite nehinogo lali fatehatimagi enabagalo ilenogo lali kumu ka sibina'a mone melilabe.

Yemesi 5:5

Lenali ya'ma metoga hite melete nehite lag'a nekehelite enibita hina'a hiti kehelite nehanaya to nose'na neba neba hite fobatini'ubago hu'ehina Hu'mau lenahalina kana'a lebato'isi ahuto hilube'mu nohibe.

Huto Hilina Ka 18:7

Enugufamofihi le'mo lite tite minete laga'amofihi gupisalo mineme bite meleke takehi hite minelata hi'ahanamo ni'ibe. Yamofihi mone kegi'a eniginaga fise'na to enuluhaya enagabu gilatana ya'ma li huto hite epilo. Ana hepa'uba ya'ma a'mofihi sipi a'i legi huto minoto komopa'agu ekesa kehelito ma luto nolina: Nani nominoto'ni sipi a'i gihiti bo'ani legi huto nohube. Nani keto a'i menohube. Eniginaga fise'na mekehelise laga'namofihi gupisalo mino lito buto minalube'mu hube.

2 Pita 2:18

Enali'ani keheligo ho tilata nehabe. Enali fa'mene kaga gusunupa'a meni'ina kaga lilete ya hite, bona'i yuhufasi foipa bona hapa'ani he'mi'ahana bona'magihi mi'mi hite aku'i foipa kapolo enele'mo malalune'mu nehabe. Ya nehite, foipa foya nelinanauba enogolagalo li malago nehetilago tafa komopa'aniuba enumu fililata nohibe. Ana'ina lilete'ani bona'i luga'a ya enali kelefugu halabe, lite lilete enali ya hilata hi'ahanamo ni'ibe.

1 Timoti 5:9

To bona'a menehana keto ana'i kumu ma lilatagihe. Keto ana'i moneubafi moneuba bo moneko'i hiti mino'ehina a'i mino lito buto foya kana 60 yabe li he'mi'ehilinauba mono foya liloto lenalitoga minalube luto lilube'mu nohinogo gi'a fayahi pepagu keye mele'ehinogo Hu'mamofihi naga'magi kaba hi etalabe.

1 Timoti 4:3

Ana'i melise gofuta minalo lite lu epilata nehabe. To nose'na mone'a menese mo silo lite lu epilana'mu yabe. Ana faga faga nelana yabe. Hu'mamofi kumu kehelite amuya melete minalana bona'magi ai ka'a lamana'a keheliya ilana bona'magi enali nose'namofihi foke ka lite nalabe luto Hu'mau li huto hu'ehinamo ni'ibe.

1 Timoti 5:12

Ya hilete ya'ma enali'ani hapi fite mono kumu lu laga huse kamofihi keheli he'mite minenogo foipana'ani huto hinogo fakupa ka enalitoga minalina'mu yabe.

Huto Hilina Ka 18:3

Ai noto noto bona'i enali'i amuya bai nagami tegi hite moko fise nasana'a epigo mikili helata hi'ahanamo ni'ibe. Noto noto bona'i enigihiti bo enali lolo hilete moko lise'namofihi foya'a lite minelata hi'ahanamo ni'ibe. Noto noto bo sipi mokolo a'mofihi nasanaguti bisinisi foya lilata nehana bona'i henetite lili'na kana'amofihi suhi hilata hi'ahana to fe'noha'ani lite yamofihi lolo hilata hi'ahanamo ni'ibe.

Huto Hilina Ka 18:9

To noto noto enikibina bona'i hiti ya'ma a'mofi kumu be gelete lagati lebesibe lite moko lite ana hepato logo efahi keyete nete minelata hi'ahanamo enali logomofihi lokiya'a netinogo be gelete yibisu kalasu hite eniginaga finogo minalabe.