1 Timoti 5:10 - Ka Lamana'a Monoꞌi Lu Mu Tifiꞌehina Ka Yabe

¹⁰ Ai ya suhi huto lito moloto hu'ehina nasana bona'magi enali keheli'ahanamo ni'ifihe? Yagapana'a ketoto bati huto kaba hu epoloto komopa'a epi'ehinamo ni'ifihe? To aitoga bonoho bona'i e'ahago kaba hu bati hu epolo'ehinafihe? To ai'a limito minoto Hu'mamofihi yagapana'a luga'a enele'mo bati hu'ehinamo ni'ifihe? Ai bona'i ketanauba sibina hu epolo'ehina'amagihi enele'mo bati hu'ehinamo ni'ifihe? To bona'i mehi epito ya suhi ma suhi hu epolo'ehinamo hapa'a loka mika hu etetogo ana suko huto ni'inogomo gi'a fayahi pepagu kayalane.

1 Timoti 5:10 Referans Kwoze

1 Timoti 6:18

Kai ma luto lu moloto lu epibo. Ana'ina lamana'amuko kehelite lite minalabe. Foya li lamana'a melete lolo hilana yanauba legeya'a lamana'a lolo hilibe. Fato bona'i enehe'mete lisipa mebise minete to ana'ina'ani guna melete li miyalo malo hite lite minalabe luto lu epibo.

Taitasi 3:8

Kaga ya'ma lamana'a lusiga luto ni'ibe. Ka'a ya'ma le'mo hofa toloto lu epilane luto nolube. Ya huletogo Hu'mamofi kumu keheli amuya nemalana bona'magi enali nasana lamana'a lilune lite nelinogo foya babu lite nelite lilabe. Nasana lamana'a ni'ibe lite ye hilenogo bona'i enele'mo bati hilinamo ni'ibe.

Aposolo 9:36

Yopa hepato Hu'mamofitoga komopa'a moloto nominana a'i mone mino'ehina. Ai gi'a Tabita ana gi'amofihi hapa'a Giliki kaguti Tokasi. Ai asaga yupahi enumuhi meni'ina bona'i enehe'moto enele'mo bati hulata nohina a'i yabe.

Taitasi 3:1

Kai kagagu mine'ahana bona'i ya'ma kaga'a ma luto aku'i li kosaba huto ma luto lu epibo. Enali sipi kaba bo'ani to gamanimagi hiti agoya hu epelete ka'ani kehelilabe. Ya hilete enali'ani'mu hetofa foya'a fato fato'mofihi asaga'i ni'ina babahi hite lilabe.

Taitasi 2:7

To kaika ya'ma ana'ina lamana'amofihi le'mo eto huto hetofa foya babeyafa'a hulotoka komopaka fana tenogo to yokolo ka meluse minoto lusiga lu epito nobitogo kohe netenogo bu nekegete kemege'i melete bilabe.

2 Timoti 3:17

Hu'mamofihi foya'alo lilata bona'i lali lamana'a lolo huto minoto mono kagu labaga hiti minoto mono foya lamana'a fato fato'mofihi lito minalune'mu hune.

Romu 12:13

Lenali Hu'mamofihi bona'a enumuhi meni'ina'amagihi fe'nohatini fuku lite li epilo. To bonoho bona'i elenogomo nohatinigu enele'mo melenogo tilenogo nose'na epite malo kalo lite, ya lu epilo.

Luku 7:44

To Yesu i behe huto ana a'i bu goloto Simonihi lu emi'ehina: Ma a'i kai bu nogapiye? Nani kai nohakagu oto tugo nigi'nimofihi okala huse nagami'i meniminogo ai ya'ma a'uba bu nogoya'atu nigigusa'ni okala huloto oka'atu'i li sepa noi netabe.

Matiu 5:16

Ya huto ninagi lenali libitini ligite boana'i enali enubulo binogo lenali hetofa hapatini bu gelete to enali ana hite Sipi Bo Hu'matinifu kokuluma hepatoga nohinamofihi enegelo bite gi'a liyafa hilabe.

1 Pita 2:12

Ya nehite Hu'mamofihi mekeheli'ahana bona'magihi komopa'ani legi mehinogo mino eto hite minalo. Ya hite nehinogo Hu'mamofihi mekeheli'ahana bona'magi kohe tete lenali kumu foipana lilata nehana bona'i nehabe lite lenifisa ite aku alihi to lenali bite folagaha'anigu minenogo to hapatini bati hinogo enali bu negenogo yata'a kehelise'na'ani he'mite lenali kumu Hu'mamofihi fokeha'a lilabe. Yesu Kilisitou nehetilina kanagu ya hilana'mu yabe.

