1 Timoti 1:8 - Ka Lamana'a Monoꞌi Lu Mu Tifiꞌehina Ka Yabe

⁸ To kai hiti nani hiti le'ali yamofihi Moseu keya ka lu'ehina kamu'i ya'ma hetofana yabe luto keheli'ohu'ibe. Ya'ma kagamofihi lamana'a ni'inaya keya ka lu laga huto lu'ehina ka'a to fato fato ka li'ahanamofihi nasana moneko kumuko huto nohibe luto keheliluta bati hilina'mu yabe.

1 Timoti 1:8 Referans Kwoze

Romu 7:16

To nani foipanamofi kumu laga'ni menebesibe luto aku'i yanamofihi mege'i mololatamo ni'inogo yanauba keya kamoya lamana ka ni'ina'mu yabe luto nelepigo anamofihi anokehelube.

2 Timoti 2:5

To ana huto hololu lilanagu ya'ma bo moneuba ana yokolo'namofihi kaba bouba hololu nelana'mu lu laga hu'ehina ka'a hauta halina yamofihi mina'a huto mehilina'mu yabe.

Galesia 3:21

To Moseu keya ka lu'ehina kauba ya'ma Hu'mau lu limito molo'ehina ka'a be ligilifihe? Ya huto meni'ibe. Keya kauba lali le'mo amuya moloto minolata nohuta nasana ni'itita yamofihi lama'naka luto keya ka lu'ehina kauba foipanati li he'mi letenogo Hu'mamofihi bulo lamana bona'i nehabe luto ligo minaluta kapoti huto hitine.

Romu 12:2

To lenali asaga melugu bona'magihi hapa'ani mege'i memalalo. Hu'mau komopatini li gelehe hu lepololenogo lenegekesa kehelise yuhufana lolo hilina'mu yabe. Ya hulenogo Hu'mamofihi hetofa hapa'amu kehelite to ai bita nohina'mu to ekesa kehelina bati nohina'mu hiti asaga hetofanamofihi ai'a fokehi luse'na'amu lenali keheliya ilabe.

Romu 7:18

To komopa'nigu to fegutoga nugufagu hiti hetofa hapa'a menominabe luto keheli fe nolube. To hetofana suhi hilunamofihi komopa'nigu ya ni'igo yana suhi hilube'mu nohube luto'ni amuya'ni bati mehu'ehigo hetofana mehulata nohube.

Romu 7:22

Nani Hu'mamofihi keya ka'amu komopa'nigu laga hina ni'ibe luto negelo nobube.