1 Timoti 3:10 - Ka Lamana'a Monoꞌi Lu Mu Tifiꞌehina Ka Yabe

¹⁰ Kai ya'ma bona'i bati hilafi luto kohe toto hapa'ani babeyafa huto fi taga hu epoloto bu enegenogo bati hinogo mono foya epilenogo mono lili'nalo bo lolo hilabe.

1 Timoti 3:10 Referans Kwoze

1 Timoti 5:22

Bona'i luga'a enali kumu mono foya lilabe luto li aku metose lataha'anilo kayahi moloto lusa gi epalane. Enali foipanauba kai kugupisalo ti laligi kaika komopaka kegekesa kaba hitogo komopaka gulu gulu linogo minalane.

1 Timoti 3:13

Ya nehite mono foya linogo bati hinogo komopa'anilo hetofa legeya'a yamofihi enalitoga minalina'mu yabe. Fato bona'magi enali kumu kehelite enofokehi lilabe. To ana huto Yesu Kilisito aitoga bite hepi'ahana ka koli mehise amuya melete enegekesaguti ka lu hokolo hilana'mu yabe.

1 Yoni 4:1

Komopa'ni nolepuna bona'ise. Sikalafu'uba lele'mo babahi higo lulata nohune lite lilata nehana bona'i asaga'magitoga ka'a ya'ma sibigopa mekehelilo. Kaga'a mone ya'ma Hu'mamofitogati ni'ifi meni'ifi keheli fotogo hilune lite kaba hilo. Ka'a leli'ali bona'i fagamofihi silaga'i huto hilete babu li'ahana ni'ibe.

1 Timoti 3:6

Ana bouba babafi bo hilube luto yuhufasi komopa'a li gelehe huto Hu'mamofihi mege'i ma'asi nomalana bouba ai babafi lolo mehilibe. Hena'mube? Aiya Satau koyapa'i hu'ehina suhi luto gufa'a lelito tinogo Hu'mau ka foyagu le'mo moloto logo hepa'mofihi nasana lolo hu lalibe, luto yabe.

1 Timoti 3:2

To babafi lolo hilina foipa meminenogo minoto a'i moneko'i li'ehilina bouba minalina'mu yabe. Ya suhi ma suhi hilutaya sibina hu lalube luto gufa'a kaba huto minalibe. Legeso huto besana kapogu minalina'mu yabe. Ana bouba bonoho bona'i elenogomo mehi epito enebe tigito enele'mo malalibe. Mono bukugu kaga lilata foya yamofihi fato bona'i lu enelepilina keheli bebe soto le'mo fotogo huto lilibe.

1 Koliti 1:8

Ai ya'ma Sipi Boti Yesu Kilisito henetilina kanalo foipanatini meminenogo to lufusatini amuya malago minalabe luto kaba hu lepoloba lepoloba nohinogo kanatini su halibe.