1 Timoti 3:16 - Ka Lamana'a Monoꞌi Lu Mu Tifiꞌehina Ka Yabe

¹⁶ Lali mono'mofihi suguna ka fala kito mino'ehina yamofihi legeya'a Yesuhi hapa'amu lite lu huto hilata nehana yamofihi koli'a hiti nasana ni'ibe. Kilisito kumu ma luto nokehelune. Ai ya'ma lali lugufa lolo huto li huto hu'ehina. To Sikalafu'uba ai hapa'a li huto higo fu ligo mino'ehina keheli'ohune. To agelo bona'magi ai'i be ge'ahana. To noto noto bona'i folagaha'anigu ai'a ka'a lu yege hago enali keheli su he'ahanamo ni'ibe. Melugu bona'magi ai kumu kehelite amuya mele'ahana. To kokulumamofihi fana meha'alo Hu'mau le'moto ti'ehina yabe.

1 Timoti 3:16 Referans Kwoze

Yoni 1:14

Kagauba ai bo huto huloto lali folagahatigu mino'ehina. Lali ai fana meha'a abu go'ohune. Ai ya'ma moneko pana'mofihi fana meha'a afotifu ho lifigo o'ehina aitoga fuluna'a hiti ka lamana'a hiti bai toto mino'ehibe. Ai fana meha'aya pana'a yege'a aigo afo'afitogati li'ehina.

Hibulu 1:3

Hu'mamofihi fana meha'amofihi sekele mamu'a hiti fuluna'a aitoga fi besa lo'ehinamo ni'ibe. To Hu'mau minoto lito hu'ehinamofihi legege hu'ehinamofihi aitoga ni'ina yanamofihi amuya'alo molo kehelito lulata nohina kaga'a yauba melugu kokulumagu ana'ina silaga'i le'mo hetofa hulata nohibe. Ai'a ya'ma foipanati nokala hu letolata nohina foya'a li su hoto ifoga gihiti bo amuya'a hiti enebe ligi'ehina bo Hu'ma ai nohinalo lamaga'aga buto mino moloto mino'ehina yabe.

Maki 16:19

To Sipi Bo Yesu ai ana kaga lu epi su holoto'a yalo kokulumalugu tito folofa hu'ehibe. Anaga tito Hu'mamofihi yahi lamaga'aga mino moloto mino'ehina yabe.

Romu 16:25

Lali Hu'mamofihi gi'a liyafa hilune luto nolube. Ai kehelise'natini le'mo amuya hinogo lenali loe lae mehise aitoga ule'ale hite minalabe. Yesu Kilisito kumu ka lamana'a nani lepi'ohunana ya ni'ibe. To ana huto Hu'mau koyapa kanagu suguna ka mone emasana fala ki'ehinamofihi yatai Sipi Botiuba hepa'i kugumato li huto hu'ehina ka ya'ma lu hokolo hu lepolo'ehina yabe.

Luku 24:4

Ya hu'ehigo enali enekesa yigi fato fato hilete negi nagi nete nehago bo loemo ana lebato ho ti'aha'ina to etali gukete'atitiuba fi besa lo baga i'ehina yabe.

Kolose 1:23

To lenali yatai amuya melete Yesutoga minete komopatini emite minete ka lamana'amofihi yata'a keheli ule'ale hi'ahana kamu'i li pili kete ya'ma legeya'a huto hilinamofihi geba hite kehelise'natini mopo mopo mehilata nohigo ya hite minalo. Ya'ma nani Poluita, ka lamana'a nasanamofihi kele kele bo nohuna, asaga bona'i melugu neminanamofihi ya'ma nani ka lu yege holata nohunamofihi, ya'ma kehelilo.

1 Yoni 1:2

Minoba minoba huse'namofihi legeya'a huto hu lamana hulago lali bu goloto minoba minoba huto mino lito buto minose'namofihi ka'a ya'ma lu huto huto lu lepilata nohune. Minoba minoba huto mino lito buto minolatana ya'ma miyagu afotifitoga mino lito buto minoto aliha'a lalitoga huto hu'ehina.

1 Pita 3:22

To ai kokulumalugu tito Hu'mamofihi yahi lamaga'aga mino moloto nohibe. Yaga nohigo agelomagi mine'ahana'a hiti to kokulumalugu enigihiti bo mine'ahanaya amuya'a hiti mine'ahanaya Yesu enebe ligito kaba hu epoloto nominabe.

