Zefaniya 3:16 - Bhiblia Yo Sawuleka

¹⁶ Ka ditshiku dileya, ku na wombwa ka Jerusalema ti taku: U nga thave awe Siyoni, mawoko ako ma nga gume mtamo.

Zefaniya 3:16 Referans Kwoze

Vahebheru 12:12

Ngu toneto, guletani manza anu a kukarala ni mazolo anu a kurereka.

Vagalatiya 6:9

Hi nga rerekeni kuthuma ta tinene, nguko ngu mbimo ya kona, hi na elula, ngako hi txi timisela.

Mtuletelo 2:3

U na ni kutimisela, nguko u tumete kuxaniseka ngu mhaka ya ditina dangu, aniko khwa rereka.

Vaefesu 3:13

Ngu konaho, na mi kombela, mi si rereki ngu mhaka ya sixaniso sangu sa ku mi xuphekela, nguko kwanu, eto i mhaka ya kupfaliswa kwanu.

Isaya 44:2

Mkoma wu a nga kuvanga, e kuwumba kukhukhela mndani, ni ti to a na kuvhuna, a khene: U nga thave awe Jakobe, txithumi txangu, ni nawe Jesurumi, awe ni nga kusawula.

Isaya 41:10

u nga thave, nguko ani ni ni nawe; u nga gume mtamo, nguko ani ni Txizimu txako; na kutsanisa, kambe na kuvhuna, na kuseketela ngu dianza dangu da txinene da kululama.

Isaya 40:9

Awe u m'zivisi wa mahungu amanene ka Siyoni, kwela ka mmango wo guleka. Awe u m'zivisi wa mahungu amanene ka Jerusalema, guleta dipswi ngu mtamo; di gulete, u nga thave, womba ka madhoropa a ka Judha, u txi khawe: Wonani, nditxe hawa Txizimu txanu.

Johani 12:12

Mangwanani ka kona, dibutho da hombe di nga ti tile M'busoni, ngako va di engisile ti taku Jesu wata Jerusalema,

Zakariya 8:15

ngu kumaha keto, ni pimisile kambe kumaha wunene ka Jerusalema, ni ka nyumba ya ka Judha, ka masiku awa, mi nga thaveni.

Isaya 54:4

U nga thave, nguko khu na mbiwa tingana; u nga ti thele tingana, nguko khu na mbi kanganyiswa; u na divala tingana ta wuphya wako, kambe khu na mbiswa u alakanya tingana ta wuphya wako.

Jobe 4:3

Wona taku u gondisile votala kambe u tsanisile manza o karala.

2 Vakorinto 4:1

Ngu toneto, aku hi ku ni mthumo wu hi nga ningwa ngu wumbilu wa Txizimu, kha hi gumi mtamo.

Isaya 25:9

Se ka ditshiku donedo, va na kha vona: Wonani Txizimu txathu, hi nga ti txi verela, txi na hi hulukisa; awuwa ngene Mkoma, wule hi nga txi m'verela; hi na m'guleta ni kutsaka, kuhanyisani kwakwe.

Joyeli 2:21

U nga thave, awe mafu; tsaka ngutu u tsakisisa; nguko Mkoma a mahile silo sa hombe.

Zakariya 8:13

Se ku na maheka awe nyumba ya ka Judha, ni nawe nyumba ya ka Israyeli tito, nga kule anu mi nga ruketelwa hagari ka matiko, ni na mi hanyisisa toneto, mi va txikateko; mi nga thaveni, ma na ti karate manza anu.