1 Timoti 4:15 - Ka Lamana'a Monoꞌi Lu Mu Tifiꞌehina Ka Yabe

¹⁵ Asaga bona'magitoga mono ka luto moloto hu'ahata napa humo nobina yamofihi bu genogo laga epesilibe luto nani lu nokumuna kaga ya'ma komopakagu molo hetofa huto lito minalane.

1 Timoti 4:15 Referans Kwoze

Matiu 5:16

Ya huto ninagi lenali libitini ligite boana'i enali enubulo binogo lenali hetofa hapatini bu gelete to enali ana hite Sipi Bo Hu'matinifu kokuluma hepatoga nohinamofihi enegelo bite gi'a liyafa hilabe.

Aposolo 6:4

Ya hinogo laliti nunumu huse'na hiti to boana'i kaga lu yege hose'namofihi lili'na'asigo li eto huto lito bilune.

Taitasi 2:14

Ai ya'ma lali kumu yabe luto keke'i lu letoto foipana lito mino'ohuta yanaguti li he'mi letalibe luto minoto lito gulu gulu nehana bona'i lolo hilune luto ai'a yagapana'ago lele'mo eto hulenogo minoto hetofa hatofa nasanaloga mege'i amuya moloto minalune, luto keke'i lu letoto gufa'a he'mito fili'ehina yabe.

1 Timoti 4:6

Keheli amuya mololata nohuta kaga'a to mono kaga lamana'a ya'mu luto buto i hepi'ohuta yanauba komopakamofihi legeya'a lolo huto ni'inogo kai ya'ma Yesuhu naga'a minanamagihi ya'ma lu nokumuna kaga lu epilane. Ya'ma lu epito enele'mo lamana hilata ya'ma Yesu Kilisitohi hetofa lili'nalo bona'a minalane.

2 Koliti 8:5

Ya nehite ana'ina nesi'a lolo hilune'mu nelafihe, luto nokehelugo ya hi'ahana yabe. Yata'a ya'ma Sipi Bomofitoga komopa'ani keheli emilete Hu'mau lilina malalina'a hilune lite lilete lalitoga hiti komopa'ani limilete mine'ahana.

1 Koliti 16:15

To nalalu'nigitabe, mone lu lepilugi kehelilo. Lenali Setefanasi to lalameha'a enali kumu ya'ma lite keheli'ahabe: Enali Akaiya hepatogati kohe tete Hu'mamofihi ka kehelilete komopa'ani li gelehe hite Kilisitotoga keheli emi'ahana. To Hu'mamofihi bona'a enalitoga kele kele foya minalune lite lilete lilata nehabe.

2 Koliti 4:14

Ya nohutoti ma luto kehelilata nohune. Hu'mau Sipi Bo Yesuhi fili'ehinagati le'mo ho ti'ehina ai suhi huto lali hiti ana huto lele'mo ho tiloto lenali hiti Yesu ai nohinalo lele'mo malalube'mu hibe.

1 Timoti 4:14

Kohe toto ya'ma ka lu huto huto bona'i kaga'ani kai kumu li'ahanalo ya'ma mono olopa bona'i luga'a enali enayahi latahakalo melete lusa negi ketago hetofa Sikalafu'uba mono'mofihi amuya'a fi hele hu keto'ehinamofihi lamana'a sibi hu laligi mino hetofa huto kaba huto minobo.

1 Timoti 4:16

Kaika hapaka kaba huto to mono ka lu epilata kaga amuya'a hiti kaba huto kaga nokumuna amuya moloto lito minalane. Ya hilata ya'ma kai kaka kehelilata nehana bona'i to kaika hiti mino bati hinogo Hu'mau lenubuto bilibe.