Hibulu 13:21

ai'a ya'ma nasana lamana'a fato fato'mofihi li huto hu lepito lenele'mo babahi hulenogo ai lilina'a malalina'a keheliya ilabe luto nolube. Ya nehinogo ai'a kehelinogo bu go laga huse nasana Yesu Kilisitohi amuya'auba komopatinigu mineno. To ai fana mehena'a huto hilenogo foke ka lelite binogo mino lito buto minalinamo ni'ibe. Lama'naka.

Hibulu 13:2

To ka'i logo lili bona'i enebe tigite nohatiniluga enele'mo malalune lite kosele'i meleneheno. Luga'amagi enali bonoho bona'i atilo lite enele'me mele'ehite agelo nehana'muya enali mekeheli'ahana.

Hibulu 10:24

Komopatitu lemehi emito komopati ai eminogo ai eminogo nohuto lili'nalo ai he'menogo ai he'menogo huto minalune luto komopati le'mo bati huse'namofihi kapo'mu sa sa huto minalune.

Taitasi 3:14

To bonatimagi enali hetofa foya suhi hite lelite nebinogo komopa'ani lolo hilibe. Enali'ani yana foya'mu enogo'na bibo. To enugufamofihi ana'ina li emilata nehana yamofihi hi emite nebinogo mono kumu lolo hite melete nasanauba legeya'a li huto hilube'mu hibe. Enali fa'mene fuli minelata mehilo luto lu epibo.

Taitasi 2:14

Ai ya'ma lali kumu yabe luto keke'i lu letoto foipana lito mino'ohuta yanaguti li he'mi letalibe luto minoto lito gulu gulu nehana bona'i lolo hilune luto ai'a yagapana'ago lele'mo eto hulenogo minoto hetofa hatofa nasanaloga mege'i amuya moloto minalune, luto keke'i lu letoto gufa'a he'mito fili'ehina yabe.

Luku 7:38

To ai buto Yesuhi megesaga ho tiloto gigusaluga minoto yibi huto mino'ehina. Yibi nohigo bu nogoyauba Yesuhi gigusa'alo bili bili nohigo soso hu etoto lataha'alo yatama oka'atu li sepa i eto'ehina yabe. Ya nohuto ai efaha konugu tu mesebe nina li'ehinamo Yesuhi gigusa'alo hoto nonoto ana tu mesebe folo eto'ehina yabe.

3 Yoni 1:12

To Temetelihi hapa'a ya'ma bona'i silaga'i bati huto yabe lite lago kehelune. To mono kapogu mololago ai hapa'a huto hu'ehina'a hetofana ni'ibe. Nani ana huto hapa'a bati hulata nohina abu go'ohube. To ka'a ya'ma lamana'a lulata nohina'a akeheli'ahane.

1 Pita 4:9

Lenali kosele'i melepehenogo bonoho bona'i ya suhi hite kehelite enebe tigite nohatinigu enele'mo melenogo tite minalabe.

2 Timoti 3:15

Kai pana'i lagaso'a minoto guna molose mono bukugu lataha'agu leka solito buto mino'ahata ni'ibe. To ana kagauba kegekesa le'mo hokolo huloto Yesu Kilisito kumu keheli amuya malalane, luto Hu'mau kubuto bilina'amofihi kapogu kelepito kele'mo hetofa higo ka'a akeheli'ahane.

2 Timoti 2:21

To bona'i mone'amagi ya'ma sibi sabana li he'milete ya'ma enali komopa'ani gulu gulu lilinamagi lape'i lamana'a suhi huto lolo hilenogo nohi afo'afu Hu'mau lusa gito enele'mo ho tito fi hetofa hulenogo fato fato foya yamofihi li etalune'mu habe.

2 Timoti 1:5

Kilisitotoga keheli amuya mololatanamofihi legeya'a ya'ma kaitoga kehelito nominobe. To kakalikafugo Loisi to itokafugo Yunisi etali kohe tete keheli ule'ale neha'igo kai ana huto keheli ule'ale nohane luto nani hiti keheliya i'ohube.

1 Timoti 5:25

Ana suhi huto lamana'a bona'i luga'amagihi enehe'mose'na'ani to hetofa foya'ani hiti ahuto hulata nohibe. Mone'a suguna'i fala kito foya nolina mino lito buto ya'ma bu megalutamo ni'ibe. Aliha'a huto hu etalina'mu yabe. Yana'mu yata'a geba hutoka to enali hapa'ani keheli fe luloto yalo lataha'anilo kayahi moloto Hu'mamofihi lili'nalo enele'mo malalane.

