1 Timoti 3:13 - Ka Lamana'a Monoꞌi Lu Mu Tifiꞌehina Ka Yabe

¹³ Ya nehite mono foya linogo bati hinogo komopa'anilo hetofa legeya'a yamofihi enalitoga minalina'mu yabe. Fato bona'magi enali kumu kehelite enofokehi lilabe. To ana huto Yesu Kilisito aitoga bite hepi'ahana ka koli mehise amuya melete enegekesaguti ka lu hokolo hilana'mu yabe.

1 Timoti 3:13 Referans Kwoze

Matiu 25:21

Sipi bouba ma luto lu emi'ehina: Kai hetofa lili'nalo bo amuya bo nohane. Kai hetofa suhi li huto hu'ahane. Kai lili'nalo kaba hu bati hulata nohane. Kai lagaso'nasimofihi kumunalo hetofana huto kaba hu bati hu'ahatalo yatai nani babu fe'noto kaba kimi gi ketalube. Kai sipi boka hiti kegelonaguti ete minaliyo.

Hibulu 6:10

Hu'mau ai'a mone li sibina huto ya huto menohibe. Lenali ai kumu yabe lite foya'a lite komopatini minalanamofihi lamana'a yamofihi Kilisitohi yagapana'a enele'mo bati hite lenemehi emite enehe'malata nehanamo yamofihi ai'a yana'mu ekesu mehalina'mu yabe.

2 Timoti 2:1

Pana'nimaka. Kai Yesu Kilisitotoga buto i hepi'ohuta'mu yabe luto lehe'mose'na limito lele'mo hetofa hulata nohina yamofihi komopa'agu minoto amuya moloto minobo.

1 Tesalonika 2:2

To Filipai hepatoga lele'mo sibina to huli ka lu limite hilata hi'ahago yalo lenali Tesalonika bona'magita bu'ohuta akeheli'ahabe. Ya hi'ahanaya to bona'i luga'amagihi luba limilune'mu nehago Hu'mau lukesa fi hetofa hu leto'ehigo babahi huto nohuto lenalitoga Hu'mamofihi ka lamana'a lu huto huto lu lepi'ohuta.

Filipai 1:14

To naga nonugu nohuna'mu yabe lite magati'ma ligibo lagabo luga'amagi enali Sipi Bomofi kumu kehelilete keta mehuse hite Hu'mamofihi kaga'amu enelesa meligo lu huto hilata nehabe.

1 Koliti 16:15

To nalalu'nigitabe, mone lu lepilugi kehelilo. Lenali Setefanasi to lalameha'a enali kumu ya'ma lite keheli'ahabe: Enali Akaiya hepatogati kohe tete Hu'mamofihi ka kehelilete komopa'ani li gelehe hite Kilisitotoga keheli emi'ahana. To Hu'mamofihi bona'a enalitoga kele kele foya minalune lite lilete lilata nehabe.

Aposolo 21:35

Enali le'mete bite to nohi haka tilune'mu nehago asaga bona'i enemege'i bite ho fililo lite enipakafa nehite hekele lite neligo yana'mu gimi bomagi Poluhi nu nekite le'mo saga hite bi'ahabe.

Aposolo 6:15

Ya lago asaga bona'i kanisolelugu mine'ahanamagi Sitifenihi bulu'i he'ahana. Ya nehago Sitifenihi okaba'a agelomofihi suhi lito i besa lo'ehina yabe.

Aposolo 6:8

Sitifenitoga Hu'mau Sikalafu'a emilago amuya sipi liloto boana'magihi folagaha'anigu babeyafana fato fato'i li huto hu'ehina.

Aposolo 6:5

Asaga boana'magi aposolo bona'magi lu huto hana kalo enegelo bi'ahana. Ya hilete Sitifenitoga Sikalafu'uba bai tana bo le'mo ho ti'ahana. To Filipiu yagi Polokolu yagi Nikeno yagi Timoni yagi Pamenasiu yagi to Nikolasiu ai Atioki hepatogati fegutoga bo Yuta bona'magi mono kagamofitoga komopa'a molo'ehina bo hiti enele'mo ho ti'ahana yabe.

Luku 19:17

Ya ligo gihiti bouba lu emi'ehina: Kai hetofa lili'na li'ahane. Kai bati lili'nalo pana'ni yabe. Kai lagaso mesonalo kaba hu bati hatago yatai sipi kigi kiminogo teni'a kaba hilane.

Matiu 20:28

Ya'ma Kokulumaguti limi'ehina Bo ai ana suhi huto nohibe. Bona'magi aito lili'na he'mete li etalabe luto meo'ehina yabe. Ai boana'magitoga lili'na li epoloto enehe'malube luto o'ehina. To ai boana'magi kumu luto gufa'a he'miloto asaga boana'i foipana'ani pa so epalalube luto o'ehina yabe.

1 Timoti 3:14

Nani nohataga mele'isi bilube luto keheli'ohuna ni'inaya ya'ma fayahi koyoto nokimito'ni nasana moneuba naga inogo minenogo'nimo kai ma luto kehelilane luto fayahi ya'ma koyoto nokumube. Henabe lutobe? Enali Hu'mamofihi naga'magi hetofana hite minalabe luto fayahi koyo kiminogo leka soto lu epilane luto yabe. Ya'ma Hu'mamofihi naga'magi enali nohi lapusa'a legi hite lolo hinogo ai'a ka lamana'a amuya melete le'mo saga hite minalana kehelilane luto yabe.