1 Timoti 1:16 - Ka Lamana'a Monoꞌi Lu Mu Tifiꞌehina Ka Yabe

¹⁶ To Hu'mau osahi nimilube'mu huto komopa'a li gelehe huto ginaga fi nimi'ehina'mu henabe lutobe? Yesu Kilisitou ai komopa'a fitu fo netoto buba buba hu'ehina, ya hu'ehinamofihi hapa'a lenelepilube luto Hu'mau nani'i ya'ma foipa bona'i enebe ligi'ohuna bo nohunamofita ai komopa'a nimi'ehina yamofihi fa'mene meni'ibe. Bona'magi aliha'a Hu'mau nele'mo'ehinamofihi hapa'a bu gelete keheli bati hite Hu'mamofitoga keheli amuya malana Hu'mau mino kosaba huse'na epilina yamofihi kapo'agu tite mineba mineba hilabe.

1 Timoti 1:16 Referans Kwoze

1 Timoti 1:13

Kohe toto yamofihi le'mo sibi saba huto kalana'i molo etoto kaga'a le'mo mumusopa i'ohunamo ni'inaya nani ya'ma mono ka'a mekeheli'ohutaya to katiya'i mino'ohuna, ya huna'mu Hu'mau osahi nimilube'mu nohuto ginaga fi nimi'ehina.

Efeso 2:7

Hena'mube? Hu'mau ai ya'ma alihi huto huto alina kana'alo yanagu sipi ginaga fi limise'na hiti to hetofa lehe'mose'na'a hiti ya'ma Yesu Kilisito kumu yabe luto lu'ehinamo ni'igo yamofihi nasana'a kehelito minomo buto kehelilune.

Luku 7:47

Yatai nani lu nokumube. Nani ya'ma a'mofihi babu foipana'a asaga'i li nohe'mi eto'ohunogo ai nani kumu sipina nobesibe. To bo mone'mofihi Hu'mau foipana'a nesi'asi li he'mi etalina aku'i ana bouba nani kumu'i nesi'asi nobesibe.

2 Pita 3:15

Ya hilenogo Sipi Botiuba kana'a molo yatama hulenogo kosele'i meho'ehina ya'ma lite lu emilabe. Lele'mo lubuto bilube luto ana yatamana molo'ehibe lite kehelilo. Lalalutifu komopati emi'ohuta'a bo, Polu ai'a Sipi Bomofitogati kehelise'na'a minalina'mu yabe luto lu lepito fayahi koyoto lepi'ehinamo ni'ibe.

2 Pita 3:9

Sipi Bo ai kaga lu molo leto'ehina yamofihi legeya'a huto hilibe luto ligitagahi huto kana'a yatama mehu'ehinamo ni'ibe. Bona'i luga'amagi keheligo ya'ma suhi lolo hulata nohina ya huto meni'ibe. Ai bona'i luga'a haya kelete fenene hi lalabe luto enegeba huto minolata nohibe. Ai bona'i silaga'magi komopa'ani i gelehe hite foipana hapa'ani he'milabe luto kehelito enali kumu yabe luto fulu huto enegeba huloto minolata nohibe.

1 Pita 3:20

Ya'ma kene'magi enali koyapa'i Noau ai nagamilugu boti lolo huto nohigo ana kanagu Hu'mau komopa'agu fulu hilibe luto komopa'ani i gelehe hilabe luto geba huto minomo tigo kaga'a keheli he'mite pelesa ite mineme ti'ahana. Ya nehago boana'i 8, loe'asi nagamilugu nagu tite sifite mine'ahana. To Hu'mau enubuto bi'ehina'amagi enaligo mine'ahana.

Yoni 20:31

Yesu ya'mana sipi lili'na li'ehinamofihi kaga lu lenelepi'ehina'a fayahi koyo'ehinago kehelite Hu'mamofihi Pana'a nohinaya to le'mo ho ti'ehina bo, Mesia nohinaya lenali ya'ma keheli ule'ale hilana'mu to aitoga agoya hu emilenogo mino kosaba huse'na lepilina'mu yabe.

Yoni 3:36

Bo moneuba Hu'mamofihi Pana'a komopa'a emito gi'a liyafa hilina bati huto minoba minoba hilina'mu yabe. To bo moneuba Hu'mamofihi Pana'a kaga'a keheli meemilina to mege'i memalalina ya'ma Hu'mau hima muhi fi etenogo minoba minoba hepa'i melilina'mu yabe.

