Zefaniya 3:20 - Bhiblia Yo Sawuleka

²⁰ Ka mbimo yoneyo ni na mi wuyisa, ka mbimo yoneyo ni na mi sengeleta; ngu ditshuri ni na mi ninga kudhundeka ni wudhumo, hagari ka votshe vathu va ha mafuni, mbimo yi ni no wuyisa tikhumbi tanu na mi txi ti wona, kuwomba Mkoma.

Zefaniya 3:20 Referans Kwoze

Jeremiya 29:14

Ni na manwa ngu nganu, kuwomba Mkoma, ni na tshumeta va va nga ñolwa, ni na mi sengeleta ngu ka otshe matiko, ni ka otshe madhawa, awa ni nga mi hangalasa ka ona, kuwomba Mkoma; ni na tshumela ni txi mi wuyisa ka wukhalo wu ni nga mi tutumisa ka wona, mi txi ya wukhumbini.

Malakiya 3:12

Se otshe matiko ma na womba ku mi katekile, nguko anu mi na va ditiko do tsakisa, kuwomba Mkoma wa Mabutho a Tiyimbi.

Isaya 56:5

Kambe ni na va ninga nyumbani kwangu, ni mndani ka maguma angu, wukhalo ni ditina, sa txhuko kupinda sa vanana va mazambi ni vanana vamahorana; Ni na ninga ditina do mbi na magwito ka mmweyo ni mmweyo, adi di na kwa mbi pfhiteka.

Zefaniya 3:19

Wona ti taku, ka yona yile mbimo, ni na wukela votshe vale va kuxanisako, ni hanyisa vale va khwitako, se ni wuyisela avale va nga tutumiswa; kambe ni na va ninga kudhundeka ni wudhumo, ka otshe matiko ale va nga thelwa tingana ka ona.

Amosi 9:14

Ni na thavisa wukhumbi wa vathu vangu va ka Israyeli, kambe va na aketa madhoropa o xaselwa, se va na zumba ka ona, ve phaya mivhinya, ve sela vhinya ya kona, ve phaya mipeto ya mindonga, ni kudya mihando ya kona.

Joyeli 3:1

Wona taku, ka oneyo masiku, ni ka mbimo yoneyo, ni no thavisa wukhumbi ka Judha ni ka Jerusalema,

Ezekhiyele 34:16

Ni na tsimbila ni lava yile yo mwalala, kambe ni na wuyisa yile yo penga, ni txi tsanisa yile yo khudukiswa, ni kuthuma yile yo lwala; aniko ayile yo ena ni yile ya mtamo ni na ti khundumusa; tona ni na ti dyisa ngu wululamo.

Isaya 60:15

Na i si nga kutxhipiswa ni kunyenywa kule u nga mahelwa kona, kuhoka ha ko ni wammweyo asi pindi ngu kwako, ni na veka kwako kudhundeka ka kwa mbi gwita, kuzumbiseka ka liveleko ni liveleko.

Zefaniya 2:7

Mabambe mule ku na lumba miboti ya nyumba ya ka Judha, kuva va txi dyisela kona sifuyo; ni minova va na ya otela tinyumbani ka va ka Axikaloni, nguko Mkoma, Txizimu txawe, a na va endela, kambe a na va tshumetela tikhumbi tawe.

Ezekhiyele 39:28

Sekoko va na tiziva taku ani ngani Mkoma, Txizimu txawe, va txi wona taku ni va mahile ve yiswa wukhumbini hagari ka matiko, ni tshumela ni va sengeleta ve wuya ditikoni kwawe, ni si siyi ni wammweyo kwawe.

Ezekhiyele 37:21

Va gele koko ku khawe: Mkoma Txizimu a khene: Wonani taku ni na teka vanana va ka Israyeli hagari ka matiko ale va nga ya ka ona, ni txi va sengeleta ngu ka otshe madhawa, ni txi va heleketa ditikoni kwawe.

Ezekhiyele 28:25

Ngu kumaha keto, Mkoma Txizimu a khene: Mbimo yile ni no sengeleta va nyumba ya ka Israyeli hagari ka matiko, ale va nga hangalaka ka ona, se ni txi ti sawulekisa hagari kwawe, masoni ka matiko, sekoko va na zumba ka ditiko dawe, dile ni nga ninga txithumi txangu Jakobe.

Isaya 66:22

Nguko, kufana ni nzuma ya yiphya ni mafu a maphya, sile ni no si va nga, si nova masoni kwangu, kuwomba Mkoma, ngu kumaha keto, li na zumbisa tona eto liveleko lanu ni ditina danu.

