1 Timoti 1:7 - Ka Lamana'a Monoꞌi Lu Mu Tifiꞌehina Ka Yabe

⁷ Ya hilete enali'ani'mu ya'ma lite lilata nehabe. Lali ya'ma Hu'mamofihi keya ka lu'ehina ya kagamofihi mege'i malalune lite amuya melelata nehanaya, kaga nelanamofihi hapa'a keheli bebe mesabe.

1 Timoti 1:7 Referans Kwoze

Romu 1:22

Enali keheli baga i'ohune lilata nehanaya faga faga lite negi nagi nete mine'ahana yabe.

2 Pita 2:12

Bo ya hana'amagi ya'ma komopa'ani enegekesa meni'ina kafa'nama enohoto nolata nohuta ya suhi hite mine lite nebana enali tegi hite neminanamagi enali ana'ina lite mine'ahanamofihi hapa'a keheli bati bati hite mekehelise ana nasana'mu sibi sibi ka lilata nehabe. Ya nehago kafa'nama enoholata nohuna suhi huto Hu'mau enahalina'mu yabe.

1 Timoti 6:4

enali'ani enegekesa kehelite enugufa'ani lelite tite kag'a mone keheli bati mehabe. Kaga molo emi emi hite liba liba hite minelata nehana ya nasanauba enumu filigo minete kenasabo bite to siko bako hite enemehi ito ago hite luba sabo hite li sibina sabana hilata nehabe. To fa'mene'mu enemegeka lite faga hiti lilata nehabe.

Galesia 3:5

Hu'mau ai'a Sikalafu'a molo lepolola to amuya nasana lenalitoga topa hose'na huto hula nohina bouba henabe luto ya nohibe. Keya ka keheliya ite mege'i melelago lenele'mo bati hulata nohifihe? To Kilisitohi ka lamana'a keheliya ite agoya hu emilago lenele'mo hetofa hulata nohinamo ni'ifihe? O'yo, ya'ma ni'ibe.

2 Timoti 3:7

Ana ana'magi mono kagu keheli keheli nehana bona'magihi ka'ani kehelilata nehanaya aku ka lamana'a keheli fe melilabe.

Galesia 3:2

Nasana mone kumu lenoloka halube. Kehelite lu nimilo. Lenali Hu'mamofihi Sikalafu'a hiya hite li'ahabe? Moseu keya ka lu'ehinana kehelite lilete li'ahana ni'ifihe? O'e, ya'ma meni'ibe. To Kilisitohi ka keheli bati hilete lenemehi emilete li'ahanamo ni'ibe.

Galesia 4:21

Moseu keya ka lu'ehinamofihi agoya hu etalune lite lilata nehanamagita, lenoloka nohenogo lu nimilabe. Lenali keya ka lu'ehinamofihi fayaha'a nasana leka sete keheli fotogo mehafihe?

Matiu 15:14

To lenali he'mi epelenogo enali mineno. Enali enubu pisi lina bona'i nehite enali ana hite enubu'ani pisi lu'ehina bona'i fato'amagihi kapo enelepilune'mu nehabe. Ya hu'ehinaya bu'a pisi lu'ehina bouba fato bo ana huto bu'a pisi lu'ehina bo kapo lepilube'mu hilinaya etali loe sana sana ho kete keli kapogu limila'ibe.

Aposolo 15:1

Bona'i luga'amagi Yutia kegi'ati ete Atioki henetilete Yesuhi kaga'a kehelise bona'a kaga ma lite enelepi'ahana: Lenali Mosehi keya ka lu'ehina'a hite mege'i melete lenugufa laga mehilana lenugufatini li lenubuto mebilana'mu yabe, lite ya'ma kaga'ani lu epite hapi fi'ahana.

Matiu 21:27

Ya lite lilete enali Yesuhi ma lite lu emi'ahana: Lali mekeheli'ohune. Ya lago Yesu lu epi'ehina: Hiya'agati lito o'ohuna suhi nani li huto nohufi nani ana huto hapa'a lu melepilube.

Luku 2:46

To kana loegi monegimogu sipi mono nonugu tite babafi bona'i hiti kaga'anilo keheli minoto enoloka hoto nohigo le'mo huto hi'aha'ina.

Yemesi 3:1

Nalalu'nigitabe. Lenalitogati bona'i babu lite ka lu enelepise bo lolo mehino. Hena'mube? Lali tisa foyalo bo ya'ma alihi kanagu lalitoga ka foya hofa talina'mu yabe, luto a'nokehelune.