1 Pita 1:2 - Ka Lamana'a Monoꞌi Lu Mu Tifiꞌehina Ka Yabe

² Lenaliya afotifu, Hu'ma ai'a Sikalafu'uba lenele'mo etalibe luto to Yesu Kilisitohi kaga'a kehelite agoya hu emilabe luto lenele'mo'ehina. Ai golaha'a folo lepolo'ehina yauba komopatini okala hu lepololenogo minalabe luto Hu'mau afotinifu lu molo'ehinalo mine'ahanaguti lenele'mo eto hu'ehina yabe. Hu'mamofihi lehe'mose'na'a to bati hu'ehinalo fuluna'a hiti lenalitoga minomo tito hofa talibe.

1 Pita 1:2 Referans Kwoze

2 Tesalonika 2:13

Lalalutigita, Sipi Bouba mehi lepi'ehina bona'ise. Hu'mau lenele'mo eto hu'ehina'mu luto lenali kohe toto lenubuto bilube luto Sikalafu'uba amuya'a hiti komopatini le'mo bati huto bona'ni lolo hu epalalube luto ligo hetofa kaga'agu bite i ke'me'ahago yana'mu lenali kumu asaga yupahi Hu'mamofihi legelo bilata nohune.

1 Pita 1:22

Lenali kaga lamanamofihi kehelilata hite mege'i malalana ni'igo lenalitoga hapa'a lana'mu luto lenalalutinigihi komopatinigu faga melise lenemehatini lusiga lite epilata nehabe. Ya'mu yabe lite komopatini ai eminogo ai eminogo mu tifite minalo.

Hibulu 12:24

To lu mu tifise'namofihi ka'a kosaba'i li huto huloto folagahatigu nohina bo, Yesutoga abu neheti'ahabe. To koyapa'i Ebelihi golaha'auba ya'ma meluguti Ebeliu ho fili'ehinamofihi foipana'mu pa salibe luto lu'ehina. Ya huto ni'igopa, Yesuhi ai'a golaha'auba fepa kopa i'ehina yanauba lelito tito ana'ina legeya'amu fifa ito kehe ilata nohina yalo bu neheti'ahabe.

Romu 11:2

Hu'mau koyapa'i fuku luto enele'mo'ehina bona'a he'mi meepolo'ehina. Hu'mamofihi kaga lu yege hose bouba, Elaiyau Isilaeli bona kumu lu'ehina ka mono bukugu ni'igo beto hilane. Ai ka foyagu enele'mo moloto ma luto Hu'mamofihi loka ho'ehina:

2 Pita 1:2

Hu'mamofihi to Sipi Boti Yesuhi keheli emilenogo lenalitoga lenehe'mose'na yanauba to fuluna'auba molo emito huto holito buto mineno.

Aposolo 2:23

Koyapa'i Hu'mau ai'a ekesa yigito mololoto ai ya'mana bo Yesuhi lenali lenayanugu molo'ehina yabe. To enali kaga li gofa hose bomagihi enayanugu meleletetini malipu yafalo hago fili'ehina yabe.

Romu 16:26

Ya'ma kaga koyapa fala kito mino'ehinaya, yalo lu huto huto bomagi ana kaga fayahi keyete yanauba li hokolo hu'ehigo akeheli'ohune. Yatai huse mehuse suhi nohina bo, Hu'mau lu epilo luto lu molo'ehinamofihi lali noto noto bona'magi asaga'i lu epilata nohune. Ya lu epito nohunogo enali asaga bona'magi ana kaga kehelite aitoga agoya hu emite mege'i malalabe.

2 Timoti 2:10

Yana'mu nani keke'i luse foya asaga'i Hu'mau enele'mo eto hu'ehina bona'i enali kumu yabe luto baga'a hiti nasana ya'ma kofilata nohube. Ya nohugo enali ya'ma Yesu Kilisitou enubuto bilata nohina to fana talina hiti mino kosaba huse'na ya'ma lilabe luto ya hulata nohube.