Isaya 61:9

Se liveleko lawe li na ziwa hagari ka matiko, ni tixaka tawe ti na ziwa hagari ka vathu, votshe vale va no va wona, va na tiziva ti to i mbewu yile yi nga katekiswa ngu Mkoma.

Masalmo 35:6

Nzila yawe yi nave ni txidema ni ku rithimuka; ni mtamo wa Mkoma wu na va hinge.

Ezekhiyele 37:12

Awe koko profeta u txi va gela tiya: Mkoma Txizimu a khene: Wonani taku ni na tula mathitha anu, ni txi mi humisa ngu mathithani kwanu, anu vathu vangu, se ni na mi tisa ditikoni ka Israyeli.

Isaya 62:12

Se a na va dhana taku mbathu vo sawuleka, avale va nga tirulwa ngu Mkoma, se awe u na dhanwa ku Wo lavwa, Didhoropa di di nga mbi lekwa!

Ezekhiyele 16:53

Ani koko ni na wuyisa vale va wukhumbini: Va wukhumbini ka Sodhoma ni vanana vawe vamahorana, ni wukhumbini ka Samariya ni vanana vawe vamahorana, ni tikhumbi ta wukhumbi wako;

Isaya 62:7

kambe mi nga maneke mi di malate, kala kuza e tsanisa, ni ku kala kuza e veka Jerusalema kuva wudhumo ha mafuni.

Isaya 56:8

Mkoma Txizimu, wule a sengeletako va va nga hangalaka, va ka Israyeli, a womba tiya: “Kambe ni na sengeleta vamwani, ka vale va nga sengeletwa.

Dhewuteronome 26:18

Se Mkoma a tsanisile nyamsi tito, awe u ditiko da kulumba ene apune, nga ti a nga kuthembisa tona, ni ti to u fanete kuxayisa sotshe sirumo sakwe.

Dhewuteronome 26:19

Kasi ku a na kuguleta txitimwi ka otshe matiko awa a nga ma maha, u txi ma pala otshe ngu wudhumo ni nduma, ni kupfaliswa, u txi maha ditiko di di nga sawulekiselwa Mkoma, Txizimu txako, nga ti ene apune a nga wombisa tona.

Jeremiya 30:3

Nguko ma ngadi ma txi ta masiku, kuwomba Mkoma, ayo ni no tshumeta ngu ona ava vo sungwa, i ku Israyeli ni Judha, kuwomba Mkoma. Ni na va wuyisa ditikoni mu ni nga ha vakokwani vawe, va na di fumela.

Ezekhiyele 39:13

Ina, votshe vathu va ditiko va na ya va tshotsha, kambe kwawe di na alakanywa ditshiku di ni no dhumiswa ngu dona, kuwomba Mkoma Txizimu.

Zakariya 8:8

se ni na va wuyisa ve ta zumba hagari ka Jerusalema; va na va vathu vangu, aniko ani ni na va Txizimu txawe, ngu ditshuri ni kululama.

Jeremiya 23:3

Ani nipune ni na sengeleta misalela ya tinvuta tangu, ti huma ngu ka otshe matiko amu ni nga ti hangalasa kona, ni txi ti tshumetela wudyiseloni ka tona; ti na veleka ti txi anda.

Jeremiya 33:9

Se adiya didhoropa di na va da ditina da litsako ni kudhumisa ni wudhumo, hagari ka otshe matiko a ha mafuni, ma no pfa wotshe wunene wu ni mmahelako; kambe va na xamala, ni kudhudhumela, ngu mhaka ya wotshe wunene, ni mhaka ya kotshe kuthutha, aku ni di ningako.

Mika 2:12

Kha ditshuri ni na kusengeleta awe Jokobe; kha ditshuri ni na sengeleta votshe vale va nga sala va ka Israyeli; votshelele, ni na va veka ka wukhalo wumwewo, kufana ni tinvuta ta Bhozira; nga mtxhambi txibalani ka wona, va na maha diguwa ngu mhaka ya kutala kwawe.

Mika 4:7

Se avale va nga ti ti khwita ni na va maha miboti, se avale va nga ti ti tsulisilwe kule, va na va ditiko da mtamo; se Mkoma a na fuma txitimwi kwawe mmangoni ka Siyoni, kukhukhela konkuwa kala kupinduka.

Zakariya 8:13

Se ku na maheka awe nyumba ya ka Judha, ni nawe nyumba ya ka Israyeli tito, nga kule anu mi nga ruketelwa hagari ka matiko, ni na mi hanyisisa toneto, mi va txikateko; mi nga thaveni, ma na ti karate manza anu.