1 Timoti 4:8 - Ka Lamana'a Monoꞌi Lu Mu Tifiꞌehina Ka Yabe

⁸ Lugufa le'mo babahi huse foya yamofihi lamana'a nesi'asi ni'inaya mono kaga'mu asaga'i komopati le'mo babahi hulatanamofihi yatai kana'alo alihi kana'alo Hu'mamofitogati amuya lemehi fi hetofa hu letalina ni'inaya yamofihi legeya'a lamana'a ni'ibe.

1 Timoti 4:8 Referans Kwoze

Matiu 6:33

Ya hu'ehinagi kai yata'a Hu'mamofihi kapo'alo li kubulo moloto mege'i meletogo ai gelo biloto asaga'na bati'a kimilina'mu yabe.

1 Timoti 6:6

Yogo fe'nohi lugufalo li ho kalune luto yanamofi kumu topa mehose amanapa huto minoto kehelito minenogoti mono ka lamana'auba lalitoga legeya'a heniloto minalibe.

1 Yoni 2:25

To ya'ma Kilisitou lele'mo lamana hilibe luto lu molo leto'ehinamo ya'ma minoba minoba babeyafalo minolata'namo ya'ma ni'ibe.

Hibulu 13:9

To fato fato'namofihi kosaba kaga nelite li lenelepinogomo kehelite kaba hu bati hilo. Ana kagauba lamana kapo i pebisa hete nebinogomo enemege'i memalalo. Hu'mau lenehe'mose'nauba komopatini le'mo hetofa hu lepelenogo ya'ma bebe salube'mu nohibe. Nose'na nolatanamofihi mo silatanamofihi lu laga hi'ahana ka yanauba mone lele'mo bati mehilina'mu yabe. Yamofihi kapo'alo bi'ahanamagihi legeya'a mone li huto mehi'ahanamo ni'ibe.

Huto Hilina Ka 3:21

Nani amuya moloto Satahi be ligilogo afo'nifu ya'ma ai'a sekele mamu'a hiti kefa hisa minolatana nohinalo minolata nohube. Luga'amagi enali monolugu amuya melete mine lite bite Satahi luba'a be ligilana'a ya'ma ana suhi hite nani'ni ya'ma elesa melenogo nani sekele mamu'a hiti kefa hisalo nohuna namaha'aga moneka minaluta'mu yabe.

Taitasi 3:8

Kaga ya'ma lamana'a lusiga luto ni'ibe. Ka'a ya'ma le'mo hofa toloto lu epilane luto nolube. Ya huletogo Hu'mamofi kumu keheli amuya nemalana bona'magi enali nasana lamana'a lilune lite nelinogo foya babu lite nelite lilabe. Nasana lamana'a ni'ibe lite ye hilenogo bona'i enele'mo bati hilinamo ni'ibe.

Huto Hilina Ka 3:12

Luga'amagi enali mono kagu ule'ale hite mine lite bite Satahi luba'a be ligilana'amagi ya'ma afo'nifu Hu'mamofihi sipi mono nopofihi lapusa'a ya suhi huto fi epelenogo'ni enali yagu ule'ale hite nehite aku'i fegutoga mone leke ho melimilune'mu habe. To enali enugupisalo Hu'mamofihi gi'amofihi fayaha'a to Hu'mamofihi ai tegi hepa'mofihi gi'a ana suhi huto enali enugupisalo fayahi kayalube'mu hube. Ya'ma Yelusale hepa'i kosaba'i ya'ma kokulumagu Hu'mamofitogati limilube'mu hibe. To nani nigi'ni hiti kosaba'i ya'ma enali enugupisalo kayalube'mu hube.

1 Koliti 8:8

Hu'mau ai nose'na nonotana to menonotana yamofihi kehelinogo sibina lolo mehilube'mu hibe. Seba'a nolata'na yamofihi kehelinogo sibina hilifihe? To menolata'na kehelinogo bati hilibe. Aitoga ya huto meni'ibe.

Romu 8:28

To lali mana akeheli'ohune, Hu'mau lu kehelise'namofihi bona'a enali kumu kehe igo bite aitoga komopa'ani emi'ahanamagihi ai asaga huto hilina kanagu hetofana hu epololata nohinagihe.

1 Koliti 3:22

Nani Poluita to Apolosi to Pita lali ya'ma lenali kumu yabe luto kaba he'mi letago nohune. To melugu nasana silaga'i to minolatanafi fililatana to yatai ni'ina nasana alihi huto hilina nasanamofihi silaga'i lenali nasana ni'ibe.

Matiu 19:29

To enali bona'i luga'amagi nani kumu lite enekesa yigilete noha'anifi enogona'anifi enetali'anigifi ito'anigi afo'anigihifi yagapana'anifi to foya'anifi he'milete nanitoga alanamagi enali anana'anilo babu lite lilana'mu yabe. To enali bati huto minoba minoba hepa'i lilana'mu yabe.

Matiu 12:32

To mone bouba Hu'mamofihi pana'amofihi kaga foipa lu etalinaya Hu'mau ana foipana'a li he'mi etalina'mu yabe. Ya hilinaya bo moneuba Sikalafu'mofihi kaga foipa'a lu etalinaya ana foipana'a Hu'mau li mehe'mi etalina'mu yabe. Yatai hiti aliha'a yupa hiti ana sunogo hilina'mu yabe, luto Yesu lu epi'ehina yabe.

1 Timoti 4:7

Koyapa bona'magi kilihe ka li mele'ahana ya kagaguti Hu'mamofihi kaga'a meni'ibe. Ya'ma kilihe kamofihi kemegesa hu emibo. Kai ya'ma monolugu buto keheli ule'ale huto minomo buto minalube luto komopaka le'mo amuya mololata Hu'mamofihi hapa'alo mege'i moloto minobo.

1 Timoti 6:3

Bona'i mone'amagi enali ka lamana'a keheli he'mite fato mono ka lilana to Sipi Boti Yesu Kilisito ai ka'a keheli he'mite mono kamofihi kapo'agu kagalo enemegesa hi emilana bona'i enali kumu ya'ma luto lilugi,

1 Timoti 6:5

Ya hilete ya'ma kehelite keheli sibi hite minelata nehana bona'i yamofihi enali komopa'ani enegekesa hekini lo'ehigo sibi nehite ka lamana'a he'mite mono kauba yogo fe'nohi li huto hilibe lite kehelilata nehabe.

2 Timoti 3:5

Ya hilete ya'ma mono'mofihi bu ganamofihi gufa'a lolo hilinaya aku'i lusi mono'mofihi amuya'a hiti ya'ma hapa'amofihi mekehelise analo enemegesa hi emilabe. Ya hilete minenogo enalitogati he'milotoka kemegesa hu epibo.

Luku 5:38

To yuhufa bai nagami'iya yuhufa sipisipi yaga gufa'a konugu limilina'mu yabe.