1 Koliti 6:11

To lenali luga'a koyapa'i ya suhi hite mine'ahanamo ninaya yatai foipanatini ahe'mi lepoloto Hu'mamofihi bona'i minalabe luto komopatini okala huto le'mo babahi higo nehabe. Sipi Boti Yesu Kilisitohi gi'alo yabe luto to Hu'mamofihi Sikalafu'amofihi gi'amu luto lenele'mo bati higo nehabe.

Maki 13:27

To ai agelomagihi enoho lifilenogo, bite ai'a bita hu'ehina bona'i asaga'i noto noto hepa'i fato fato'i anagati asaga melugu hepatogati me'i nekisalo ni'ina hepatogati silaga'i enele'mete elenogo li gehesa hilabe. Yesu ya lu'ehina yabe.

Maki 13:20

Ya higo, Sipi Bouba ana kana le'mo tupa mehutita asaga bona'magi filitine. To Hu'mau ai'a enele'mo'ehina bona'magi kumu luto kana ale'mo nesi hu'ehina yabe.

Hibulu 10:22

Ya hu'ehina'mu komopati lusiga luto emiloto keheli ule'ale hinogo komopatigu okala huto foipana nasana'mu lekesa yigi yigi mehuse ya'ma ai'a golaha'atu lali'i okala hu su hoto folo letago komopati babahi higo to lugufati ya'ma hetofa nagami'i bu okaba'a suhi huto lolo hu'ehinalo nagamitu ko letelenogo minoto Hu'mamofihi bulu nehetilune.

Romu 16:19

To lenali ka lamana'amofihi keheli ule'ale hite amuya melete mege'i nemalana asaga boana'i keheli su he'ahabe. Yana'mu lenali keheli sibina mehise nehago nofokehi nolube. To lenali hetofa hapa'amofihi keheli bati hite mege'i malago bati huto yabe. Ya hilata nasana nebesibe. To foipa hapa'amofihi mekeheli'ehilo.

Romu 8:33

To Hu'mau lu kehelito lele'mo ho ti'ehinagi kiyi'afu lifisa ilina bo nohibe? Ana hilina bo mone menohibe. Hu'mau ai'asi bebe sose bona'ni nehabe luto ya'ma lali kumu luto lulata nohinagihe.

Luku 18:7

Ana suhi huto Hu'mau boana'a enele'mo eto hu'ehina enali asaga utehi etehi aitoga kehe ite lehe'malibe lite lilata nehana meenehe'malina ni'ifihe? Hu'mau tala tele huto enehe'malina ni'ifihe?

Matiu 24:24

To faga faga Mesiagi to faga faga kaga lu yege hose bo babu lite nehetilete Hu'mau enele'mo eto hu'ehina bona'a enimi'i malalune lite babeyafana lumofihi lumofihi fato fato'i li huto hilana'mu yabe.

Matiu 24:22

To Hu'mau ya'mana kana li hupa mone mehititaya asaga boana'i ma melugu meminatita'mu yabe. Ya hu'ehina Hu'ma ai enele'mo eto hu'ehina bona kumu'i ekesu mehalibe. Ya'mu luto ai ya'mana kana'a li hupa mone hilina'mu yabe.

1 Pita 2:9

Ya hu'ehinaya lenali ya'ma lenele'mo eto hu'ehina bona'i yagi gihiti bomofihi mamufa gi emilatana bona'i lolo hite hetofa kapolo tite nupa hi'ahana bona'i to Hu'mamofihi naga'a lolo hite nehabe. Lenali kumu kehe ito metepuguti buyu huto lenele'moto hetofa fana tose'namofitoga lenele'mo molo'ehina yabe. Lenali Hu'ma ai hetofa hatofa hapa'a lu huto hinogo i futili hilabe. Ya hilabe luto lenele'mo'ehibe.

