1 Timoti 4:10 - Ka Lamana'a Monoꞌi Lu Mu Tifiꞌehina Ka Yabe

¹⁰ Ya hu'ehina'mu Hu'ma amuya bo ai kumu fifa ilata nohuta'mu yabe luto eniginaga fise foya lugupisalo tilago foya keta'a hiti lilata nohune. Hu'mau ai'a asaga noto noto bona'i enubuto bilata bo nohinaya enalitogati keheli amuya nomoloto'a lamana ka lubuto bilata nohibe.

1 Timoti 4:10 Referans Kwoze

1 Timoti 2:4

Ai ya'ma bona'i asagatoga enubuto bilube luto to ya'ma hetofa ka'a lilabe luto kehelilata nohibe.

1 Yoni 2:2

Kilisitou ai'a ya'ma foipanati'mu Hu'mamofihi le'mo fulu hulata bo nohibe. To ya'ma lali foipanatigo ya hu letalata meni'ibe. Noto noto bona'i silaga kumu yabe luto foipana'ani li he'mi epololata bo nohibe.

1 Timoti 2:6

Ai'a ya'ma lali bona'i asaga'i foipanati'mu pa salube luto filito gufa'aloti lalimo mina fito lele'mo'ehina yabe. Hu'mau molo'ehina kana huto higo ai ya huto fili'ehina yabe. To hena'mube? Hu'mau yege yege bona'i enubuto bilina ipagu nohina'a kehelilune luto yabe.

Yoni 1:29

Eteka'a Yesu Yoni nohinalo ago bu goloto ma luto lu epi'ehina: Malo Hu'mamofihi sipisipi yaga nala'a nohibe. Ai asaga noto noto bona'magi foipana'ani li he'mi noepololata nohibe.

1 Yoni 4:14

Afotifu ya'ma pana'a lali noto noto bona'i lubuto bilibe luto ho lifigo limi'ehina. To lali lubu legeya'aloti bu go'ohutamo ni'inaya ka'a ya'ma luto lu huto hulata nohune.

Yoni 4:42

Ya hilete ana a'mofihi ma lite lu emi'ahana: Yatai lali keheli amuya molone. Kai lu limita kaga ni'igopa laliti baga'aguti akeheli etone. To ai lusiga ma'naka luto asaga melugu boana'i oto enele'mo enubuto bilibe li'ahana bomo nohibe lite li'ahana yabe.

Yoni 5:24

Nani ma'naka lu nolepube, kene'i moneuba nani ka'ni kehelito li pili koto'a to noho lifi'ehina bomofitoga komopa'a malalina yanauba mino bati huto minoba minoba huse'na ya'ma li'ehibe. To ai ka foya melilina filise'namofihi be ligito aku'i mino kosaba huse'i ali su hoto nominabe.

Hibulu 13:13

Ya hu'ehina'mu lali ana huto Yuta bona'magihi koyapa'i mono gegisaguti nosipetoga aitoga limite gupisalo gili hite kiya hi'ahana nasana ana suhi huto lugupisalo tinogo kofilune.

1 Pita 1:21

Ya huto higo lenali ai kumu kehelite Hu'mamofitoga agoya hu emite neminabe. Hu'mau Kilisitohi fili'ehinaguti le'mo ho tito sekele mamu'a emito molo eto'ehina yabe. To ya higo lenali ananamomu'i kehelite amuya melete aitoga agoya hu emilata to fifa ilata nehana ni'ibe.

Hibulu 11:26

Ya huloto Iyipi metogati mone fe'no hiti mina'a sipi ana'ina ya'ma lilina kanamofihi keheligo fa'menena lolo nohigo Hu'mau gulu ho letalibe luto lu molo eto'ehina bo, Mesia kumu yabe lite eniginaga fina'a gupisalo minalube luto yamofihi keheli ule'ale huto legeya'a lolo hu'ehina. Yamofihi minomo tito mina'a huto hilina'a lilube luto ana kaga'mu kehelito li pili koto ya suhi hu'ehina.

1 Timoti 6:17

Kai bona'i mone'amagi ma metoga nasana yogo fe'nohi babu luto silaga'i li nupa nupa nehana ya luto lu moloto lu epibo. Enugufa'ani lelite tite enemeha'ani sipalo memalalabe. Guna melelata nasana'mu kehelinogo lamana'a lolo mehino. Ya nasanaga bite i mekeleno. Hu'mau ai'a ya'ma lenumu hinogo nete melete laga'amu kehelilabe luto fitu fo limilata nohina bo aitoga ya'ma buto i ke'malune, luto lu epibo.

Matiu 27:43

Ai Hu'mamofihi komopa'a emito ai pana'a nohube lulata hu'ehina ai Hu'mau yatai abuto bino.

Matiu 16:16

Ya ligo Simoni Pitau ka'alo nona'a lu'ehina: Kai Hu'ma nominanamofihi pana'a le'mo ho ti'ehina bo Mesia nohane.

1 Koliti 15:10

Nani aposolo lolo huto nani hapa'ni fato fato huto ni'ina yamofihi Hu'ma komopa'a hokolo hina bouba lu netago lolo hu'ohube. To ai komopa'a bati hina bouba aposolo lili'nalo nele'mo malago fa'mene lolo mehube. Nani foya li'ohuna yamofihi aposolo luga'a enebe ligito li'ohuna yabe. To nani hena'niloti lutine? Hu'ma komopa'a bati hinauba nanitoga minago li'ohube.

2 Koliti 1:10

To ai'a ya'ma filise'namu lubuto bi'ehina ya hulago yanauba minoto aku'i haka ho molo letalube'mu hibe. Ya'ma hu letoba letoba huto ya'ma ka'a keheliya ito nohuto aitoga lifita'i molo'ohune.

1 Timoti 2:3

Ya hilana nasanauba bati hilube'mu hibe. To lubuto bilata Bo, Hu'mau ai ya nehana'mu keheligo bati nohibe.