1 Timoti 3:8 - Ka Lamana'a Monoꞌi Lu Mu Tifiꞌehina Ka Yabe

⁸ Mono lili'nalo bomagi enali ana suko hite fulunagu minete hetofa foya lilata nehabe. Enali enabagaguti ka foipa'amofihi ibe laga hibe hite le'mo sibi sibi mehise ka lamana'a lite minalabe. Bai nagami'i neba neba mehise nehana. To efaha fe'no lilatana'mu komopa'ani emite enegekesa yigi yigi mehilana'mu yabe.

1 Timoti 3:8 Referans Kwoze

Filipai 1:1

Nani Poluita to Timoti hiti moneka nohutoti'a Yesu Kilisitohi lili'na bona'a nohu'ibe. Lenali hepatoga bona'i Yesu Kilisitohi keheli emite mine'ahana bona'ise. Nehafihe? To Hu'mamofihi yagapana'i lolo hi'ahana bona'i to mono kaba bona'i to babafi bona'i lenalise. Nani fayahi ya'ma koyo nolepube.

Taitasi 2:3

Anago higo olopa ana'i lu epiletogo enali mono ana'i lolo hite, hapa'ani bati hinogo minalabe. Bai nagami'i nalanamofitoga agoya hu meemilabe. To fato bona'mofihi nasana'mu mege ka lite li muyalo malo mehise asaga hetofana'mu lu enelepite ana'ina lamana'amuko fi lehe tete lu epinogo yuhufa ana'magi enali'ani baha'animagihi yagapana'animagihi komopa'ani enalitoga melete kaba hu bati hite hi epalalabe.

1 Timoti 5:23

To kaika ya'ma kipagu filata to kebesilata nohina'mu ya'ma nagamiko menose bai nagami'i hiti nesi'a hekito noletogo kipagu bati hilina'mu yabe. Ya'ma kaika'mu ya nolube.

1 Timoti 3:3

Amuya nagami'i silaga'i noloto negi nalina bo meminalibe. To negi nagami'i noloto lu baga luto luba li huto mehilibe. Ai legeso huto minoto le'mo baba ito to efaha foyalo komopa'a memalalibe.

Yemesi 3:10

Ana kenetufati monekotu enofokehi lilata nohune. To li gelehe huto huli ka lu epololata nohune. Nalalu'nigita, ya'ma laga mehina suhi ni'ibe.

Taitasi 1:7

To Hu'mamofihi foya'alo kaba huto nominalina bo ai foipana'a meminenogo minalibe. Ya huloto minoto hipu hapu meilina to mele'isi enipakafa mehalina, to bai nagami'i babu luto menalina, luba mehilina, to yogo fe'no kumu ekesa yigi yigi huto muhi muhi bilina bo meminalibe.

1 Timoti 3:12

Mono lili'nalo bona'i enali ana'i moneko li'ehilana bo minalabe. To enali liha'ani hiti yagapana'ani hiti bati hite kaba hi epelelata hinogo minalabe.

1 Pita 5:2

Hu'mamofihi naga'i enali sipisipi yagamagihi suhi hite nehanamagihi lenali kaba hi epalalabe luto lu lepi'ehinagi ana lili'nalo babahi hite minalo. Komopatinigu bati mehinogo kaba bati hite hi epalalana'a meni'ibe. Hu'mau lu moloto lepi'ehina suhi hite komopatinigu keta mehuse bati hinogo kaba hi epalalo. Ya nehinogo moni fe'nohi lilata nehana ya'mu gopa lili'na'a yamofihi lenuluhaya netinogo ete minete lite hilabe.

Romu 3:13

Enali kene keliguti hokolo hu'ehinaguti tu nobina suhi huto kaga'ani ni'ibe. Kenetufa'ani i gelehe hite faga ilata nehabe. Kaga'ani osifa'mofihi nalisa'a suhi huto, enabaga kosaloti lilata nehabe.

1 Timoti 3:2

To babafi lolo hilina foipa meminenogo minoto a'i moneko'i li'ehilina bouba minalina'mu yabe. Ya suhi ma suhi hilutaya sibina hu lalube luto gufa'a kaba huto minalibe. Legeso huto besana kapogu minalina'mu yabe. Ana bouba bonoho bona'i elenogomo mehi epito enebe tigito enele'mo malalibe. Mono bukugu kaga lilata foya yamofihi fato bona'i lu enelepilina keheli bebe soto le'mo fotogo huto lilibe.