Zefaniya 3:14 - Bhiblia Yo Sawuleka

¹⁴ Embelela ngu kutsaka awe dihorana da Siyoni; Tsaka kambe awe Israyeli; ti tsakele u txi peka mikulungwani ngu mbilu yako yotshe, awe dihorana da Jerusalema.

Zefaniya 3:14 Referans Kwoze

Isaya 12:6

Anu vaaki va Siyoni, tsakani mi peka mikulungwani nguko Msawuleki wa Israyeli mbwa hombe hagari kwanu.

Mika 4:8

Awe txitezi txa mtxhambi, mmango wa dihorana da Siyoni, ku nata kwako, ina, ku nata kwako kuxula ko khata, wukoma wa dihorana da Jerusalema.

Isaya 54:1

Mkoma a khene: “Embelela ngu kutsaka, awe txifule, awe u nga mbi veleka! Pfalisa ngu kutsaka ngu ka wuembeleli wo tsakisa, se u kwangula, awe u nga mbi pfa kupanda ka kuveleka! Nguko mbangi vanana va wule a nga lekwa, kupinda va wule a ku wukati.”

Isaya 51:11

Ngu kumaha keto, va na wuya vale va nga tirulwa ngu Mkoma, kambe va na tshumelela Siyoni ngu kutsaka ka hombe, ni kutsaka ka kwa mbi gwita ku nava txitimwi ka misungo yawe; va na mana kuzumbiseka ni litsako, kupandiseka ni kuketa si na tutuma.

Isaya 40:9

Awe u m'zivisi wa mahungu amanene ka Siyoni, kwela ka mmango wo guleka. Awe u m'zivisi wa mahungu amanene ka Jerusalema, guleta dipswi ngu mtamo; di gulete, u nga thave, womba ka madhoropa a ka Judha, u txi khawe: Wonani, nditxe hawa Txizimu txanu.

Isaya 35:2

Li na rumbuka ngutu ni kundakandaka ngu litsako, kambe li na peka mikulungwani; li na ningwa wudhumo wa Libhanoni, kufana ni kunona ka Karmeli, ni ka Xaromi; vona va na wona wudhumo wa Mkoma, ni kuphatima ka Txizimu txathu.

Matewu 21:9

Dibutho dile da vathu va nga ti thangela masoni kwakwe, ni vale va nga ti londetela ngu msana, va ti ti embelela va txi kha vona: “Hozana ka Mwanana wa Dhavhidha! A na dhumiswe awu a tako ngu ditina da Mkoma! Hozana txitimwi nzumani!”

Masalmo 14:7

O! I mani a no wuyisa ngu Siyoni, kuhanyiswa ka Israyeli! Mbimo yi Mkoma a no katekisa ngamu yakwe, vanana va Jakobe va na giya, ani va ka Israyeli va na tsaka.

Nehemiya 12:43

Ka ditshiku donedo va to maha mphaxo wa hombe, ve tsaka, nguko Txizimu txi ti ti va ningile litsako la hombe. Se vavasikati ni vanana va to tsaka ni vona. Ngu mamahelo eyo kutsaka ka Jerusalema ku to pfala kule.

Jeremiya 33:11

Ku na pfala dipswi da mkulungwani ni da litsako, dipswi da mteki ni da mtekiwa, ni dipswi da va va ku kha vona: Dhumisani Mkoma wa Mabutho a Tiyimbi, nguko mnene, nguko wumbilu wakwe mbwa kala kupinduka; ni mapswi a va va nehako miningelo ya kubonga Nyumbani ka Mkoma. Nguko ni wuyisa ava va nga ñolwa ka wuwa wukhalo, va na nga mbimoni ka kale, kuwomba Mkoma.

Jeremiya 31:13

Sekoko mahorana ma na ti zilimukisa ngu kusinya, majaha ni sikosana ma na tsaka kumweko; nguko ni na phemberusa kudila kwawe kuva litsako ni na va tangalisa ni txi va tsakisa mu kuxanisekani kwawe.

Jeremiya 30:19

Ku na huma ngu konemo kudhunda ni mapswi a litsako; ni na va andisa, va si hunguleki; ni na va kulisa, kha va na mbiswa ve kanyiswa.

Masalmo 97:8

Vathu va Siyoni va ti engisile ve tsaka; madhoropa a Judha ma nengela, nguko u nga lamula ngu kululama, awe Mkoma.

Isaya 37:22

dipswi di a ngadi womba Mkoma madingano ni Senakeribhe, ngu diya: Mwanana wotuma wa dihorana wa Siyoni, wa kutxhipisa, kambe wa kupoyilela; mwanana wa muhorana wa Jerusalema wa zinginisa msungo msana kwako.

Isaya 40:1

Thavelelani, thavelelani vathu vangu, kuwomba Txizimu txanu.

Masalmo 149:2

Israyeli a na tsakele Muvangi wakwe; vathu va Siyoni va na tsakele mfumeli wawe!

Isaya 29:19

Se avale vo dikha va na tsaka txitimwi ka kutsaka ka Mkoma, ni sisiwana si na tsakela Msawuleki wa Israyeli.

Isaya 52:9

Kwangulani mi embelela, mi pfalisa kumweko, anu marumbi a Jerusalema! Nguko Mkoma a thavelete vathu vakwe, a tirute Jerusalema.

Joyeli 2:23

Se anu vanana va Siyoni tsakani ngutu, mi tsaka ka Mkoma, Txizimu txanu, nguko ene a na mi ninga m'gondisi wa wululamo, kambe a na txhikisa mati a nzuma, mati a kukhata ka mtxima, ni o gwitisa.