1 Pita 1:12

Ana ka lu huto huse bona'magi enali ma lite keheli'ahana. Ya'ma sa sa hite keheli'ahana kaga enali'ani kanagu huto hilina meni'igo lenali kanagu huto hilina ni'ibe luto Hu'mau lu hokolo hu epolo'ehina. To enali lu yege he'ahana kaga lenali yatai kanagu nekehelibe. Ya'ma Hu'mau ho lifi'ehina Sikalafu'uba kokulumaluguti limito enele'mo amuya mololago enali ka lamana'a lenalitoga lite bi'ahana bona'magi Kilisito kumu lu lepi'ahana ka ni'ibe. To ana kaga agelomagi ana hite kehelilune lite sa sa hilune'mu nehabe. Ana kaga lenalitoga huto hu'ehina ni'inagihe.

Kolose 2:2

To ana lili'na henabe luto nolube? Enali ai he'menogo ai he'menogo hite koguna ite nehite ai ginaga fi eminogo ai ginaga fi eminogo minalabe luto foya nolube. Ana huto enali Hu'mamofihi komopa'a keheli fe lite loe lae mehise minalabe luto to Hu'mamofihi suguna ka l'emo huto hu'ehinana'a hapa'a kehelilabe luto foya nolube. To ana suguna ka hapa'a henana ni'ibe? Yesu Kilisito bo yabe.

Kolose 1:6

Ana ka lamana'auba lenali keheli'ahana kagauba buto asaga melugu bonatoga nehetito i futili huto enele'mo bati nohina yabe. Ana kaga hapa'a ma ni'ina. Hu'mau foipa bona'magihi enele'mo bati hulata bo nohibe. Lenali yata'a kehelite komopatini i gelehe hi'ahana supo hite fato fato bona'magi yatai ana hite hetofa kaga'a kehelite neminago Hu'mau lusa gi epololata nohibe.

Luku 22:43

To agelo bo mone aitoga nehetiloto le'mo amuya molo'ehina.

Matiu 3:16

Yesu nagami'i afolo etolago mele'isi fa'mene kugutatoga ti molo'ehina. Ya nohigo analo kokuluma'i hokolo nohigo anaguti Hu'mamofihi Sikalafu'a limi'ehina, ai kigopa nama legitana lolo huto oto Yesuhi lataha'alo fi besa lo'ehina yabe.

1 Yoni 3:5

To lenali Kilisitohi hapa'a ya'ma kehelilata nehabe. Ai foipa nasana ligoli hulata hilube luto huto hu'ehina ni'ibe. Ya nohuto aitoga ya'ma foipana'a meni'ibe.

Hibulu 12:2

Ya nohutoti keheli ule'ale huse'nati'mu lele'mo kohe tolatana to yanamofihi legeya'a li huto hulata bo, Yesu ya'ma babeyafa'amofihi suhi huto minoto aigo'isi bu go bati huloto hololu luto buto minalune. Ai gelo bise'na ya'ma o nehetibe luto lu'ohunamo yamofihi keheliloto li pigi bise'na fela'amofihi gupisalo ti'ehina'mu keheligo fa'menena lolo higo malipu yafalo sipi keke'i lu'ehina. Ya huloto Hu'mau nohina sekele mamu'a hiti kefa hisalo yahi lamaga'aga tito mino'ehina yabe.

1 Timoti 3:9

Enali komopa'anigu gulu gulu linogo Hu'mamofihi ka lamana'a lu hokolo hu'ehina ka'a keheli amuya melete yamofihi li pili kete minalabe.

Yoni 20:12

Ana muligu Yesuhi gufa'a mele'ahana hepato agelo moneuba Yesuhi lataha'a ko'ehinalo minago to agelo moneuba gigusa'a mino'ehinalo anaga minabe.

Matiu 1:23

Yafana'uba yagapana hiti huloto pana'i ketoto gi'a Emanueli luto malalina'mu yabe. Ya'mana gi'amofihi hapa'aya ma luto ni'ibe: Hu'ma lali hiti nominabe.

Huto Hilina Ka 7:9

Ya hulago nubu egolago buto mana bu go'ohuna: Noto noto bona'i luga'amagihi babeyafa'a fato fato enugufa hiti to fato fato naga'i hiti to kaga'ani fato fato'i to naga'i babu lite ya'ma bo moneuba leka so su mehose suhi enali sekele mamu'a hiti kefa hisamofihi gobisalo to sipisipi nala'a ai maha'aga ho tite nehago bu enogo'ohuna. Enali ya'ma koholi kata li hekelete lose lose'na fekilite enayanugu ya'ma lose lose'na hekele ite lila lila hite mine'ahana.

