Zefaniya 3:15 - Bhiblia Yo Sawuleka

¹⁵ Mkoma a thavisile kulamulwa kwako, a lovisile valala vako; Mkoma, Mfumeli wa Israyeli a hagari kwako; awe khu na mbiswa u txi wona kambe wubihi ni wawumwewo.

Zefaniya 3:15 Referans Kwoze

Isaya 51:22

A womba tiya Mkoma Txizmu txako, Nyamne wako, wule a no lwela mhaka ya vathu vakwe: Wona taku ani na teka manzani kwako digombe di di levisako, nzambwa ya digombe da kuhenya kwangu; khu na mbi ngadi u di sela kambe.

Ezekhiyele 39:29

Kha ni na mbiswa ni va sisela kambe khohe yangu, mbimo yi ni no va ni di tshakunutile Moya wangu txitimwi ka nyumba ya ka Israyeli, kuwomba Mkoma Txizimu.

Zefaniya 3:5

Mkoma a lulamile hagari ka dona; ene kha mahi to biha; mixo ni mixo a wuyisa wululamo wakwe hakubasani; kha dhuki a txi pwateka; hambi keto, wa kubiha kha nga ni tingana.

Amosi 9:15

Na va simeka ditikoni kwawe, kha va na mbi thaviswa kambe ka ditiko di ni nga va ninga, kuwomba Mkoma, Txizimu txako.

Johani 1:49

Nathaniyele a to xamula a txi khene kwakwe: “M'gondisi, awe u Mwanana wa Txizimu, u Mkoma wa Israyeli.”

Zakariya 14:11

Se va na zumba ka dona, kambe kha ku na mbiswa ku di ni wo rukwa, nguko Jerusalema a na zumba ngu kudikha.

Zakariya 12:3

Ka ditshiku donedo, ku na maheka tito, ni teka Jerusalema eva dirigwi do nemela ka otshe matiko; votshe vale va no di rwala, ngu ditshuri, va na phwaraselwa, se otshe matiko a ha mafuni ma na patana me di wukela.

Isaya 60:18

Kha ku na mbiswa kambe kupfala kulwisana ditikoni kwako, hambi kuxaselwa ni kukhundumuselwa mihinganoni kwako; aniko u na dhana “Kuhanyisa” ngu magumani kwako, ni matimbani kwako u na khawe “Kudhumisa.”

Isaya 33:22

Nguko Mkoma mlamuli wathu, Mkoma mmahi wa milayo yathu; Mkoma ngene Mfumeli wathu, ene a na hi hanyisa.

Masalmo 85:3

u emisile kutsukula kwako; u siwukisile dikhulo da kuhenya kwako.

Mtuletelo 12:10

Ngu msana ni engisile dipswi da hombe da kuta ngu nzumani, di txi kha dona: “Ndiye mbimo ya kuhanyiswa, ya mtamo ni mfumo wa Txizimu txathu, ni wukoma wa Mesiya wa txona; nguko a rinzilwe hahatshi mmangaleli wa vanathu, awule a nga ti va mangalela masoni ka Txizimu wusiku ni mitshikari.

Mtuletelo 7:15

Ngu toneto, va maneka masoni ka txikhalo txa wukoma txa Txizimu, va txi txi khozela wusiku ni mitshikari, Dithepeleni ka txona. Awule a nga khalahatsha ha txikhaloni ka wukoma a na va fenengeta ngu ditenda dakwe.

Johani 19:19

Pilato a to bhala m'bhalo, veya wu nameketa txitimwi ka txihambano. Ku ti bhatwe tito: “Jesu wa Nazareta, mfumeli wa Vajudha.”

Johani 12:15

“U nga thave, dihorana da Siyoni. Ndiyo wata Mkoma wako, a di gadhile mwanana wa mbongola.”

Zakariya 9:9

Tsaka ngutu awe muhorana wa Siyoni; kulungela awe Jerusalema; wona taku mfumeli wako a nata kwako, wo lulama kambe Muhanyisi; wa txisiwana, a di gadhile mbongola, txitimwi ka tximbongolana, mwanana wa mbongola.

Zefaniya 3:17

Mkoma, Txizimu txako, aho hagari kwako, ana ni mtamo ngutu kasi ku kuhanyisa; ene a na tala ngu ku kutsakela; a na malala ngu lirando lakwe, a na kutsakela ngu kuembelela.

Habhakuki 2:17

Nguko kulwa ko wukela Libhanoni ku na kufenengeta, ni kuloviswa ka sihari sa tshofu ku na kuvangela kuthava, ngu mhaka ya mnoha wa vathu, ni kulwa ngu mhaka ya mafu, didhoropa ni votshe va zumbako ka dona.