Hibulu 11:28

To Moseu ai keheli ule'ale hu'ehina'mu yabe luto ligo mone nose'na sipisipi yaga hete keye lete bauna lilata nohina'mu Pasa yabe lite ana yagamofihi golahi kasito luga luga lepe tepe hite mine'ahana ya'ma nose'na kana Moseu lu laga huto lu molo'ehina ka'a Isilaeli bona'magi keheli'ahana. Enali yege pana'ani nehago enoho fililana agelouba bulenogo enoho su ho lalibe luto ligo enali ana golaha'atu nohi kasihi yafalo fele'ahana.

Romu 15:16

Nani Yesu Kilisitohi lili'nalo bo nohunagi nani fegutoga bona'i Hu'mamofihi baga'aguti lamana ka lito lu yege ho epologo keheli'ahanaya, enali mamufa molo emi'ehina suhi hite nehabe. To nani lusa gilata bo suhi huto nohube. To Sikalafu'uba enele'mo bati hinogo Hu'mau fokehi luto, enele'malube ligo ya'ma mono bona'i lolo huto lili'na nolube.

Romu 8:13

Lenali analoga komopatini mololenogo lenele'mo sibina hinogo fililana'mu yabe. To lenali Hu'mamofihi Sikalafu'uba lenele'mo amuya melenogo ana foipa hapatini keye linogo minoba minoba hilabe.

Romu 1:7

Ya'mu luto nani fayahi lenalitoga asaga Lomu bona'i Hu'mau komopa'a lepito to nani yagapana'i nehabe lu'ehinalo nogobe. Ai Hu'mau afotifu to Sipi Boti Yesu Kilisitohi fuluna'a hiti lenehe'mose'na'a hiti lenalitoga mineno.

Romu 1:5

To Hu'mau Yesu kumu ai koko pana'ni nohane luto lu nimito nele'mo ho ti'ehina. Hena'mube? Nani asaga melugu bona'i kaga'a lu epinogomo ka kehelite komopa'ani Hu'mamofitoga mele emite minalabe luto ya'ma noho lifito ana lili'na sipi'a nimi'ehina.

Aposolo 15:18

Ya'mana kaga koyapa'i Sipi Bouba ai'a lu hokolo hu'ehina kaga yatai hiti ai'a nolibe.

Yute 1:2

Hu'mau komopa'a lepilata nohina to fuluna'a to keke'i lu lepololata'na ya'ma li futili hu lepelenogo minomo buto mineno.

Hibulu 5:9

Ya huloto bu segito mino'ehina bo lolo huto ai ka'a keheli emi'ahana silaga bonatoga enali'i enubuto bise'namofihi nekisa'a meni'inamofihi afo'anifu lolo hu'ehina.

Kolose 3:12

Lenali Hu'mamofihi bona'a nehabe. Ai keke'i nolu lepoloto lenele'mo'ehibe. Ya hu'ehinagi lenali fato bona kumu leniginaga fi epelete fulu hite enehe'mete agoya hite minalo.

2 Koliti 10:5

Hu'mamofihi hapa'a keheliya ise'namofihi kapo'a hekini lalune'mu ana'ina lite enita bise kaga'ani li nohe'mune. To Kilisitohi agoya hu emiluta'asigo huto hilibe luto kehelito fato fato'mofihi naga'i emito nohune.

Romu 11:28

To ya'ma Yuta bona'magi Kilisitohi hetofa ka lamana'alo mege'i memelese nehite Hu'mamofihi fateha'a lolo nehabe. Hena'mube? Enali Kilisitohi enemegesa hi emi'ahago ai ya'mu fegutoga bona'i lenali'i lenele'malube luto lu'ehina. To koyapa'a Hu'mau kohe toto ya'ma Yuta bona'i afo'anigihi fuku lu'ehina'mu enali kumu Yuta bona'i Hu'mamofihi lalu'agi minelata nehabe.