1 Pita 1:20

To koyapa'i kokuluma'i me'i huto mehina kanagu Hu'mau le'mo ho tito ho lifigo limito bona'magihi foipana'ani'mu fili'ehina. Yanauba aliha'a kanagu su halube'mu nohinogo lenali kumu yabe luto ligo huto hu'ehina yabe.

Hibulu 7:7

To mineme tite nehana'a enali limite mine'ahanamagihi lusa gi epelelata nehana'mu yamofihi enebe ligi'ahana.

Efeso 6:19

Ya nehite nani kumu ya'ma nelesa melinogo Hu'mamo nabaga'ni le'mo babahi hulenogo hetofa ka lamana'a suguna'i ni'ina yamofihi nabaga li gelehe hinogo babahi hulenogo lu huto hilibe lite lenali Hu'mamofitoga lilo.

Efeso 1:9

To ai'a keheliya ito ya'mamofihi legekesa lu hokolo hu leto'ehina to ya huto ai'a suguna huto molo'ehina ka alihi Kilisitou le'mo huto hilina'a komopa'aguti ma luto lu hokolo hu leto'ehina.

Galesia 4:4

Ya hulago aliha'a ya'ma kana'a molo'ehina ya'ma su nohago Hu'mau pana'a ho lifigo limito melugu o'ehina yabe. Ana pana'mofihi ito'afu melugu a'i yabe. To ana pana'uba huto huloto ai Mosehi keya kamofihi agoya hu etoto mino'ehina.

1 Koliti 15:47

Kohe toto melugu bo Atau ai ya'ma metoti lolo hu'ehina, ya hu'ehina'mu luto melugu bo mino'ehina. Alihi Ata tegi bo Yesu ai ya'ma kokulumaguti bo limito mino'ehina.

1 Koliti 2:7

O'e, nani keheli bati huto lulata nohuna'a Hu'mau koyapa'i komopa'agu suguna huto keheli molo'ehina yamofihi lu huto hulata nohube. Keheli molo'ehina ka'a ya'ma bona'magita lali Hu'mamofihi fana meha'agu minalune luto koyapa'i ana'ina li huto mehina yupahi Hu'mau le'mo keta mehuse huto molo leto'ehina.

Romu 10:18

To nani mone koloka halube. Ya'ma Yuta bona'magi Hu'mamofihi ka'a keheli'ahana meni'ifihe? O'e, enali akeheli'ahana yabe. Mono bukugu ma fayahi ge'ahana: Lu yege hose bona'mofihi nogo'ani asaga melugu hepatoga bula ola higo, boana'magi keheli'ahana. To ya'ma mono kaga'ani biba biba nohigo, silaga kapoluga boana'magi keheli'ahana yabe.

Aposolo 20:28

To lenali Hetofa Sikalafu'uba kaba bona'i minalabe luto lenele'mo ho ti'ehina bona'i, lenali Hu'mamofihi naga'i kaba hi epalalo. Ai'a golaha'aloti mina fi'ehina bona'i to sipisipi kaba bo suhi huto kaba hi epalalo.

Galesia 2:8

Pitau ai Hu'mamofihi amuyalo ya'ma Yuta bona'magihi aposolo lolo hu'ehina. Ana suko huto nani ya'ma Hu'mamofihi amuyalo fegutoga bona'magihi aposolo lolo hu'ohuna.

Romu 9:5

To koyapa'i enali Hu'mamofitoga komopa'ani mele'ahana tatatigihi naga'aniguti huto hi'ahabe. To Kilisito ai gufa'a hiti bo nohibe luto ana huto Yuta bona'i naga'aniguti huto hu'ehina yabe. Ya hu'ehinagi lali Hu'mau asaga kaba hu'ehina botimo liyafa huba huba nohunagihe. Ma'naka yabe.

Aposolo 10:34

Pitau hapi fito kaga lu'ehina: Yatai keheli fotogo nohuto ma'naka luto Hu'mau bona'i moneko legege hite nehabe luto kehelilata nohibe.

Romu 8:3

Bona'magihi komopa'ani amuya memolo'ehinagi keya kauba lehe'mo'ehina bati mehu'ehibe. Hu'mau aigo lehe'mo'ehina. Yata'a ai bona'i foipa hapa'animu ka epekito enifisa i'ehina. Ya huto ai'a pana'a melugu ho lifigo bona'i enugufa amuya memolo'ehina suhi lolo huto minoto lali foipanatimofihi nona'a li pa salibe luto fili'ehina yabe.

