Zefaniya 3:6 - Bhiblia Yo Sawuleka

⁶ Ni fuvisile matiko, sitezi sa kona si mahile marumbi, ni mahile siwula tinzila ta kona, aha koza ku si pindi m'thu ka tona; madhoropa a kona ma hoxotilwe, aha koza ku si sali ni wammweyo, kupwateka ni wo zumba ka ona.

Zefaniya 3:6 Referans Kwoze

1 Vakorinto 10:6

Totshe timhaka tiya njikombiso kwathu, kasiku hi si naveli simaha so biha, nga ti ni vona va nga navela.

1 Vakorinto 10:11

Ngu toneto, sotshe simaha siya si va humelete kasi kumaha txikombiso kwathu, kambe si bhatwe kasi ku hi laya athu hi nga hoka magwito ka timbimo.

Zefaniya 2:5

Dikhombo ka vale va zumbako mabambe ka linene, vathu va Kereti! Dipswi da Mkoma di na mi wukela, awe Kanana, ditiko da Vafilista, se ani ni na mi maha mi hoxoka, kala kuza ku si maneki vazumbi.

Zakariya 7:14

Se ni na va hangalasa ngu txingulu, hagari ka otshe matiko ale va nga mbi ma ziva, se ditiko di na maha dirumbi msana kwawe, aha kaku, ku si pindi m'thu ni wammweyo ka dona, hambi kutshumela, nguko va lekile ditiko da dinene, di maha dirumbi.

Isaya 37:36

Sekoko Ngelozi ya Mkoma yi to huma yi ya lovisa 185.000 wa vathu, wugoveloni ka Vasiriya. Se mbimo yi va nga wuka ni mixo ngutu, va to wona sirumbi dwe.

Levhi 26:31

Madhoropa anu ni na ma maha marumbi, ni khundumusela makhalo anu o nyenyeza, na mbiswa ni txi tsakela mafura a miphaxo yanu, o bhumula.

Matewu 23:38

Ngu toneto, m'ti wako wu na maha dirumbi.

Isaya 6:11

Sekoko ani ni to khani: Kala yihi mbimo kani Mkoma? A to xamula a txi khene: Kala kuza madhoropa me maha marumbi, kupwateka ni vaaki, ni tinyumba ti si nga ni vathu, ni ditiko dotshe di maha dirumbi.

Isaya 14:26

Ngu txona txikungo txi txi nga sungwa txitimwi ka otshe mafu, adiya dianza di nga nawulutwa txitimwi ka matiko otshe.

Jeremiya 9:12

I mani a nga txhariha madingano ni ku e ziva tiya kani? I mani wuwa txisofu txa Mkoma txi nga womba-womba kwakwe, kasi e hi zivisa ti taku ditiko di onhisilwe ngu kutxani kala di ti hisilwe kufana ni txiwula, ku si ngadi kupinda ni m'thu kani?

Joxuwa 23:4

Wonani, ani ni mi abanisete, madingano ni dikato da lihunzu ni lihunzu, otshe matiko awa ma nga sala ni otshe matiko awa ni nga ma khozisa, kukhukhela Jordhani kala ka Linene la Hombe, mswa-ditambo.