Mika 7:10

Se mlala wangu wa txisikati a na ti wona eto, se a na fenengetwa ngu pfilu-pfilu, awu a ku khene: Ahayi Mkoma, Txizimu txako kani? Maso angu ma na mu wona a txi kadetelwa, kufana ni madhaka a tiruwani.

Joyeli 3:17

Se anu mi na tiziva ti to ani ngani Mkoma, Txizimu txanu, ni zumbako Siyoni, mmangoni kwangu ko sawuleka; kambe Jerusalema a na va msawuleki; vamatiko kha va na mbiswa ve pinda ngu ka kona.

Ezekhiyele 48:35

Kuranganyetwa ngu 18.000 wa tipimo; kambe ditina da didhoropa kukhukhela ditshiku dile i nava: Mkoma Waho Hale.

Isaya 65:19

Se ni na tsaka kona Jerusalema, ni pfalisa vathu vangu; kha ku na mbi ngadi kambe kupfala wakwe dipswi da kudil, hambi dipswi da huwa.

Isaya 54:14

U na tsaniswa ngu kululama, kambe u na va kule ni wukhozisi, nguko khu na mbi thava; hambi ni kuxamala, nguko kha ku na mbi kuhokela.

Isaya 25:8

A na fuvisa lifo ngu ha ku si gwitiko, ngu kumaha keto, Mkoma Txizimu, a na bahula mirongo ka totshe tikhohe, kambe a na thavisa tingana ta vathu vakwe kotshe ha mafuni, nguko Mkoma a wombile.

Genesisi 30:23

Ene a to mana txirumbu e veleka mwanana wa mfana, a txi khene: “Txizimu txi thavisile tingana tangu.”

Mtuletelo 19:16

Kubhatwe ditina ha nguwoni kwakwe ni ha nyongani kwakwe: “Mfumeli wa vafumeli, Mkoma wa vakoma!”

Habhakuki 2:8

Ngako u nga hoxota matiko amangi, votshe vathu va na kuhoxota nawe, ngu mhaka ya mnoha wa vathu ni kulwa ngu mhaka ya mafu, didhoropa, ni votshe vale va zumbako ka dona.

Isaya 35:10

Se ava va nga tirulwa va Mkoma, va na tshumela veya Siyoni ngu kutsaka; kambe kutsaka ko mbi gwita ku nava txitimwi ka misungo yawe; va na mana mathomo ni litsako, kambe kupandiseka kwawe ni miketo si na tutuma.

Johani 5:30

“Ani ngu kwangu kha ni sikoti kumaha txilo, ani ni lamula madingano ni ti ni ti engisako; se kulamula kwangu ku lulamile, nguko kha ni lavi kumaha kuranda kwangu, aniko ni lava kumaha kuranda ka wu a nga ni ruma.”

Mtuletelo 18:20

Tsakani ngu mhaka ya dona didhoropa diya: “Awe nzuma ni nanu vasawuleki, vapostoli ni vaprofeti, nguko Txizimu, ngu ku di lamulisa tiya, txi mi lamulete.”

Masalmo 19:9

Kuthava Mkoma ngunene; ka simama yotshe mbimo. Kulamula ka Mkoma nga ditshuri kambe ku lulamile yotshe mbimo.

Isaya 12:6

Anu vaaki va Siyoni, tsakani mi peka mikulungwani nguko Msawuleki wa Israyeli mbwa hombe hagari kwanu.

Ezekhiyele 35:10

Hambiko u ku khawe: Vathu ni matiko mambidi si na maha sangu, si na hi lumba, nguko Mkoma a ti ti ho koneyo,

Masalmo 149:2

Israyeli a na tsakele Muvangi wakwe; vathu va Siyoni va na tsakele mfumeli wawe!

Isaya 52:9

Kwangulani mi embelela, mi pfalisa kumweko, anu marumbi a Jerusalema! Nguko Mkoma a thavelete vathu vakwe, a tirute Jerusalema.

Jeremiya 8:19

Hi nga pfa dipswi da txidilo da mwanana wa txisikati wa vathu vangu, adi di humako ditikoni ka kule, di txi kha dona: Kasi Mkoma khangaho Siyoni kani? Ina Mkoma wakwe kha nga kwakwe kani? Ngu kutxani va nga vhinjukisa kuhenya kwangu ngu sifananiso sawe, ni sizimu sa vamatiko kani?

Ezekhiyele 36:15

Kambe ni na maha taku, ku si ngadi kupfala kambe kulwa ka vamatiko; se khu na mbi ngadi u teka sile u nga honyola ka mamwani matiko, hambi ku ngadi u txi dayela vanana va ditikoni kwako, kuwomba Mkoma Txizimu.