1 Timoti 4:7 - Ka Lamana'a Monoꞌi Lu Mu Tifiꞌehina Ka Yabe

⁷ Koyapa bona'magi kilihe ka li mele'ahana ya kagaguti Hu'mamofihi kaga'a meni'ibe. Ya'ma kilihe kamofihi kemegesa hu emibo. Kai ya'ma monolugu buto keheli ule'ale huto minomo buto minalube luto komopaka le'mo amuya mololata Hu'mamofihi hapa'alo mege'i moloto minobo.

1 Timoti 4:7 Referans Kwoze

1 Timoti 1:4

Moneuba kilihe kaga to enigiko enagako bona'magihi mineme bite mine'ahana kaga yamofihi hapa'a lilago ya'mu tila limila higo li muyalo li umalo ya hago ya'ma kaga'ani kenasabo bilata ka ni'ibe. Ya hago Hu'mamofi kumu keheli ule'ale hite kele kele'i hi etalana kapo'a ya'ma meni'ibe. Ya kaga he'milo luto lu epibo.

2 Timoti 2:16

To fato mono ka futu'a to hapa'a meni'ina ka'amofi kumu lite nelinogomo kenasabo bilete Hu'mamofihi kapoguti he'milina'mu yamofihi kemegesa hu emibo.

Taitasi 2:12

Ya higo ai lehe'molata nohinauba lemehati haya kolo'ehina lele'mo bebe solago ya'ma melugu fegutoga nasanalo libita hu'ehinana ya'ma he'mito ma melugu komopati lugufa kaba hu bati huto mino fotogo huto minoto mono bona'i lolo huto minalune'mu hune.

Taitasi 3:9

Laga mehina kaga lite li muyalo malo hite minelata nehana yamofihi he'milo. To enigiko enagako ema'aga bona'i tili tele hite minete lite ti'ahananamofihi ka'a to kenasabo bite minalana keya ka lu'ehina'mu luba sabo hilana yamofihi he'milo luto'ni bonakamagihi yana lu epibo. Yamofihi ana kaga futu'a nina, gusunupa'a meni'ibe. Ana kaga keheli he'mito kemegesa hu emibo.

Hibulu 5:14

Nose'na amuya melete yamofihi olopa bona'magi enali nasana ni'ibe. Enegekesa komopa'ani hokolo higo foipanamofihi bati'namofihi hapa'a keheli bebe sete nehana enali nasana ya ni'ibe.

2 Timoti 2:23

Ule'ale ka lite meluguti kifite nelana ka to negi nagi ka fa'mene kaga yamofihi kemegesa hu emibo. Yanamofihi legeya'a ya'ma lubana kenasabo bise'na ni'ina keheli'ahane.

2 Timoti 4:4

Enali i behe hite, lusi mono kamofihi legeya'a ya'ma enemegesa hu emilete gusunupa'a meni'ina kilihe'i kagalo bite i hepilabe.

1 Timoti 6:11

Timotio, Hu'mamofihi foyalo pana'ase. Kai ana'ina laga mehina'a kemegesa hu emibo. Ya nohuto ya'ma mino lamana huto bati huto minoto lito huse'namofihi mono ka'a hiti minolatana, keheli ule'ale hulatana, komopaka epilata nasana, kalana'i mele ketalana nasana huto nohinogo amanapa huto minose'na enele'mo baba ise'na ya'ma molo emito minalube luto amuya malalatagihe.

Aposolo 24:16

Ya'mu luto asaga yupahi Hu'mamofihi bulofi to boana'magi enubulofi foipana mone li huto hu lalugi luto komopa'ni bati suhi huto minalube'mu keheli amuya moloto minolata nohuna.

1 Timoti 6:20

Oho, Timotio. Ya'ma amuya nasana Hu'mau ya'ma kimi'ehina'a kaba hu bati huto lito minobo. To fa'mene kaga futu'a ya'ma bona'i luga'amagi lite nehite lali mono ka pelesa ilete ma lite lilata nehabe. Ananamofihi hapa'a akeheli su ho'ohune lite faga hiti enegekesa keheli sibina hilata nehabe. Ya'ma enali kagamofihi li he'mi'ohubo.

Taitasi 1:14

to Yuta bona'magihi kilihe ka fa'mene ka ya'ma mekehelilo luto lu epilo. To fa'mene bona'magihi ka'ani lamana'amofihi enemegesa hu emilete fa'mene kaga lu laga hi'ahanamofihi mekehelilo luto lu epibo.

2 Timoti 3:12

To bona'i Yesu Kilisito aitoga bite i hepite mono kapolo bilana ya'ma enali asagatoga kalana'i melelata nasana enali enugupisalo tilube'mu hibe.

1 Timoti 3:16

Lali mono'mofihi suguna ka fala kito mino'ehina yamofihi legeya'a Yesuhi hapa'amu lite lu huto hilata nehana yamofihi koli'a hiti nasana ni'ibe. Kilisito kumu ma luto nokehelune. Ai ya'ma lali lugufa lolo huto li huto hu'ehina. To Sikalafu'uba ai hapa'a li huto higo fu ligo mino'ehina keheli'ohune. To agelo bona'magi ai'i be ge'ahana. To noto noto bona'i folagaha'anigu ai'a ka'a lu yege hago enali keheli su he'ahanamo ni'ibe. Melugu bona'magi ai kumu kehelite amuya mele'ahana. To kokulumamofihi fana meha'alo Hu'mau le'moto ti'ehina yabe.

1 Timoti 2:10

Mono kumu kehelite minalune lite lilana ana'i enali minete lite melete hilanamagi hetofa foya'a lite boana'i enehe'mete minete bati hilenogo ya'ma bati hilube'mu hibe.

1 Timoti 1:9

Le'ali ya'ma keheli'ohu'ibe. Keheli'ohu'ibe luto lu'ohunaya to ya'ma keya ka foipana mehise bebe sete neminana bona kumu huto hu'ehina meni'ibe luto nolune. Ka keheli he'mite nehana bona'i, to kegeiyo hilata nehana, to Hu'mamofitoga agoya hu meemise nehana, foipana hilata nehana, mono kamofihi kapo'a mebilata nehana, mono'i laga mehina bona'i, ito'anigihi afo'anigihi to fato bona'i enoho fililata nehana bona'i,

1 Timoti 4:8

Lugufa le'mo babahi huse foya yamofihi lamana'a nesi'asi ni'inaya mono kaga'mu asaga'i komopati le'mo babahi hulatanamofihi yatai kana'alo alihi kana'alo Hu'mamofitogati amuya lemehi fi hetofa hu letalina ni'inaya yamofihi legeya'a lamana'a ni'ibe.

1 Timoti 6:3

Bona'i mone'amagi enali ka lamana'a keheli he'mite fato mono ka lilana to Sipi Boti Yesu Kilisito ai ka'a keheli he'mite mono kamofihi kapo'agu kagalo enemegesa hi emilana bona'i enali kumu ya'ma luto lilugi,

1 Timoti 6:5

Ya hilete ya'ma kehelite keheli sibi hite minelata nehana bona'i yamofihi enali komopa'ani enegekesa hekini lo'ehigo sibi nehite ka lamana'a he'mite mono kauba yogo fe'nohi li huto hilibe lite kehelilata nehabe.

2 Timoti 3:5

Ya hilete ya'ma mono'mofihi bu ganamofihi gufa'a lolo hilinaya aku'i lusi mono'mofihi amuya'a hiti ya'ma hapa'amofihi mekehelise analo enemegesa hi emilabe. Ya hilete minenogo enalitogati he'milotoka kemegesa hu epibo.