1 Timoti 1:18 - Ka Lamana'a Monoꞌi Lu Mu Tifiꞌehina Ka Yabe

¹⁸ Oho pana'ni, Timotio, koyapa'i kohe toto kaga lu huto huto bomofihi ka'a kai kumu huto hu'ehina yamofihi keheliloto ma luto lu molo neketobe. Ana kaga keheliloto nohutoka luba hilata nehana ya suhi huto foya amuya moloto lilatagihe.

1 Timoti 1:18 Referans Kwoze

1 Timoti 4:14

Kohe toto ya'ma ka lu huto huto bona'i kaga'ani kai kumu li'ahanalo ya'ma mono olopa bona'i luga'a enali enayahi latahakalo melete lusa negi ketago hetofa Sikalafu'uba mono'mofihi amuya'a fi hele hu keto'ehinamofihi lamana'a sibi hu laligi mino hetofa huto kaba huto minobo.

1 Timoti 6:20

Oho, Timotio. Ya'ma amuya nasana Hu'mau ya'ma kimi'ehina'a kaba hu bati huto lito minobo. To fa'mene kaga futu'a ya'ma bona'i luga'amagi lite nehite lali mono ka pelesa ilete ma lite lilata nehabe. Ananamofihi hapa'a akeheli su ho'ohune lite faga hiti enegekesa keheli sibina hilata nehabe. Ya'ma enali kagamofihi li he'mi'ohubo.

Filipai 2:22

Timotiu ai minoto lito nohinamofihi hapa'a bati hu'ehigo akeheli'ahanamo ni'ibe. Ai pana'i moneuba afo'afi he'malata suhi luto ka lamana'amofihi foya'a nehe'moto li'ehina yabe.

2 Timoti 4:7

Nani ya'ma foya lamana'a lelito bu'ohube. Yokolo'na hololu lite ibe ligi abe ligi nehana ya suhi huto nani hololu luto foya limo buto maki'nilo nehetube. Ka lamana'amu kaba hu'ohunamofihi nasana mehe'mise huto li pili koto minomo buto nominobe.

1 Timoti 1:2

Timotio mono kapogu kele'mo'ohuna pana'ni nohane luto nolube. Kai fayahi ya'ma koyoto nokumube, Hu'ma afotifu to Sipi Boti Yesu Kilisito lehe'mose'na hiti ginaga fi limise'na hiti to fuluna'a lele'mo huse'na yamofihi huto hu keteno.

2 Timoti 1:2

Timotio, nemehi nokumuna pana'nimaka, nani ma fayahi koyoto nokumube. Afotifu Hu'mau to Sipi Boti Yesu Kilisito ai lehe'mose'na to ginaga fi limise'na to fuluna'a hiti li huto hu keteno.

1 Timoti 4:4

Hu'mamofitogati nasana silaga'na ahuto hu'ehina to lamana'ago huto hu'ehinamo ni'ibe. Ya hu'ehina'mu luto nose'nalo foke ka luto lusa gito nolata nohune yamofihi mo sise'na meni'ibe. To alobole i ke'mete minalana'a ana huto Hu'mamofitogati huto hu'ehina'mu luto nasanalo foke ka luto nohune yamofihi he'mise'na meni'ibe.

Filemoni 1:10

Nani naga nonugu nohuto'ni bo mone le'mo mono kapogu le'mo molo'ohuna bo Onesimasi ai kumu nolube.

Taitasi 1:4

Taitasio, lusi pana'ni kai hiti nani hiti moneko mono'i keheli emito mino'ohu'inamo ni'ibe. Kai ya'ma fayahiya koyoto nokumuna kehelibo. Afotifu, Hu'mau to Yesu Kilisitou lubuto bilata bomofitogati lehe'mose'na fuluna'a hiti kaitoga mineno.

Aposolo 16:1

Polu Tebe hepato hiti Lisitala hepato hiti heneti'ehina. Ya'mana hepato Hu'mamofitoga komopa'a emito nominana bo gi'a Timoti yabe. Ai ito'afu Yuta a'uba ana huto Hu'mamofitoga komopa'a emito nominana yabe. To ai afo'afu Giliki melugu boya.

1 Koliti 4:17

Nani ya hilabe luto Timotihi ho lufugo lenalitoga foiya nobibe. Ai'i komopa'ni emi'ohuna bo Sipi Bomofihi mono kagu pana'ni lolo huto minoto ana'ina le'mo fu luto lolo hulata nohina bo ai buto nani Yesu Kilisitohi mono ka'amofihi kapo'a Kilisitohi naga'a noto noto nehana enelepito minolata nohunamofihi buto aku'i lu lepinogo kehelilabe.

1 Koliti 9:7

Kibina bo enali luba hilana nasana to nose'na'ani enali'ani efaha'anitu mina filata nehafi? Menehabe. To moneuba foya lito li huto huto hekele'ehinogo lito menalina ni'ifihe? O'e. To moneuba bulumaka yaga kaba huto amiha'ani menalifihe? Nalibe. Ya'mu lenali nose'na le'emilo, luto nolube.

1 Timoti 1:5

To nani ya'ma henabe luto nolube? Enali kehelilete komopa'ani mone keheli sibina mehise komopa'ani fulu hinogo minete to Hu'mamofihi agoya hu emite minalabe. To ya hite minete, Hu'mamofitoga enemehi emilana'mu yabe luto nolube.