1 Timoti 2:10

Mono kumu kehelite minalune lite lilana ana'i enali minete lite melete hilanamagi hetofa foya'a lite boana'i enehe'mete minete bati hilenogo ya'ma bati hilube'mu hibe.

Kolose 1:10

To yalo lenali asaga yupahi aitoga minete hetofana hite neminenogomo Sipi Boti ai lenofokehi lilina'mu yabe. Ya'ma le'ali loka noho'ibe. To lenali asaga yupahi Hu'mamofihi lagamo keheliba keheliba hite minete, to bona'i enehe'malata ya'ma hetofa lili'natini fato fato'i yamofihi legeya'a babu luto hilina ya hinogomo Hu'mamofihi hapa'a keheli bati hilete hetofana suhi hite minete ya hilabe luto loka noho'ibe.

Efeso 2:10

Lali Hu'mamofihi yahi fayaha'a nohutogo ai'a Yesu Kilisitotoga molo emutamofihi foya lilabe luto lele'mo huto hu'ehibe. To ana foyamo lite bona'magi enehe'mete minalabe luto koyapa'i lu kehelito molo leto'ehina yabe.

Aposolo 22:12

To bo mone mono'i mege'i malalata bomo, ai'a gi'a Ananiasi yabe ai kumu asaga Yuta bona'magi fokehi nelina bo ai anaga mino'ehina.

Aposolo 10:22

Ya ligo enali lu emi'ahana: Koniliasiu sipi gimi bouba loho lifigo o'ohune. Ai Hu'mamofitoga komopa'a emito nominago Yuta bona'magi koyone hine emina bo yabe. Kai kaga lu emitogo kehelilibe luto Hu'mamofihi agelo'a moneuba Koniliasihi nonuga bilane luto kehe igo noone.

Aposolo 9:39

Ya lite lana kaga keheliloto Pitau ho tiloto enemege'i moneka bi'ahana. Ai ana hepatoga henetilago nohi ifo hasagu le'mete ti'ahana. Ya hago asaga keto ana'magi yibi hilete Pitahi ete le'mo bego hilete Tokasiu nohuto lolo huto epi'ehina gukete li lepi'ahana.

Aposolo 6:3

Nigibo nagabose. Lenali nayahi mone kegi'a su hago mone kegi'ati loemo heleko melenogo lenali folagahatiniguti enele'mo ho tilo. Enalitoga Sikalafu'uba bai tago kaga keheli bati hi'ahago boana'magi enali kumuko nelilana bo yabe. Ya hilete ya'mana bo enele'mo melenogo ya'mana lili'na kaba hite lilabe.

1 Timoti 5:16

To keheli amuya moloto nohilina a'i mone'mofihi kogunaguti keto a'i mone nehilanamagihi ai enehe'moto komopa'a epito kaba hu epoloto minalibe. Ya nohinogo Hu'mamofihi naga'amagihi enugupisalo metilibe. Hu'mamofihi naga'amagi enali keto ana'i enali'anigo nehana'a yamagihi enehe'mete fi hele hi epalalabe.

1 Timoti 3:7

To fegutoga bona'i Hu'mamofihi ka mekeheli'ahanamagi enali ana bomofihi hapa'a kehelite hetofa bo nohibe lite lilata nehana yamofihi ai babafi lolo hilibe. Hena'mube? Hapa'a bati menohibe lite nekehelina bomo ai Satahi fi taga hu etolenogo kelefu'agu holenogo ai kumu fakupa ka linogo buya hu lalibe luto yabe.

1 Timoti 3:2

To babafi lolo hilina foipa meminenogo minoto a'i moneko'i li'ehilina bouba minalina'mu yabe. Ya suhi ma suhi hilutaya sibina hu lalube luto gufa'a kaba huto minalibe. Legeso huto besana kapogu minalina'mu yabe. Ana bouba bonoho bona'i elenogomo mehi epito enebe tigito enele'mo malalibe. Mono bukugu kaga lilata foya yamofihi fato bona'i lu enelepilina keheli bebe soto le'mo fotogo huto lilibe.

Matiu 25:17

To kaba bo'auba 2,000 kina emi'ehina bouba ana huto bisinisi mololoto aku'i 2,000 kina molo emito mone'a hiti efahi huto li'ehina.