Aposolo 14:27

Etali Atioki hepalugu nehetilete Yesutoga komopa'ani melete neminana bona'i kehe i nupa hilete Hu'mau etali'i kaba hu etoto'ehina hiti to fegutoga bona'magi kapo'ani li hokolo higo enali hiti ana hite aitoga komopa'ani mele'ahanamofihi kaga'a lu epi'aha'ina yabe.

Yoni 16:28

Nani Afo'nifihi he'mi etoto metoga limi'ohuna. To ya'ma hepa'i he'mito Afo'nifitoga tilube'mu hube.

Yoni 13:3

Yesu afo'afu asaga kaba huse'na emi'ehina kehelito to Hu'mamofitogati limito o'ehina hiti to i behe huto Hu'mamofitoga aku'i bilina ya'mana akeheli'ehibe.

Luku 24:51

Ai lusa'a gi epoloto nohigo Hu'mau fulu fulu huto kokulumalugu le'mo saga hu'ehina yabe.

Huto Hilina Ka 17:7

Ya nohugo agelouba ma luto noloka ho'ehina: Henana'mu kabaga aka huto topa nohane? Nani a'mofihi hapa'a to akafu yagakafa he'mu ki'ehina yamofihi hapa'a to suguna kamofihi hapa'a ya'ma akafu nasanamofihi lataha'a 7 to komu'a 10 yamofihi hapa'a yata'isi ya'ma lu huto huto lu kimilugi kehelibo.

Huto Hilina Ka 17:5

Gobisalo ya'ma suguna gi'a ma lite fayahi keye malago mino'ehina: Bebiloni hepa'i napa'a ya'ma noto noto moko lise'namofihi to foipa hapa'amofihi ito'afihi nani ya'ma nohube luto ligo keye'ahana.

Hibulu 8:1

Ka noluna yamofihi legeya'a ma luto ni'ibe. Lali'i mamufa gilata bo sipi bo ai ifoga kokulumagu Hu'mamofihi koli'a hiti kefa hisalo maha'aluga yahi lamaga'aga mino moloto nohibe.

2 Tesalonika 2:7

Yatai kanagu foipana lilata nehanamofipo suguna foya lilata nohinamo ni'igi Hu'mamofihi Sikalafu'uba kapo'a fi hekini lolata nohinamofihi kana su holenogo ai le'mo gulu hago ya'ma sipi foipa bo huto hilibe. To ya'ma kanagu foipana gofana huto hilina'mu yabe.

2 Tesalonika 1:10

To ana yupapoya Yesuhi bona'amagi asaga'i yege'a fite enegelo bite fokeha'a lilana'mu yabe. To aitoga keheli emi'ahana bona'i asaga'i gi'a liyafa hite minalana'mu yabe. Lenali ya'ma kaga'a lu lepugo kehelite aitoga agoya hu emi'ahana ni'inagihe. Ya'mu lenali Hu'mamofihi bona'i hiti minalana'mu ni'ibe.

Aposolo 1:19

Alihi asaga bona'i Yelusale minanamagi ya'mana kaga keheli'ahana yabe. To enali kaga'aniguti ya'mana hepa'i gi'a Akelatama yabe li'ahana. Ya'mana kagaguti gi'a he'ahanamofihi hapa'a golaha me'i yabe luto ni'ibe.

Yoni 17:5

Ke, Afo'niga, me'i huto mehu'ehigo kai hiti kokuluma fana meha'ni hiti mino'ohuna, ana suhi huto yatai kubulo nohugo aku'i fana mehaka nimitogo lito minalube luto nolube.

Yoni 15:26

Afo'nifu lolo huto fi hetofa hu lepalalina kamofihi lataha'a Sikalafu'uba ya'ma Afo'nifitoga nohibe. Ai'i ho lufugo Afo'nifitogati limito hapa'ni lu huto hilube'mu hibe.

Yoni 6:62

Kokulumaguti limi'ehina Bouba koyapa'i mino'ehina hepatoga aku'i tilina ya hena huto ni'ibe?

Luku 2:32

Ai libi'mo moneuba fegutoga bonatoga metepunagu nehilana bonatoga enele'mo besa lalibe. To ai Isilaeli boanaka enigi'a le'mo sipi hilina'mu yabe. Simioniu ya luto lu'ehina yabe.

Maki 16:5

To mulilugu tite bu gete, muli'mofihi kasihi lamaga'aga neheya kola bo mone koholi kata yatamana hepi'ehina bouba meto nohigo bu gete lusi koli hi'ahabe.

