1 Timoti 2:10 - Ka Lamana'a Monoꞌi Lu Mu Tifiꞌehina Ka Yabe

¹⁰ Mono kumu kehelite minalune lite lilana ana'i enali minete lite melete hilanamagi hetofa foya'a lite boana'i enehe'mete minete bati hilenogo ya'ma bati hilube'mu hibe.

1 Timoti 2:10 Referans Kwoze

1 Pita 2:12

Ya nehite Hu'mamofihi mekeheli'ahana bona'magihi komopa'ani legi mehinogo mino eto hite minalo. Ya hite nehinogo Hu'mamofihi mekeheli'ahana bona'magi kohe tete lenali kumu foipana lilata nehana bona'i nehabe lite lenifisa ite aku alihi to lenali bite folagaha'anigu minenogo to hapatini bati hinogo enali bu negenogo yata'a kehelise'na'ani he'mite lenali kumu Hu'mamofihi fokeha'a lilabe. Yesu Kilisitou nehetilina kanagu ya hilana'mu yabe.

Huto Hilina Ka 2:19

Nani lolo hite melete nehanamofihi hapa'a to komopatini epilata nehanamofihi hapa'a to keheli ule'ale hite minalanamofihi hapa'a to enele'mo bati hilata nehanamofihi hapa'a bati huto ni'inaya yanamofihi hapa'a keheli'ohube. To kohe toto amuya melete nesi'a mine'ahanamo ni'ibe. Yatai ya'ma aku'i notibe. Ya'a hiti nokehelube.

Aposolo 9:36

Yopa hepato Hu'mamofitoga komopa'a moloto nominana a'i mone mino'ehina. Ai gi'a Tabita ana gi'amofihi hapa'a Giliki kaguti Tokasi. Ai asaga yupahi enumuhi meni'ina bona'i enehe'moto enele'mo bati hulata nohina a'i yabe.

2 Pita 3:11

Ana'ina asaga'na ana suhi huto lo su halinamo ni'igo ya'mu lenali eto hite minete Hu'mamofihi kaga'mu amuya melete minete kehelite lamana'alo mege'i melete minalo.

Taitasi 3:8

Kaga ya'ma lamana'a lusiga luto ni'ibe. Ka'a ya'ma le'mo hofa toloto lu epilane luto nolube. Ya huletogo Hu'mamofi kumu keheli amuya nemalana bona'magi enali nasana lamana'a lilune lite nelinogo foya babu lite nelite lilabe. Nasana lamana'a ni'ibe lite ye hilenogo bona'i enele'mo bati hilinamo ni'ibe.

Efeso 2:10

Lali Hu'mamofihi yahi fayaha'a nohutogo ai'a Yesu Kilisitotoga molo emutamofihi foya lilabe luto lele'mo huto hu'ehibe. To ana foyamo lite bona'magi enehe'mete minalabe luto koyapa'i lu kehelito molo leto'ehina yabe.

Taitasi 2:14

Ai ya'ma lali kumu yabe luto keke'i lu letoto foipana lito mino'ohuta yanaguti li he'mi letalibe luto minoto lito gulu gulu nehana bona'i lolo hilune luto ai'a yagapana'ago lele'mo eto hulenogo minoto hetofa hatofa nasanaloga mege'i amuya moloto minalune, luto keke'i lu letoto gufa'a he'mito fili'ehina yabe.

Aposolo 9:39

Ya lite lana kaga keheliloto Pitau ho tiloto enemege'i moneka bi'ahana. Ai ana hepatoga henetilago nohi ifo hasagu le'mete ti'ahana. Ya hago asaga keto ana'magi yibi hilete Pitahi ete le'mo bego hilete Tokasiu nohuto lolo huto epi'ehina gukete li lepi'ahana.

1 Timoti 2:9

To ana'i enalitoga nolube. Enali kakili'ani li lamana hite bilete libe fitobe hite humofa'na hilenogo yanauba bati hilube'mu hibe. To bomagihi enumu fililibe lite kehelite mine'ahana yauba oka'ani sekele mamu'ani enugufalo pesesu'ani goli efahi hiti, to gu kata'ani ya'ma mina'a sipi'a i hepilune'mu nehana, o'e luto lu laga nohube.

1 Timoti 2:11

Ana'i enali enugufa lelite metise legeso hite minete enegekesa keheli bebe sete minete kaga kehelilabe.