Romu 6:23

Foipanauba ai'a koko pana'magihi lili'nalo nona'a epilata nohinaya filise'na yabe. To Hu'mau fa'mene limilinamofihi ya mino kosaba huse'i ni'ibe. Ya'manamofihi Sipi Boti Yesu Kilisito hiti lele'mo hepito moneko'na liluta'mu yabe.

Aposolo 13:39

Mosehi keya ka'auba lenele'mo lenubuto bito foipatini li he'mito bebe sana bona'i yabe luto lenigi mehalina'mu yabe. Ya hu'ehina ya'ma bomofitoga komopa'ani emite minalanamagi asaga foipana'ani li he'mi epoloto enele'mo enubuto biloto bebe sana bona'i yabe luto enigi molo'ehibe.

Yoni 6:54

To bo moneuba nani nugufa hiti golaha'ni hiti nalinauba minoba minoba hepa'i bati'a li'ehinogo su hose kana'alo alihi nani le'mo ho ti kosaba hiluna'mu yabe.

Yoni 6:40

Afo'nifu ma luto keheli'ehibe. Asaga bona'i pana'a bu gelete komopa'ani emilanamagi mino kosaba hepa'i lilabe. Ya hinogo nani kokuluma hiti me'i hiti su halina yupahi enele'mo ho ti kosaba hiluna'mu yabe.

Hibulu 7:25

Ya hu'ehina'mu minoba minoba huto nominana bouba ya'ma kana'amu kana'amu lali kumu yabe luto Hu'mamofitoga buka tilata nohinaya ai'a lubuto bise foya Yesuhi foya'amu luto Hu'mamofihi bulo bulata nohuta bo bati huto lamana'agu lele'mo moloto lili'nagu lele'mo hetofa hulata nohibe.

2 Tesalonika 1:10

To ana yupapoya Yesuhi bona'amagi asaga'i yege'a fite enegelo bite fokeha'a lilana'mu yabe. To aitoga keheli emi'ahana bona'i asaga'i gi'a liyafa hite minalana'mu yabe. Lenali ya'ma kaga'a lu lepugo kehelite aitoga agoya hu emi'ahana ni'inagihe. Ya'mu lenali Hu'mamofihi bona'i hiti minalana'mu ni'ibe.

Efeso 1:12

To ya'mu lali Yuta bona'i kohe toto Kilisito kumu agoya hu emito geba huto minota bona'magita lali Hu'mamofihi hetofa gi'a liyafa huto minalune.

Efeso 1:6

Hu'mau ya huto keke nolu letoto ai'a bita hu'ehina pana'a ho lifigo oto lali bati mehina bona'magita lele'mo lamana hu'ehibe. Ya huto hetofana hu'ehina'mu fokeha'a lilata nohune.

2 Koliti 4:1

Hu'mau ai keke'i luse'namu foya'a yamofihi lu leto'ehinamo ya'ma to komopatigu keta mehina'mu kosele'i kasele'i mehone.

Romu 15:4

Ya'ma koyapa'i mono bukugu fayahi ge'ahanamofihi asaga kagauba Hu'mamofihi biluta kapo'mu lelepito bu megose'namofihi geba huto mino lito buto lele'mo amuya malalina'mu yabe.

Yoni 6:37

Asaga bona'i nani Afo'nifu nimilinamagi nanitoga alana'mu yabe. To nanitoga alana bona'i enubunepa ito enele'mo mehe'miluna'mu yabe.

Yoni 5:24

Nani ma'naka lu nolepube, kene'i moneuba nani ka'ni kehelito li pili koto'a to noho lifi'ehina bomofitoga komopa'a malalina yanauba mino bati huto minoba minoba huse'na ya'ma li'ehibe. To ai ka foya melilina filise'namofihi be ligito aku'i mino kosaba huse'i ali su hoto nominabe.

Luku 23:43

Ya ligo Yesu ma luto lu emi'ehina: Nani ma'naka luto lu nokumube. Yatai ma'asi kai nani hiti miya omihi foyagu minalu'ibe.

Luku 15:10

To nani ana huto, ma luto lu nolepube. Foipa bouba sibi hapa'a he'mito to komopa'a i gelehe hinogomo, Hu'mamofihi agelomagi ya'ma bomofi kumu yege filana'mu yabe.

1 Koliti 7:25

To bolo mebi'ahana ana'mu to liha'ani meli'ahana bo'mu ya'ma Sipi Bomofihi bagaguti kaga meli'ohutaya Sipi Bouba komopa'a nimito nele'mo lamana nohina yana'mu ka'ni nifita ilata nohuna bomofita ya'ma nolube.