Aposolo 20:32

To yatai nani Hu'mau kaba huse'na'a to lehe'mose'namofihi ka'a yanagu lenele'malube luto aitoga molo lepolo'ohube. Ai ka'atu lenele'mo bati bati huto amuya molo lepalalibe. Ya huto ya'ma bebe sose'na'a pana'alobo'amagihi guna mololatana ya'ma lepilina'mu yabe.

Taitasi 1:1

Poluita nani Hu'mamofihi koko pana'a Yesu Kilisitohi aposolo bo nele'mo ho ti'ehina. Ya hu'ehina Hu'mau enele'mo eto hu'ehina bona'i enali aimo agoya hu emilabe luto enehe'mobo luto to lali mono'mofihi ka lamana'a kapogu enele'mo keheli bati hino luto ya'ma foya'mu nele'mo ho tito noho lifi'ehina yabe.

1 Koliti 1:30

Ya hu'ehinaya Hu'mau lali Yesu Kilisitotoga lele'mo hepi'ehina yabe. Kilisitou ai ya'ma lali Hu'mamofihi ka'a keheli bebe salutamofihi hapa'a minalibe luto yabe. To ai Hu'mamofihi gobisalo mino fu luto minalutamofihi hapa'a minalibe luto, to foipanati li he'mi letelenogo komopati gulu gulu linogo minalutamofihi hapa'a minalibe luto yabe. To ai Kilisitou lali'i foipanaguti gulu ho letalibe luto yabe.

Maki 13:22

Akili ka lilabe. To ana kanagu faga faga kaga lu huto huto bomagi hiti to faga mono ka luse bomagi hiti ma lite lilabe: Nani Mesia bo yabe, lite faga lite lilabe. To enali fato fato suhi hite topa hese suhi hite hilete ya'ma Hu'mau enele'mo'ehina bona'magihi keheli sibina hu epalalune lite babeyafa hite enimi'i malalana'mu yabe.

Matiu 24:31

To ai agelo'a babu lito enoho lifinogo enali ufehi fu linogo sipi nogo nomelenogo analo bona'a enele'mo eto hu'ehina guna ilina'mu yabe. To enali me'i nekisa'a loegi loegi ninalo mine baga ilete anagati bona'i guna ite ete bite me'i mone kegi'a nekisa'aga su halana'mu yabe.

2 Yoni 1:13

Kai pa'i kogonaka Hu'mau le'mo eto hu'ehina ai yagapana'a enali hiti nehafihe lite keke'i neli ketabe.

2 Yoni 1:1

Oho, kai Sipi Bouba kele'mo eto hu'ehina a'ise. Olopa bo kohe'amofita nani fayahi koyo nokumube. To kai paka panaka fayaha nasana ya'ma koyoto noepube. Nani komopa'ni lepito koyoto nolepube. To nani'nisigo meni'ibe. Ka'a lamana'a kehelite komopa'anigu melelata nehana bona'i enali asaga'i komopa'ani lepilata nehana ni'ibe.

1 Pita 1:14

Hu'mamofihi keheli emite minalo. Lenali koyapa'i nehite negi nete nehago lenugufa li sibina hise kapolo melete bi'ahana. Yatai ya'ma kanagu ya suhi hite meminalo.

1 Pita 1:19

To lenali Kilisitohi golaha'atu mina fito gulu ho lepolo'ehina yabe. Koyapa bona'magi hetofa sipisipi yaga mone fuhe'a hena menina yaga foipana'animu su halibe lite kuguhi keye lite mamufa gilata'namofihi ya suhi hite Yesu hago lenali kumu fili'ehina.

1 Pita 1:20

To koyapa'i kokuluma'i me'i huto mehina kanagu Hu'mau le'mo ho tito ho lifigo limito bona'magihi foipana'ani'mu fili'ehina. Yanauba aliha'a kanagu su halube'mu nohinogo lenali kumu yabe luto ligo huto hu'ehina yabe.