Zefaniya 3:17 - Bhiblia Yo Sawuleka

¹⁷ Mkoma, Txizimu txako, aho hagari kwako, ana ni mtamo ngutu kasi ku kuhanyisa; ene a na tala ngu ku kutsakela; a na malala ngu lirando lakwe, a na kutsakela ngu kuembelela.

Zefaniya 3:17 Referans Kwoze

Masalmo 149:4

Mkoma a tsakiswa ngu vathu vakwe; wa guleta sisiwana ngu ku si ninga kuxula valala!

Masalmo 147:11

Mkoma a dhunda avale va m'thavako, avale va thembako lirando lakwe.

Jeremiya 32:41

Ni na zilimukiswa ngu vona, ni txi va katekisa, kambe ni na va zimeka ditikoni muwa ngu mbilu yangu yotshe ni muhefemulo wangu wotshe.

Vahebheru 7:25

Ngu kota yeto, ene wa sikota kuhanyisa, ka mbimo yihi ni yihi, votshe vale va tshuketelako ngu ngene ka Txizimu, nguko ene wa hanya yotshe mbimo kufela ku va kombelela.

Isaya 12:2

Wona taku, Txizimu i ku muhanyisi wangu, na txi themba, kambe kha ni na mbi thava txilo, nguko Mkoma Txizimu, ngene mtamo wangu, ni ndando yangu, se a mahile kuhanyisa kwangu.

Dhewuteronome 30:9

Se Mkoma, Txizimu txako, a na maha ti to u humelela ka yotshe mithumo ya manza ako, muhando wa mndani kwako, ka muhando wa sifuyo sako, ni ka muhando wa mafu ako; nguko Mkoma a na tshumela e nengela ngu kukateka kwako, kufana ni ti a nga nengelisa tona ngu vatate vako,

Zefaniya 3:15

Mkoma a thavisile kulamulwa kwako, a lovisile valala vako; Mkoma, Mfumeli wa Israyeli a hagari kwako; awe khu na mbiswa u txi wona kambe wubihi ni wawumwewo.

Johani 15:11

“Ni mi gete mhaka yiya, kasiku litsako langu li txi zumba ni nanu, se kutsaka kwanu ku txi va i di ka kuhetiseka.

Isaya 65:19

Se ni na tsaka kona Jerusalema, ni pfalisa vathu vangu; kha ku na mbi ngadi kambe kupfala wakwe dipswi da kudil, hambi dipswi da huwa.

Mitengo 14:8

Ku ngako Mkoma a txi tsaka ngu ngathu, Ene a na hi maha hi wulela ka ditiko a nga hi ninga, i ku ditiko di khulungako masi ni wulombe.

Isaya 12:6

Anu vaaki va Siyoni, tsakani mi peka mikulungwani nguko Msawuleki wa Israyeli mbwa hombe hagari kwanu.

Luka 15:32

Ti ni fanelo kubusa, hi txi tsaka nguko mnanda wu wako a ti fite, e tshumela a txi hanya; a ti mwalate, e tshumela a txi manwa!’ ”

Zefaniya 3:5

Mkoma a lulamile hagari ka dona; ene kha mahi to biha; mixo ni mixo a wuyisa wululamo wakwe hakubasani; kha dhuki a txi pwateka; hambi keto, wa kubiha kha nga ni tingana.

Johani 13:1

Na kusanzi kuhoka M'buso wa Pasika, Jesu, ngu kuziva ti to txi hokile txikhati txakwe, txa kupinda ka ditiko diya e tsula ka Tate, Ene a nga ti ti va randa vathu vakwe, va ku ha mafuni, a va kombile lirando kala kuhoka magwito.

Isaya 9:6

Nguko hi veleketwe mfana, hi ningilwe mwanana wa mfana; se wukoma wu txitimwi ka makata akwe; ditina dakwe a na dhanwa ku Didhota do Xamalisa, Txizimu txa Mtamo, Tate wa Mbimo Yotshe, Mkoma wa Kudikha.

Genesisi 18:14

Ina txi ho txo tandeka ka Mkoma kani? Ka dilembe di di tako, ngu yona yiya mbimo, ni na wuya kambe kwako, se Sara a na va a di ni mwanana wa dizambi.

Isaya 18:4

Nguko Mkoma a ni gete tiya: Ni na malala, ni wonetela ni di dizumboni kwangu, kufana ni kuhisa ka ditambo do phatima, nga mwando wa hunguva ka lisani la mbimo ya kuelula.

Genesisi 17:1

Mbimo yi Abramu a nga va ni tanga ya mtxhanu ni mune wa magumi ni mtxhanu ni mune a malembe, Mkoma a to humelela masoni kwakwe, a txi khene: “Ani ni Txizimu txa Mtamo-Wotshe, u fanete kuhanya masoni kwangu, u txi ni engisa ngu kuhetiseka.

Genesisi 1:31

Se Txizimu txi to wona totshe ti txi ngadi ti mahile, txi mana taku ndinene ngutu; se di to swa, ditxa: Ditshiku da wutxhanu ni dimwedo.

Isaya 63:1

I mani wuwa a tako ngu Edhomi, ka Bhozira, ni syambalo so bhilivila kani? Awu syambalo sakwe i ku so dhundeka, a tsimbilako ngu mtamo wakwe wa hombe kani? Ani ni wombawombako ngu kululama, ni mtamo ngutu kasi kuhanyisa.

Isaya 63:12

wule diwoko dakwe do dhundeka, a nga maha ti to di tsimbila ka dianza da txinene da Mosi kani? A nga abanisa mati masoni kwawe, kasi ku ti mahela ditina da kwa mbi gwita kani?

Genesisi 2:2

Se Txizimu txi di gwitile ngu ditshiku da wutxhanu ni mambidi kumaha wotshe mthumo wu txi nga wu maha, txi to humula, ka ditshiku dile da wutxhanu ni mambidi, ka yotshe mithumo yi txi nga yi maha.

Hoseya 14:4

Ani ni na holisa ku ni tshuralela kwakwe, ani ngu kutilava kwangu, ni na va randa; nguko kuhenya kwangu ku khukhile kwawe.

Joyeli 2:21

U nga thave, awe mafu; tsaka ngutu u tsakisisa; nguko Mkoma a mahile silo sa hombe.

Dhewuteronome 23:15

U nga ningele khumbi ka nyamne wa yona, ayile yi nga thava ka nyamne wa yona yi txi tutumela kwako.

Masalmo 78:65

Sekoko Mkoma a to wuka, ku nga o vhumuka ngu ha wukoheni, ku nga ndena yi nga ambuluka kulevani ka vhinya.