Maki 1:13

Buto melugu nohuto'a Satau oto fibe taga ho etoba etoba nohigo, 40 yegegu mino'ehibe. To ana hepa'i ka melugu ni'igo lopi yagakafa anasi nehanaga minoto'a, agelomagi kaba nehi etago mino'ehina yabe.

Matiu 28:2

To mele'isi mone imima'i sipinamo li'ehina. Hu'mau mone agelo ho lifigo limi'ehina bouba ya'ma mulimofihi efapo hekini lose'na li koli he'mito ana efapolo mino'ehina.

Matiu 13:11

Ya nelago Yesu lu epi'ehina: Nani Hu'mamofihi Kapo'amofihi suguna ka yamofihi hapa'a lu hokolo hu lepolo'ohuna to lenali ya'ma kagaya keheli'ahabe. Aku'i enali'i ya'ma kamofihi meenelepise nohugo mekeheli'ahana.

Matiu 4:11

Ya ligo Satau he'mi etoto abufa nohigo agelomagi ete analo Yesuhi he'me'ahana yabe.

1 Pita 3:18

Kilisitou ai ana huto bo lamana'a mino'ehina bouba bo foipa'a lali kumu yabe luto fili'ehina. Ai Kilisitou asaga bona'magihi foipana'ani su halibe luto silaga bona'i foipana'ani'mu yabe luto kana'a moneko'i filigo su ho'ehina yabe. Yamofihi Hu'mamofitoga lenele'mo malalube luto lolo hu'ehina. Enali he'ahana'mu ai mega gufa'auba fili'ehinaya meha'a hetofa Sikalafu'uba le'mo mopo higo mino lito buto mino'ehina.

Romu 10:12

Ya'ma fayahi keye'ahanamu yege yege boana'magihi keye'ahanamu, Yuta bona'i hiti to fegutoga bona'i hiti enali moneko nehanamo ni'ibe. Hu'mau ai enali li gehe meli'ehina. Ai yege yege bona'magihi kibina bo'ani moneko'isi nohuto'a aitoga kehe ilata nehanamagihi enele'moto lusa gi epalalina'mu yabe.

Romu 3:4

O'e, ya huto meni'ibe. Fato fato bona'magi mi'i malalinafi, faga faga lilanaya aku'i Hu'mau ai'asigo ma'naka lulata bo nohinagihe. Mono bukugu Hu'mamofi kumu fayahi ge'ahana: Asaga kagaka fotogo huto ni'ibe. Ya hu'ehinago kai ka foyalo enele'mo ho tilata, kai kagauba enahalube'mu hibe. Enebe ligilina suhi huto ni'ibe.

Romu 16:26

Ya'ma kaga koyapa fala kito mino'ehinaya, yalo lu huto huto bomagi ana kaga fayahi keyete yanauba li hokolo hu'ehigo akeheli'ohune. Yatai huse mehuse suhi nohina bo, Hu'mau lu epilo luto lu molo'ehinamofihi lali noto noto bona'magi asaga'i lu epilata nohune. Ya lu epito nohunogo enali asaga bona'magi ana kaga kehelite aitoga agoya hu emite mege'i malalabe.

2 Koliti 1:19

Hu'mamofihi pana'a Yesu Kilisito ai hapa'a ya'ma nani hiti to Silasi to Timoti lali lu lepi'ohuta bo ai ya'ma kaga lu'ehina luga'a o'yo luto nohigo luga'a futu'a lolo huto o'e luto faga lilata menohibe. Asaga'i ya'ma lama'naka'a lu'ehinaloti legeya'ago ho baga ilata nohibe.

1 Pita 1:21

Ya huto higo lenali ai kumu kehelite Hu'mamofitoga agoya hu emite neminabe. Hu'mau Kilisitohi fili'ehinaguti le'mo ho tito sekele mamu'a emito molo eto'ehina yabe. To ya higo lenali ananamomu'i kehelite amuya melete aitoga agoya hu emilata to fifa ilata nehana ni'ibe.

1 Yoni 3:8

To luga'amagi foipana lilata minalana enali Sataha bona'a neminabe luto lilune. Satau ai foipa nasana koyapa emagati lelito buto mino'ehina. To liloto nohigo Hu'mamofihi pana'auba ai'a Satahi foya'a ya'ma laga huto li sibi sibi huto he'milube luto oto huto hu'ehinamo ni'ibe.

Luku 20:44

Tebitiu ai'a Sipi Bo'ni yabe lu'ehinamo aku'i hena hibe luto Mesiau Tebitihi pana'a lolo hilibe?