1 Timoti 1:6 - Ka Lamana'a Monoꞌi Lu Mu Tifiꞌehina Ka Yabe

⁶ To bona'i luga'amagi enali mono'mofihi kapo'a ya'ma bu go sepa ilete he'mite enemegesa emilete ya'ma fa'mene kaga legeya'a meni'ina yamofi kumu lu keheli fa keheli hilata nehabe.

1 Timoti 1:6 Referans Kwoze

Taitasi 1:10

To bona'i luga'amagi yege yege'i ka lamana'a lu epi'ohuta'mu enipakafa nehabe. Fa'mene kamu'i li muyalo malo hite enimi'i mololata bona'i nehabe. Yuta bona'i enalitogati Kilisitohi ka lamana'a keheli'ahana bona'i mone'amagi aku i behe hite fato kaga enelepite minete lite ya hilata nehabe.

Taitasi 3:9

Laga mehina kaga lite li muyalo malo hite minelata nehana yamofihi he'milo. To enigiko enagako ema'aga bona'i tili tele hite minete lite ti'ahananamofihi ka'a to kenasabo bite minalana keya ka lu'ehina'mu luba sabo hilana yamofihi he'milo luto'ni bonakamagihi yana lu epibo. Yamofihi ana kaga futu'a nina, gusunupa'a meni'ibe. Ana kaga keheli he'mito kemegesa hu emibo.

1 Timoti 5:15

Yatai keto ana'i luga'amagi enali i behe hite ka lamana'amofihi kapo ti he'mite Sataha mege'i nemalabe.

2 Timoti 4:10

Temasiu ai ya'ma melugu nasana'mu laga besigo keheligo tigo he'mi netoto Tesalonika metoga bu'ehinagi kai oletogo bati hu netalibe. Keleseniu ai Galesia metoga bu'ehina. To Taitasiu ai Talamesia metoga bu'ehina yabe.

2 Timoti 2:18

Etali ya'ma ka lamana'amofihi kapo'a he'milete'atiti ya'ma lite nela'ibe: Lugufati fili'ehinaguti aho ti'ehinamo ni'inaya alihi kosaba lugufa hiti lele'mo ho tilina'a meni'ibe. To ya lilete mono ka keheli'ahana bona'i luga'a komopa'ani enele'mo sibina neha'ibe.

Matiu 18:12

Lenali hena hibe lite nekehelibe? To bo mone'mofihi sipisipi yaga'a 100 nehilanaguti moneko'isi minigilina hena hilina ni'ibe? Ai sipisipi yaga'a 99 analo he'mi epelenogo kosagu kifi'na laga hite nete nehinogo moneko sipisipi yaga'a minigi'ehina sa sa hilina'mu yabe.